[خوي الطيب]

ياقبر بلغ شايب فيك مدفون = إن الحزن يأمر عليّه وينها
غديت عبدٍ للحزن دوم مرهون= وافراح عمري شفت قفى ضعنها
والهم بيح داخلي كل مكنون = والنفس عافت شامها مع يمنها
صارت مقر الحزن للحزن مخزون= وماضاع من حزن الاوادم زبنها
وقله تراني من قسى الوقت مغبون=اسقتني الدنيا حمايض لبنها
ماعاد اميز بين صاحي ومجنون= ولا عاد انا اعرف سيها من حسنها
لاكن اعرف انه حكم خالق الكون=والنفس قنعانه بسر وعلنها
وياقبر قله حافظٍ ماتصون = وصيتك يابوي عقلي سكنها
لو الضحيه تاصل لحد مليون = والله لا ضحيلك لو اشحذ ثمنها
لوارهن البزران واعيش مديون= وصيتك يابوي ماصد عنها
ماهوب لجل المدح لو قيل دندون= لو قالوا ان المرجله يحتضنها
ولاهوب لجل اللي مقفى وموزون =لادق هاجسها شلعنا لحنها
الا من اجل ليا بكى كل محزون= والدمع راق وبعض الانفس شحنها
ابغى جزاها يوم الامه يموتون =والنفس تصعد والجسد في كفنها

منقول للشاعر عوض بن سحمان

[طبعي الوفاء]

خوي الطيب جميييييييييييل مانقلته بارك الله فيك
الله يرحم موتانا وموتى المسلمين

[خوي الطيب]

المشاركة الأصلية كتبت بواسطة طبعي الوفاء خوي الطيب جميييييييييييل مانقلته بارك الله فيك الله يرحم موتانا وموتى المسلمين

بارك الله فيك

مشكور خوي

[مهند الشهري]

قمة البر.... رائع.

[خوي الطيب]

المشاركة الأصلية كتبت بواسطة مهند الشهري قمة البر.... رائع.

مشكور اخوي

[جدة غييييير]

رحم الله اموات المسلمين ..........

[خوي الطيب]

المشاركة الأصلية كتبت بواسطة جدة غييييير رحم الله اموات المسلمين ..........

اااااامين ومشكور اخوي