[هند العمراني]

الاكلات المكاوية ومناسباتها السنوية

عن عادات وآكلات وتقاليد مر عليها سنين
والى الان الحمد لله جيل ورا جيل متمسك فيها
وموضوعنا اليوم عن

الأكلات المكاوية لها طعم ونكهة ونشأة واللي يحلي الأكلات ويطعمها زيادة إنو لكل أكلة مناسبة تتعلق بيها وما ناكلها إلا في المناسبة حقتها نحنا كدة المكاكوه وبالزات العتقية القدم لنا تصانيف وتباتيك
·في الاكل والشرب مايعلم بيها الا الله عز وجل ماشية معانا من أيام ما فنو الأوادم والعهدة على الراوي أقروا الموضوع ومخمخو وبعدين قولوا رأيكم عن هادي العادات طيب يا سيدي انت وهو والكلام للجميع الأكلات المكية ترتبط بعادات ومناسبات يعني كل اكلة ولها مناسبة زي أيش ؟؟؟ هيا خدو عندكم ....
الرز بحمبص و السقط و المعرق أو المختوم و الششني ·هادي الأكلات خاصة بالعزا وزيادة في التوضيح اليوم الأول والتاني والتالت يطبخو الرز البحمبص واليوم التالت
·اللي يسموه قطع العزا يسوو الششني والمعرق والمختوم والسقط

الكابلي أو الزربيان و السمبوسك و الطورمبة ·هادي يسووها وقت المناسبات والأفراح للرجال أما الحريم يجيبولهم الميز طبعا زمان أول مافي لا ميز ولا يحزنون
·ياكلو من نفس أكل الرجال بس يسوو قليل بريك
·او بف بالجبنة والا باللحمة شغل بيتي يعني واللي تعرف تسوي
·كيك بالبرتكان او الموز تسوي صينية علشان يحلو بيها بعدين جانا الميز والشغلات الجديدة هادي

المعدوس ( الرز عدس ) هادا يسووه المكاكوة يوم الغيم والمطر
·ومعاه روبيان مكشن بالقوطة والبصل والفلفل الأخضر وزلطة حمر وكيف لو كنا ساكنين في بلاد الخواجات على كدة
·كل يوم معدوس ألين البطن تسير زي الطبلة الملوخية الخضرا هادي تتعمل في اليوم الأول من السنة الهجرية الجديدة
·على الغدا من باب التفائل إنو ربنا يجعلها سنة خضرا وخير للجميع

الحليب أبو الهيل
هادا برضو كمانة ينشرب في صبحية
·أول يوم في السنة الهجرية الجديدة

السليق
هادا يسووه في المناسبات لمن يكون الجو باااااااااااااااااارد

منقول

[TO TO TO]

فتحتي نفسنا 00وفكرتينا بأيام زمان

[سلطانـ 5]

ماشاء الله .. بس الطعم !!

[لادار إلا دار الآخره]

شـكــ وبارك الله فيك ـــرا لك ... لك مني أجمل تحية .

[رذاذالمطر]

موفق بإذن الله ... لك مني أجمل تحية .

[طائر المطر]

جزاك الله خير

[لهفة ح ـنين]

مكة (L)

عآفآك ربّي

[يمه جرحوني]

شـكــ وبارك الله فيك ـــرا لك ... لك مني أجمل تحية .

[ريــ المـاس ــم]

شـكــ وبارك الله فيك ـــرا لك ... لك مني أجمل تحية .

[خالة المزيون]

مشكوووووووووووره على التوضيح والاكلات الحلوه