[شموخ*]

السلام عليكم

اريد رأي المشرفين ف هالموضوع ..
وحتى اللي عنده راي او مار عليه هالموقف فياليت يفيدني
بس اتمنا تردوا علي بأسرع وقت ممكن اذا تكرمتم ..


ندخل ف الموضوع ..
عندي صديقة عندها مشكله وانا ابي اساعدها
ف ياليت تساعدوني وتعطوني الحل الافضل ..

واليكم القصة ...

صديقتي لها علاقة مع شاب من خمس سنوات تقريبا ..
مره طلعت وياه وافقدها عذريتها ..
بس الحمدلله طلع يحبها وماتخلى عنها وظل متمسك فيها ..
وخطبها من اهلها وااااااااااااايد بس قابلوه بالرفض
حاول بكل الطرق ,, ودخل واسطات عشان يقنعوا ابوها لانه هو رافض وبشده والسبب (اختلاف المذاهب)
يعني ابوها خايف من كلام الناس بس ..

بالاخير ربيعتي قررت تقول حق خالها عن علاقتها مع الشاب ..
سار خالها وحاول يقنع ابوها بكل الطرق بس ظل معاند ورافض (طبعا ماخبره ع علاقتها بالشاب والا بيذبحها)..

قالها خالها ( مادام ابوج ماراضي انا بسفرج وبعالجج (يرجع عذريتها) ..
بس هي محتاره ..

ماتقدر تترك الشاب لانهم يحبوا بعض
وعشان بعد هو يعرف كل شي عنها ..
وتعرف لو عالجت وتزوجت شخص ثاني بتعيش حياتها كله بخوف
بتخاف تجي يوم وتنكشف اسرارها مع حبيبها الاولي ..

**الحين الشاب طلب منها انهم يتزوجون في المحكمة ...
وانتوا شو رايكم بهالشي ؟؟؟ } وياليت تعطوني رايكم مع السبب{

ولو هي تركت الشاب وعالجت ( رجعت عذريتها) هل هذا قرار صح او خطأ ؟؟؟؟
وليييييش ؟؟؟؟
(مع العلم ان الشاب يعرف كل شي عنها ,, يعني بينهم صور ومسجات وامور ثانية)

وياليت اللي عنده خبرة بهالامور يفيدني
لان الموضوع كبير وحساس مثل ما أنتوا شايفين

انتظر ردودكم

[شموخ*]

استغفر الله الذي لا اله الا هو الحي القيوم واتوب اليه

[شموخ*]

وينكم محد رد علي ؟؟؟

[بشاير الرحمه]

وعليكم السلام ورحمة الله
وبركاته_
صديقتك هذي اخطة يوم تعرفت
على هذا الشاب وزادت الخطا
بستمرار علاقتها معه خمس
سنوات وصار عواقب هذي
العلاقه ما صار لها _نصيحتي
لها ان تخبر امها او ابوها حتى
حتى يعرفون كيف يعالجون الامر
ياختي هذا الجيل جيل فاهم
الكل يعرف كيف تنتهي علاقة
الحرام _مابني على باطل فهو
باطل_وانا من وجهة نظري ان
لاتتزوج هذا الشاب لانه لان
يثق فيها ابد وبشك في اي تصرف
يصير منها _قولي لها تخبر ابوها
‏_اسل الله ان يفرج همها وان
يرشدها الى طريق الصواب _

[شموخ*]

المشاركة الأصلية كتبت بواسطة بشاير الرحمه وعليكم السلام ورحمة الله وبركاته_ صديقتك هذي اخطة يوم تعرفت على هذا الشاب وزادت الخطا بستمرار علاقتها معه خمس سنوات وصار عواقب هذي العلاقه ما صار لها _نصيحتي لها ان تخبر امها او ابوها حتى حتى يعرفون كيف يعالجون الامر ياختي هذا الجيل جيل فاهم الكل يعرف كيف تنتهي علاقة الحرام _مابني على باطل فهو باطل_وانا من وجهة نظري ان لاتتزوج هذا الشاب لانه لان يثق فيها ابد وبشك في اي تصرف يصير منها _قولي لها تخبر ابوها ‏_اسل الله ان يفرج همها وان يرشدها الى طريق الصواب _

اشكرك ياأختي ع نصيحتك ..

هي والحمدلله تابت ..
يعني تعتقدي لو تركته بتقدر تتزوج شخص ثاني ؟؟؟
يعني لو عالجت ماتعتقدي انها بتخدع الشخص اللي بتتزوجه ؟؟

[بنت سوزان]

بكل الحالتين خسرانه

لانها ان تزوجت عن طريق المحكمه وعصت ابوها ... طبعا ابوها يمكن راح يقاطعها ولا يسلم عليها ولا يخليها تدخل البيت ثاني مررره

وممكن زوجها راح بيوم يتخلى عنها لان (( مابني على باطل فهو باطل ))

وراح يشك فيها وبالاخر وين تروح ؟؟؟



لكن عليها التوبه قبل كل شي والله بيكون معها قلبا وقالبا

[شموخ*]

المشاركة الأصلية كتبت بواسطة بنت سوزان بكل الحالتين خسرانه لانها ان تزوجت عن طريق المحكمه وعصت ابوها ... طبعا ابوها يمكن راح يقاطعها ولا يسلم عليها ولا يخليها تدخل البيت ثاني مررره وممكن زوجها راح بيوم يتخلى عنها لان (( مابني على باطل فهو باطل )) وراح يشك فيها وبالاخر وين تروح ؟؟؟ لكن عليها التوبه قبل كل شي والله بيكون معها قلبا وقالبا

اشكرك عزيزتي ع نصيحتك ..

بس الانسان مو معصوم م الخطأ..

يعني ف رايك اذا تركته هذا صواب ؟؟

ممكن يتوبوا ويجددوا حياتهم بعدين ..

وانا ع نفسي اشوف اذا كان هو مب زين كان تركها ..صح كلامي والا انتي شو رايك ؟؟؟

[strange]

بصراحة أريد أن أعلق على من يقول

مابني على باطل فهو باطل

صحيح أن كل ماحدث كان خطأ

لكن إن هم تندموا وتابوا وأرادو فعلا الزواج

فهذا تصرف صحيح بنظري

وقد يكون الذي حصل بسبب تعنت أهلها

أنا لن أدافع عنهم فهم أخطأوا

لكن فعلا إن كانوا يريدون الواج فلما لا

هل هم أكرم من الله قد يتوبوا فعلا

ويصبحوا صالحين

أنا بصراحة أشوف إنها تعترف لأمها وتخليها هي تقنع

والدها أو إن خالها يشرح الموضوع لأمها

الموضوع معقد لكن لازم يكون في تصرف حكيم

يا إنهم يتزوجون

أو إن كان هو فعلا صادق ويهمه أمرها

يتركها وينساها وهي بعد تنساه وتطلب منه

يرجع لها كل صورها ويتقي الله فيهت

وترجع هي عذ ريتها وربي يتوب عليهم

[lamo0]

وعليكم السلام ورحمه الله ..

الله يهدي صديقتك ويستر عليها وجميع المسلمين , من الاولى انها تخبر احد من اهلها مثل امها ابوها عشان يحتوون المشكله , خالها قام بالواجب لكن ماقدر انه يزوجها باللي تبغاه دام فيه ولي امرها موجود ,,

المشكله اكبر مما تتصورين صديقتك اخطأت ولازم هي اللي تتحمل الخطأ بنفسها الله يعينها ,, ياليت خالها يكلم ابوها ويفهمه ان البنت لها علاقه مع الشاب لكن مايوضح الامور كلها اا كان خايف على صحه الاب مثلا يقول : ان عنده صور لها , رسائل .. ويمكن لارفضتوه وزوجتوها غيره يفضحها عند اهل الزوج وراح تصير مشاكل احنا في غنى عنها ,, ويقترحون ان يزوجونها شهر ثم يطلقونها(لاختلاف المذاهب) مع ان مثل هالعلاقات مصيرها الطلاق في النهايه حتى لو كان الشاب يبغاها وماراح يتخلى عنها .

يالمختصر المفيد هي لازم تتزوجه باي شكل كان حتى لو عرف ابوها , لانه حرام عليها تخدع الزوج اللي راح تتزوجه بعدين ..

اللهم استر علينا فوق الارض وتحت لارض ويوم العرض .

[شموخ*]

ليش الكل يقول ان" المختلفين في المذاهب " يكون مصيرهم الطلاق ؟؟؟؟

انا اعرف واااايدين متزوجين ومختلفين في المذاهب وبالرغم من هذا عايشين مرتاحين..

والا انتوا شو رايكم ؟؟