[دموع انسانه]

ياللي دفنتـوا جثتـه.. ليـه تبكـون؟


لولا الحيا..لأقـول : معكـم خذونـي
منه انحرمت وكنت انا عنه مسجـون
ما أذكر لمحته .. غير مـره بعيونـي
شفته ..وكانت فرحتـي مالهـا لـون
عجزت لأوصف .. من لمحته شجوني
ياليتني ..كنت الكفـن يـوم تمشـون
أبقـى معـه بالقبـر ثـم تدفنـونـي
أو ليتني .. من خلفكم كنت (مجنـون)
أتبع خطاكم والعـذر هـو : جنونـي
أبكي وراكم .. وأدعي ان كان تدعون
مايكفي انه عـاش عمـره بدونـي؟؟
تكفون < هاكم عمري اليـوم تكفـون
برخـص حياتـي دام خابـت ظنونـي
مافادني صبري !! ولا فادنـي عـون
ولا فادني دمع(ن) .. حرق لي جفوني
ياما بكيتـه والبكـي يحـرق عيـون
ميت أو انه حي .. دمعـي بعيونـي!!
العام كان بفرحتـه.. يعـزف لحـون
واليوم ؛ تحت الأرض .. ماهو بكوني
لكن أنا في فرحتـه.. كنـت مدفـون
فوق الثرى .. واليوم موته سجونـي
(سميت قلبي عقـب فرقـاه ملعـون)
هو و الليالي .. عن هنـاه امنعونـي
ياليتني.. ماعشـت لحظـه بهالكـون
وياليت ربعي .. في سكات اذبحونـي
وياليتكم .. عن همّي اليـوم تـدرون
منه انحرمت > ومن عزاه .. احرموني
حتى بوفاته !! يوم أنا طحت مطعـون
أخفيت طعناتي .. قبـل لا يفضحونـي
بكيت!! لكن .. ماتظاهـرت بالهـون
أبكي وأقول : الموت هو سبة طعونـي
وإن كان في حبّي أنـا ..ماتحسّـون
دلوني لقبـره .. وهنـاك ..اتركونـي

و ســــــــــــــــــــلامتكم
لا اعرف من القائل
فقط اعجبت بالشعر

[ود الوليد]

رائع النقل

[نواعم 14]

روعه ومبكيه يسلمووو تذكرت حبي لرسول الله صلى الله عليه وسلم

[دموع انسانه]

اشكر مروركم
ود الوليد = نواعم

[كنان2]

وياليتكم .. عن همّي اليـوم تـدرون
منه انحرمت > ومن عزاه .. احرموني
حتى بوفاته !! يوم أنا طحت مطعـون
أخفيت طعناتي .. قبـل لا يفضحونـي
بكيت!! لكن .. ماتظاهـرت بالهـون
أبكي وأقول : الموت هو سبة طعونـي
وإن كان في حبّي أنـا ..ماتحسّـون
دلوني لقبـره .. وهنـاك ..اتركونـي

يااااااااااااااعمري تجنن ...

[دموع انسانه]

شاكره مرورك يا عسل (كنان2)
دمتي بود

[سمة الخير]

بورك مسعاك وجعل ربي جنة الفردوس مثواك

[شوق وكلي ذوق 59]

ررررررررررروعه

[دمعة رجاء]

روووعه بس مبكيه

تسلمين وتسلم يمناك ع النقل

لاهنتِ

[دموع انسانه]

سمة الخير = شموخ رغم الجروح = دمعة رجا
شكرررراً لمروركم