[مهره محمد]

{السلام عليكم والرحمه


من اسبوعين تقريبا او اكثر بشوي حلمت هالحلم وفسرته لي اختنا لانآ


ما شاء الله تبارك الرحمن

تحقق كل شي وبالتدريج




{ هذا هو الحلم . . .


حلمت اني كنت اراقب شخص وبحذر عشان ما يعرف اني اراقبه هم كانو جماعه بس اكثر شي كنت حاطه عيني على واحد منهم و هم ناس شايفتنهم ع الحقيقه اشوفهم فالعمل كلهم سمر كنا فالشارع صوب الجسر عندنا جسر فراس الخيمة . ووايد ناس كانو موجود فنفس المكان بعد كأنه الشرطه والتحريات . هاي الجماعه كانو فالاتجاه الاخر من الجسر وعبرت الجسر ورحت باتجاهم بس كيف عبرت الجسر انه السيارات تمشي قبلي وانا امشي برجلي ورا السيايير يعني الجسر نعبره فالسياره فالحقيقه بس انا كنت امشي برجلي وفي سيارات امامي وخلفي . وبعد ماعبرت الجسر رحت لهاي الجماعه السمرين وشفت واحد منهم شايل بايده كتاب والقرآن ويبغي يفر القرآن وانا ركضت وشليت عنه القرآن وكنت غاضبه منه وقلتله هذا كتابنا وبحافظ عليه حتى لو اموت وتقتلني وعنده اداء حاده نحن عندنا في الامارات نسميه الجرس ماعرف انتو شو تسمونه وضربني على راسي بهالاداء واختي كانت موجوده وصرخت وانا توقعت انه راسي بيتقسم قسمين بس ما صار لي شي وضربني مره ثانيه وثالثه بس ماصار لي شي وقلتلهم شفتو اللي يشيل بايده القران الله يحفظه وبعدها تغير الحلم وصرت كاني فبيت صديقتي وكنت بطلع من عندهم وام زميلتي سلمت علي عطتني كيس فيه سمك مقطع قطع صغيره وسمكه كامله وقالتلي هذا وايد تقدرين تطبخونه فيومين وبعدين رحت بيتنا وشفت امي طابخه بس سمك من نوع ثاني وقلتلها شوفي السمك اللي عطتني ياه ام فلانه حلو ونظيف وكان شكله مرتب وفي تفاصيل ثانيه بس متذكره بالضبط ...



تفسير الاخت لانآ

خيراً تلقينه وشراً تتوقينه

مراقبتكِ تدل على حذرك وحرصك بعملكِ وقد تستصعبين امر قيامكِ بالذهاب الى هذا المحل وستذهبين بأذن الله ويتسهل الامر عليكِ ..
الكتاب قد يدل على خاطب يتقدم لكِ قريباً بأذن الله
وبالنسبه لتقسيمة الرأس هنا قد تحاولين تقسيم مصرفك الى 3 اقسام
قسم للبنك وقسم مصرف لكِ وقسم لـ احتياجات عائلتكِ وبـ اتكالكِ على الله ستقدرين
تجاوز هذي الضائقه والسمك رزق يأتيكِ بحول الله وقوته
والله اعلم بالصواب






فعلا كنت حذره في عملي لاني كنت بديله عن زميلتي

وذهبت الى المحل بكل سهووووله ما توقعت انه الموضوع ينتهي هكذا

تقدم لي خاطب ولكن الموضوع انتهى ولم يتم

بالنسبه للراتب فعلا هذا ما افعله ^_^


ماشاء الله عليج يا لانآ

حفظك الله من كل شر وذادك علمـــــــاَ

[مهره محمد]

زنسيت اقول عن الرزق


بالنسبه للرزق تسلف مني اخوي مبلغ من المال مبلغ كبير شوي وانا نسيت الموضوع لاني ما حطيت فبالي انه يرجع الفلوس لانه اخوي يعني

فجاه جائني اخوي ويابلي الفلوس ماتوقعت انه يرحعهم ^_^

[عائشهـ]

ماشاء الله تباارك الرحمن على اختي لآنــــا

الله يزيدها علم فوق علمها وينفع بها ويكتب لها الاجر الجزيل ياارب

مشكوره مهره ..الله يسعدك يااارب ويرزقك ماتتمنين وفوق ماتتمنين

[نـاظِـره]

تبارك الله لاقوة إلا بالله
الله يجزي المعبرين والمعبرات خير الجزاء ويزيدهم علما ونورا وأن ينفع بهم .. والله نتعبهم كثير ومالهم الا الأجر والدعاء إن شاء الله
مبارك لكِ اختي مهرة محمد والله يحفظك ويعوضك باالزوج الصالح

[عبدالرحمن م]

السلام عليكم ورحمة الله وبركاته
الله يوفق الجميع

[وريف الصمت]

ماشاء الله تبارك الله الله يحفظك يا لانا

[ملبووونيه]

ماشاء الله لاقوه الابالله نفع الله بعلمك لانا وزادك من فضله

[حدائق الورد]

ماشاء الله تبارك الله

[مهره محمد]

شكرا على المرور اخواني


نورتو الصفحه

[دمعة رجاء]

ما شاء الله تبارك الرحمن على معبرتنا المتميزة لانـآ

الله يزيدها من فضله و يوفقها ويفرج همها

والله يوفقك أختي مهره

ويرزقك الزوج الصالح اللي يسعدك ..