[Rayo0ona]

السلام عليكم ورحمة الله وبركاته


هذا شي حصلي الأسبوع اللي راح وحبيت أتشاركه معاكم لأنو حااارني في قلبي
يالله نبداء اممممم بينما كنت أمام التلفاز وبعد صلاة المغرب أذا بجوال الوالدة الله يخليها لي يارب يدق بس من رقم غريب واذا الوالده تقول عسى خير المهم بترقب شديد لجميع من كان في الصاله نسمع الوالده تقول أي هذي أنا أم (ــــــــ) طبعا كان أسمي عااااد انا ما صدقت فهمت السالفة خطــــــــــاب الله وناسة وينقالي أنكسفت و وجهي صار لونه وردي مثل البيجامة اللي لابستها طبعا هذا بعد ما كل اللي في الصاله تحول نظرهم لي وأنواع التعليقات المهم أمي قامت عشان الأزعاج وأختكم في الله بداءت أنواع التفكير يالله أيش البس لما يجو الناس أيش وأيش ومليون أيش المهم جاااااات أمي و وجها متغير(أفااااااااا)خير
أمممممم أنا رديت الحرمة طبعا أنا ولا كلمه أخواتي ليـــــــــش أممممممم
ليش هذي اللي ودي نتناقش فيها وبصراحة طبعا أنا ما زعلت لأن أمي ردتهم بالعكس لما عرفت السبب كان هذا ردي أكيـــــــــــــــــــــد.

السبب طلع الرجال أكبر مني ب13 سنه أنخيلو وووووو عمري 26 وهو 39 سنة أما خير سنة ويصير 40 بصراحة كانت قوية على أعصابي عاد هو الله يوفقه وأنا الله يرزقني بخير منه
طبعا أخواتي بداؤ تعليقات من نوع ثـــــــــــــــاني ههههه
طولت عليكم صـــــح أخذت وجه
السؤال هل تقبلي الزواج من رجل أكبر منك بكثير وايش احسن فرق في العمر بين الرجل والمراءة في نظركم؟

أنتظر مشااااركاتكم الرائعة

رايووووووونة

[بلاتين]

أكيد ... أقبل ......... عاقل وناضج ومكون نفسه احسن من الصغير أتحمل وأوقف معه , وإذا اسس نفسه قال مع السلامة .....

[ام حممممودي]

السلام عليكم ورحمة الله وبركاته
اول شيئ استخيري قبل ماتردين عليهم ثاني شيئ انتي تشوفين

الحين البيوت مليانه من البنات الي ماتزجو ا اذا كان الخطيب كفو
توكلي على الله ووافقي هذا مجرد رأي وانت حره في اتخاذ القرار
والله يسعدك ويوفقك

[ام شموخة]

الفرق في العمر لازم بين الرزوجين وافضل شئ من 5 الى7 سنوات عشان يكون اكثر فهم واكتر عقلانية لانة قد مر بالمرحلة اللى بتمري فيها وعارف اشفيها

[ورده الكون]

ما اشوف العمر سبب للرفض

بالعكس يدلعك ويهنيك

[حياتي فراغ]

بالزمن هذا اهم شي الستر اذا جاك لا تردينه لان بعدين يمكن مايجيك غيره وانا بالنسبه لي العمر مو مهم كثير موفق بإذن الله ... لك مني أجمل تحية .

[حيااه]

اذا كان مستواه محترم وماتزوج وشخصيه ليش لا
بس الخيره فيما اختراه الله

[نبض الوفاا]

اهم الشي الدين والاخلاق ..وانتي بتعشين مع اخلاقه مو مع عمره..

وصراحه الرجل ما يضره عمره ..

[اللهم انت ربي]

اهم الشي الدين والاخلاق ..وانتي بتعشين مع اخلاقه مو مع عمره..

وصراحه الرجل ما يضره عمره ..

اختي حبيبتي

انا متزوجه من واحد اكبرمني 12 سنه والله
ان كل خواتي يقولون ياماشاء الله عليك

مدلعك دلع والله مافيه شي ابيه الايجيبه
وانتبهي حياتي

اصابعك ماهي مثل بعض
استخيري

الله يكتب اللي فيه الخير

[Rayo0ona]

المشاركة الأصلية كتبت بواسطة اللهم انت ربي اهم الشي الدين والاخلاق ..وانتي بتعشين مع اخلاقه مو مع عمره.. وصراحه الرجل ما يضره عمره .. اختي حبيبتي انا متزوجه من واحد اكبرمني 12 سنه والله ان كل خواتي يقولون ياماشاء الله عليك مدلعك دلع والله مافيه شي ابيه الايجيبه وانتبهي حياتي اصابعك ماهي مثل بعض استخيري الله يكتب اللي فيه الخير

تسلميلي ياقلبو وعاكي حق اصابع يدك مو سوى والله يعوضني خير منه