[The one message]

السلام على جميع من يقرا كلماتي المبحوحة؛
بتمنى تكونوا بأتم الصحة والعافية
يمكن استغربتوا من العنوان...ولكن ما اظن في استغراب من الجواب لانه شبه معروف
الحقيقة انا ما كنت بدي افتح هالموضوع بهاد الوقت انما كنت حابب اقرا مواضيع مختلفة من الاعضاء ولكن..اثناء بحثي بغوغل صادفت مواضيع بتحمل كلمات منسوجة بعنصرية وحقد تجاه عرب فلسطين وعرب الداخل ومنها اقامة العرب هدول في الدول العربية او طلبهن للحصول على الجنسية بأي دولة عربية سواء مصر الاردن السعودية الامارات...
وكالعادة واسمحولي على التعبير"الجهل" المتفشي بين الناس انه عرب فلسطين ناس متل القطط الشاردة الجائعة اللي بتبحث عن ماوى او قوت ونادرا ما تلاقي!
والظلم اللي بتلاقيه من الدول العربية متل الظلم اللي بتلاقيه من اليهود اذا مو اكتر!!
والجهل الافظع انه بعتبروا عرب الداخل يهود؟!!!!!!!! بسبب انهن بحملوا الجنسية الاسرائيلية الزرقا
وهلأ بعيد عن السبب اللي خلى كل عربي في "ارض فلسطين" يكون تحت جناح الصهاينة
انا راح اوجهلكن سؤال
يا ترى هل انتوا بتحملوا هاد الحقد والمشاعر السلبية تجاه عرب فلسطين وعرب الداخل؟!
وبتعملوا كتلة وحدة مع اليهود ضدهن والا كيف؟
انا بسمع وبقرا وبشوف كتير اراء الناس حول الموضوع هاد ان كان من لبنان او سوريا او الاردن او السعودية ومصر والخخخخخخخخ ما شاء الله البلدان العربية كتيرة
هل ضاعت العروبة والانسانية؟ واصبحت الكلمة البديلة هي اللا مبالاة!
قبل فترة سمعت تصريح من الفنانة شيرين عبد الوهاب بتقول لن اغني لعرب ال48 لانهن يهود!!
وما لقيت خبر يكذب هاد الشي..فاذا هالحكي صار وطلع منها!
هدا غير عن شعب مصر كله اللي بقول عن عرب الداخل""كلاب"" وخون
وغير المعاملة اللي بلاقوها حجاج عرب الداخل بالسعودية خصوصا الشخص اللي سجنوه اخر فترة لسبب مجهول!
وفي شي تاني حبيت اخد رايكن فيه
هلأ اذا شخص فلسطيني او شخص عربي مسلم معه هوية اسرائيلية وحب يعيش ببلد عربي متل الاردن او السعودية..ممكن يعطوه الجنسية مثلا؟ او ممكن يعاملوه معاملة الاسلام الحقيقية؟
والا راح يعاملوه مجرد ضيف ما عنده حقوق..ولمعلوماتكن العرب اللي "في ارض فلسطين" او عرب الداخل عندهن حقوق من قبل اليهود..وخايف لتكون هاي الحقوق اكتر من الحقوق اللي بتعطيهن اياها اي دولة عربية اخرى..!
هدا غير اذا فكر يا حرام هاد الفلسطيني او الاسرائيلي انه يوخد جنسية عربية تانية ليكون شخص محبوب وليس منبوذ!
راح يدوق المر والحنظل حتى يوخد الجنسية هاد اذا اخدها في ظل التعجيزات المحطوطة في قانون منح الجنسية!!!!!!!!!!!!
واذا سالتوا اي شخص ليه عم يطالبوا انهن يسحبوا الجنسيات من هدول العرب او يعملوا تعجيز او رفض...راح يكون الجواب لحتى نساعدهن يحافظوا على عروبيتهن وعلى حق العودة والخ...
ولكن هل هاد صحيح؟
راح اترك الاجوبة للجميع لعل وعسى نقيم الغشاوة عن هاد الموضوع
وهيك انا بكون عبرت عن بعض اوجاع هاد الشعب اللي بروح من حيط لحيط ومن قضبان لقضبان
في انتظار الاخوة العرب...

[The one message]

والصدفة انه البارحة كنت فاتح على دبي وكالعادة كل يوم ثلاثاء بحضر برنامج سوالفنا حلوة
وطالع الموضوع عن الجنسية...وتم نقاش صاحبة الجنسية الوحدة والمزدوجة واللي ما عنده من الاصل..وحابب اشوف اراء الاصدقاء هون..

[The one message]

يبدو اني اخطأت لما فتحت هيك موضوع
رجاءا من المشرفين يحذفوا الموضوع لاني ما بحب اشوف تجاهل لهيك قضية خطيرة من جميع الاتجاهات
ومشكور!

[مدى1]

اخي العروبه ماضاعت الحمدلله موجوده انا اتكلم عن السعوديه بلدي هي ماقصرت مع اخواني الفلسطين من الدعاء في مساجدها الحرميني الشريفين وخصوصا خادم الحرمين اطال الله عمره لم يقصر مع اهل فلسطين من مساعدات اتمنى منك ان تتبع ايش عمل مليكنا حفظه الله وولي عهده سلطان الخير وشعبه المملكه العربيه السعوديه الواحد يسوي اللي يقدر عليه والباقي يخليه على ربه اسئل الله العلي العظيم بان يحفظ القدس وينصر اخواني الفلسطنين على اليهود

[The one message]

شكرا لك اختي على الرد الجميل
صحيح انا لا انكر ان هناك مساعدات
ولكن اسفي على الناس كيف صاروا يعتبروا متلا عرب الداخل يهود!
اسفي كيف لما احكي مع حدا في البداية ترحيب واهلا وسهلا
ولكن لما يعرفوا اني فلسطيني او من عرب الداخل بطير كل الترحيب
ما بحكي عن الكل انما هناك فئة كبييييييييييييييرة
واغلبها من مصر هيك انا عم بلاحظ في المنتديات والمواقع والفيس بوك ووين ما اروح
على كل حال ان شاء الله يلتم شمل العرب يا رب
قولوا آميـــــــــــــــــــــــــــــــــــــــــــــــ ـــــــن

[hamidi212]

ليست بالعنصرية فقط بل الصهيونية ضد الشعب الفلسطيني وأقل ضد الشعب اللبناني

[hamidi212]

اليهود عليهم الدلة والغضب

[مدى1]

المشاركة الأصلية كتبت بواسطة The one message شكرا لك اختي على الرد الجميل صحيح انا لا انكر ان هناك مساعدات ولكن اسفي على الناس كيف صاروا يعتبروا متلا عرب الداخل يهود! اسفي كيف لما احكي مع حدا في البداية ترحيب واهلا وسهلا ولكن لما يعرفوا اني فلسطيني او من عرب الداخل بطير كل الترحيب ما بحكي عن الكل انما هناك فئة كبييييييييييييييرة واغلبها من مصر هيك انا عم بلاحظ في المنتديات والمواقع والفيس بوك ووين ما اروح على كل حال ان شاء الله يلتم شمل العرب يا رب قولوا آميـــــــــــــــــــــــــــــــــــــــــــــــ ـــــــن

امين يارب وبالعكس اخواني الفلسطينين احنا نحبهم ويشرفنا صداقتهم واحنا اصلا اخوه في الاسلام وقلوبنا معكم اخي خليك رافع راسك وقول انا فلسطيني واحمي بعد الله القدس الشريف والله يوفقك وينصرك امين يارب

[The one message]

آميــــــــــن ينصرنا اجمعين-احنا ولبنان الحبيب والكل- على عدونا اسرائيل
املي بالله كبير صحيح ربنا بستجيب الدعاء ولكن ربنا حكيم ووحده بعرف وينتا راح يجي النصر لانه كل شي بيجي بأوانه
لكن عندي امنية انه يلتم شمل العرب قبل!
وقتها ممكن يضعف العدو
ومشكورين عالمشاركة..كلنا اخوة ان كنا بفلسطين او غزة او لبنان او الامارات او اي بلد
تحياتي لكم

[غزة الجريحة]

شعب فلسطين وغزة بالذات مو عارف من وين بدو يتلقاها

ياسيدي خليها على الله