[إيمــــان]

السلام عليكم ياحلوات
وبما أنها أول مشاركة حبيت أعطرها لكم
وطبعا لا هو منقول ولا مغشوش
لأن هذي العطور هي عطوري الشخصية ومجربتها وحابتها وفيها القديم والجديد يعني من أول مابديت أقتني عطور كانت هذي عطوري وأوعدكم ترا فيه جزء ثاني
وصدقوني ماراح تندموا وتدعولي بعد.
وترا كل عطر التعليق حقه فوقه مش تحته عشان ماتتلخبطوا
محبتكم:
نسيم الباحه

هذا عطري الحالي الصباحي وقت الدوام مرره ناعم ويقول يادنيا انهدي ماعليكي قدي وتراه من أجدد العطور وصوره ملا الأسواق(فلورا) من قوتشي

وهذا عطري الحالي وقت السهرة والزيارات مرررررررررررره خطير والله الكل سألني عنه وكل البنات اللي شافوه شروا مثله من جد يصرررررع وتراه آخر مانزل الأسواق وصوره في كل مكااااااااااان(ريتشي ريتشي) من نينا ريتشي

هذا ياطويلات الأعمار عطري حق السنة اللي فاتت من جد خياااااااالي ونعوم ويصلح للصباح وللسهره وقيمته فيه يشرح الصدر من أول رشه ويصلح مرررررررررره للعرايس جربوه مراح تندموا (مي بي بيبي) من وجوه وكلها العطور تلاقيها في وجوه.

هذا حكاية ثانية منتهى الرقة والنعومة مره ينفع للصباح وكنت اجلس ع طول بجنب صاحبتي لأنه عطرها طوال الدوام (ذا بيت) من بربري

وهذا العطر عطر الذكريات خصوصا أنه يذكرني بأحلى مكان بالدنيا(الطائف) بس اشم ريحته دموعي تنزل ووالله ماعد اشتريته لأن لو أشتريه رح يقلب علي المواجع وانا اللي فيني مكفيني جربوه انتم وعطوني رايكم (إسكادا) التركوازي أنا مسميته كذا

هذا عطر السهرات الثقيلة حطي منه في زواج أو ملكة أو سهرة وشوي حتى لو تغسلي ملابسك إلا يبقى
كانت وحدة من صحباتي تحطه بالدوام وعجبني قلت لها ماينفع صباحي بالمررررره وطيب للعرايس (ديور)

طبعا هذا مايحتاج تعليق ينفع صباحي ومسائي وثااااااااااااابت تعرفون اش يعني ثابت وتراه عطر من الذكريات(تشانس) من شانيل

أما هذا ترا من زماااااااااان يافن:::::::بس تراه خطير ويجنن حطي منه الصبح في البيت أو الدوام تلاقين حتى العصافير وراك تطير ومنعش موووووووت تراه عطري أيام أول كلية. (تومي قيرل)

أما هذا عااااااااااااااااالم لحاله لاأحد يكلمني فيه أبد أنتم بس جربوه ع طوووووووووول إدمان وربي أنه يجيب العافيه وأقصد أن كل هالعطور تجيب العافية ولو أني ماأحبكم ماقلت لكم

وعشاني أحب العطور وأحبكم وأعرف انكم تحبونها وتقعد ريحتها لأطول فترة ممكنة حبيت اقول لكم ع شغله صغيرونه:

قبل ماتبخي بخه وحدة من العطر الجديد ع طول الثلاجة حق يومين ثلاثه وبعدين مكان مظلم في دولاب ملابسك حق يومين ثلاثه مو زيي ياحبي للقافه مافيني صبر ع طول ابخ وبعدين افتكر واتنكد ومع ذلك والله اني أحطه أدري ان مافيكم صبر بس اصبروا عشان تحتفظي بالريحة أطول وقت ممكن في ملابسك.

وكمان فيه شي قالته لي وحده الله يذكرها بالخير قالت بعد الترويش جيبي زيت جونسون حق الأطفال وبخيه ع جسمك كله وبعدين بخاخ موية الورد العاديه من فوقه ولمن تنشفي حطي في طيات جسمك أي دهن بس خفيف وياريت مايكون مخلط يعني من بودي شوب انا استخدم الياسمين جربوه والله يخبل وبعدين ألبسي ملابسك وغرقي نفسك عطر وترين الأغلبية يحطوا العطر بس ع الصدر وهذ غلط أجل وش استفدنا....وعشاني أحب البخور اتبخر قبل ماألبس ملابسي وأبخر شعري وهو لسا مانشف واللي يقول البخور ع الشعر المبلول يساقطه والله ماصدق واللي يقول العطر يشيب الشعر ماصدق وأنا اعطر شعري وين المشكلة؟؟؟؟
الأفضل انك تغرقي نفسك عطر يصير بس تتحركي الكل يقول ماشاء الله طبعا أنا أقصد في المناسبات الخاصة أو إذا أحد زارك او في الأماكن اللي عارفة أنك بتطولي فيها أما الخرجات البسيطة العطر الزايد ماينفع لأنه حرااااام خصوصا لو تمري على رجال.
أنا ابخ العطر ع المكيف وأقف قدامه ع كرسي وتجي كل الريحه عليه طبعا اقعد ألفلف يسار يمين يسار يمين<<<<<<<<<<< وحدة مجنونة وفاضية بس أنها تحب الزين.
واوعدكم بالجزء الثاني قريب

أنتظر ردودكم وتعليقاتكم الحلوة زيكم.
نسيم الباحه

[سونالي]

تسلمين عالطرح ..
انا احب العطور والروايح الحلوه وكمان نفس طريقتي احب ابخر شعري وهو مبلول ... والريحه تثبت بالشعر
واحب اشم شعري .. لان ريحته تصير جنان ..
وعلى فكره طريقة العطر انك تحطيه في التلاجه سويتها .. بس ما قدرت اركز لان العطر اساسا مركز وثابت
وضحكتني حركتك انك تبخي عطر عالمكيف وتلفي يمين يسار يسار يمين ههههههههههه يسعد قلبك يارب
تقبلي مروري ..
أختك سونالي

[أبعـــاد]

تسلمين تصلحين تبيعين في دبنهامز .. >>

المهم التشكيلة فيها الوااااو وفيها الحليوووو وفيها اللي ما أحبه مثل جادور وأديكت وإسكادا بيني وبينه عداوة ..

فلورا خطير مرة لكن مشكلته غير فواح أما البتاع اللي نينا ريتشي ماعليه كلاااام حلووو مرة

والأخير اللي أسمه نير سسو لا يفوتكم من جد خطير لكن لا تشتروووا الجديد لأني أنغشيت فيه وما يفوح لكن جيبوا القديم اللي لونه أسود من جد في حياتي ماشفت عطر فواح كثره ..

ومشكووورة على التشكلية الحلوة وعزمت أجيب نينا ريتشي في أقرب فرصة .

[إيمــــان]

مشكورات يالحلوات ع المرور والتعليق الزين
ولاتنسوا انتم وذوقكم
هذا بس رأيي الشخصي وانتم أحرار حبيت بس انقل لكم تجربتي وأوعدكم بالجديد والمميز والمجرب.
ولاتترددي ياأبعاد في ريتشي ريتشي
سونالي ياعسل جربيها وشوفي ومراح تخسري بس رح تضحكي.

[عذابي غـير]

احب العطور موضوع غايه في الروعه ننتظر المزيد

[*أم الجود*]

يسلموا اختي

[مذهله-3]

الله يجزاك خير

عوافي هالزين وهالريحه الطيبه

أنتي مثلي تمام بختلاف بعض العطور

نينا التفاحه - اسكادا المنقطه الحمراء

قوتشي ما فيه كلامممممممم روعه

وعطري حق المدرسه فرزاتشي الذهبيه

اذا جيت اشتري عطر بعد ما استلم الراتب في 25 محرم بسألك ؟ لا تنسين ..

[إيمــــان]

الجميع بلا استثناء عطرتم صفحتي بمروركم
ويسلم ذوقكم
وانا تحت امركم.

[&بنت أهلها&]

مبدعه ..........

يعطيك العافيه

[عابدةالرحمن]

وفقك الله ويسر لي ولك الخير حيث كان وفرج الله همك وابدله فرح وسرور