[يمامة الوادي]

الخـيل ملت ركضها خلف قدام
وين انـت يا خـيالها مـلت الخيل

مضـمار عجـت به معازيب واعلام
وين انـت يا خـيالها مـا بقا حيل

الله ياخــيل القــوافي و الالهام
الصـافنات اضحن هجوس التعاليل

الجرح يا كـبره 0 و ياكـثر الالآم
وياكثر مانصبر على الظـلم و الويل

ياكـثرنا يا كـثر ما دانت اقلام
ياكــثر مانشـجب و نستنكر الليل

ياكثرنا مليار واكثر فـ الاسلام
يا كثرنا 0 ما كننا الا غثا سيل

اعـدانا جـاروا عـلينا و ظـلام
اعــدانا ياهم عــلينا مغـاليل

الخيل فيها الخير0 0و النصر قدام
ذروة سـنام الدين هم الرجاجيل

وليا ربخ خــيل المعارك و لا قام
قولواعلىالدنيا سلام ان صهل خيل


الشاعر محمد فراج الدوسري

[يمامة الوادي]

من بنات الريح لي صفرا جفول
كنها ظبي الفلا بجفالها
منوة الخيال عساف الخيول
زينها في دقها وجلالها
زينها ما شفت وصفه بالمثول
الله اللي بالجمال اصخى لها
تستذير كحيلتى من كل زول
ما يصخرها سوى خيالها
اذكر الله كل ما قامت تجول
و احمد الله خصنى بحبالها
كنها تمشي على قرع الطبول
فتنى اللي خافقه يبرى لها
ظافي القصه على الطرف الخجول
تنكسر شمس العصر بظلالها
وصفها وصف السحاب اللي يحول
كل عين تستخيل خيالها
او كما طاري على الخاطر عجول
صاحبه حقيقته ما طالها
كل رجل في حياته له ميول
والهوايه تمتلك رجالها

صاحب السمو الملكي خالد الفيصل

[وفااا]

.
.
.

الخـيل ملت ركضها خلف قدام=وين انـت يا خـيالها مـلت الخيل

.

.
.
حتى الخيــل ........ تحـدي ............ وتنــادي ........ وفقـــدت خيـالهـــا
.
.

الخيل فيها الخير0 0و النصر قدام=ذروة سـنام الدين هم الرجاجيل

.

.
نظــل نقــول اللــــه كـــريــم .. وماعلـى تعـاسيــــر
.
.
صــح لســان الدوســري
.
.

كل رجل في حياته له ميول=والهوايه تمتلك رجالها

.
.
وأنـا أشهـد .. بدليـل .. الرائعـه الشعريـه .. التي تـأسـر من يقـرأهـا

صـح لســـان
صاحب السمو الملكي خالد الفيصل
.
.
وسلـم الله أيمـان وبنــان ناقلتهـا

لاعدمنـاك يمـامه .. ودمتي محلقـــه
.
.

[يمامة الوادي]

الله يسلمك وشكرا لك,,