[خلووووود الخالد]

بســــــــــــــــــم الله الرحمن الرحــــــــــــــــــيـــــــــــــــم

الســــــــــــــلام عليكم ورحمة الله وبركاته
سنخصص في هذا القسم بمشيئة الله موضوع خاص بالدواوين الشعرية وأتمنى أن نصل ان
شاء الله الى قسم خاص متكامل قائم بذاته خاص فقط بالدواوين الشعرية لكبار الشعراء
ورموزهم
وسنبدأ على بركة الله بالشاعر الكبير والهرم الشعري الكبير (( أمـــير الشعر احمد الناصر الشايع))
وهذا بناءا على طلب الشيخ فهد العصيمي حفظه الله أنه عندما سمع أني سأعمل ديوان لكبار الشعراء
أرسل لي هذين البيتين

عندي طلب يا خلووود مثلك يسويه =ابدي بامير الشعر جزل المعاني
أحمد ولد ناصر عسـى الله يخليـه =راعي الوفا والمعرفة والسماني

وهذا ردي عليه حفظه الله :

أبشر وامير الشعر لازم نبديه =ونبدا بإسمه مايجي شخص ثاني
شاعر كبير ولازم انّا نوفيه = ونعطيه حقه بين قاصـي ودانـي.

وهذه نبذة مختصره عنه



اسم الشاعر : احمد بن محمد بن ناصر الشايع ال موسى ال زمام المساعره الدوسري



العمر : 90 عاما ,ولقد بدأ الناصر رحلته مع الشعر في وقت مبكر منذ الصغر وتميز عن أقرانه الشعراء بدماثة الخلق ورحابة الصدر كما تميز أيضاً بصوته الشجي وموالاته الجميلة وأشعاره الهادفة وألحانه العذبة، ونظراً لكونه يمتلك موهبة شعر المحاورة فقد جرت له الكثير من المحاورات الشعرية الرائعة مع كبار الشعراء الأفذاذ الذين عاصرهم الناصر وقد لقب بأمير شعراء الرد لكونه يتمتع بسرعة البديهة والذكاء الحاد، والأخلاق الطيبة، والاتزان داخل الميادين الشعرية والمحافل.. فقد أحبه الناس وارتبط بعلاقات طيبة مع مختلف شرائح المجتمع خاصة الشعراء، وبالرغم من أنه خطف الأضواء وكسب شهرة واسعة وقاعدة عريضة من جماهير الشعر الشعبية ومحبيه على مستوى الجزيرة وبعض البلدان العربية، إلا أنه يُعد شاعراً متواضعاً إلى أبعد الحدود وأكثر مما يتصوره البعض، وقد زاده هذا التواضع شهرة كبيرة وواسعة بين الجمهور والنقاد وأصبح الكل يطرب به
عاش طوال عمره في محافظة الزلفي بدا كتابة الشعر منذ الصغر في المحافظه
و اول قصيده قاله عن محافظه ومسقط راسه الزلفي وهو دائما مايذكرها في ابياته
وهو يعد من اقوى الشعراء على ساحه الشعر الشعبي والمحاورة ( المراد )
كما شارك ابو محمد في العديد من الأمسيات في بيروت و الدوحه والمنامه و دول الخليج العربي وبعض الدول العربيه ومناطق المملكه .
وسنورد هنا مجموعة من روائعه وقصائده المميزة




وسنبدأ بقصيدته او مرثيته في ابنه محمد رحمه الله
هذه القصيدة قالها الشاعر الكبير أحمد الناصر الشايع في رثاء ابنه محمد رحمه الله الذي توفي قبل شهر أو أكثر بحادث مروري فقال هذه القصيدة الباكية

يا بعد نوم الليل عن حجـر عينـي =صبر على ما صار من وال الأقدار
صبرت صبر بـاح منـه الكنينـي =أضحك مع العالم وكني علـى نـار
ما غير أهوجس بين نفسي وبينـي =يعلم بها العلام فـي كـل الأسـرار
تقل اتحـرى لـي علـوم تجينـي =مع الطروش اللي يجيبون الأخبـار
فهمـت رأس العلـم مـن كلمتينـي =من يوم قالوا جـا محمـد ونصـار
تكسّـرت عقبـه جرايـد يميـنـي =عز الله اني عقب ما صار صبّـار
مـن عقبهـا ونيـت لـي ونتينـي =ونة غريب بالخلا ضـاع واحتـار
لـولا الله أبـرك ثـم قـوة يقينـي =لا طير مثل الطير من كف صقـار
تخنقنـي العبـره وأفـرّك يدينـي =واحترت مثل مصالي النار والغـار
علـم يخلـي كـل قاسـي يلينـي =كنه على قلبي رصـاص أم كـرار
الـى ذكـرت عيالـه المصغرينـي =هــذا يعزيـهـم وهــذاك زوار
احد على جنبه واحـد لـه ونينـي =جتني هموم القلب من كل الأقطـار
قلت اصبروا والله مـع الصابرينـي =الله يكافيكـم صواديـف الأشـرار
عسى عوضنـا الحـي بالميتينـي =ناصر ونايف ذخرا سـر واجهـار
وأحمد وعبـدالله ذرانـا الحصينـي =صغار سن وان بدا الـلازم كبـار
يجبر عزاي اللي بخلقـه ضمينـي =محيي العروق الميته عقب الأمطـار
مالي عن المكتوب فـوق الجبينـي =لو رحت شرق وغرب ويمين ويسار
صليت نصف الليل لـي ركعتينـي =أطلب لـه اللـي للخطيـات غفَّـار
خفف ذنوبه يـا أرحـم الراحمينـي =في ماقفٍ ما ينفعـن فيـه الأعـذار
جعله برضوانـك مـن الفايزينـي =بالماقف اللي به يضيعـن الافكـار
في ماقفٍ بـه كـل خافـي يبينـي =تمت وصلى الله على سيد الأبـرار

وهذه قصيدة أخرى له :

أذن المـذن ونـادى طـول صوتـه بالمنـاره=وقمت طولـي للسفينـة ثـم فليـت الشراعـي
لو يزيد الموج مانـي فالبحـر سـواق طـاره=عارفٍ مجرى السفينـة فـي نـزولٍ ورتفاعـي
كـل رجـال ٍ هواجيسـه علـى قـد اقـتـداره=والحظيظ اللي مع العربـان عاقـل واجتماعـي
العرب لـو بشرونـي كـان سلمـت البشـاره=في بيوت مخترعهـا طيـب العـرف اختراعـي
بين الأثنيـن المفاهـم فـي محلـه والمشـاره=لو يجون اخوان صلب أو هم خوان من الرضاعي
حجة الغايب معه ومـن اعتـذر قبـل اعتـذاره=مايضيقن النفوس ولا الـدروب اللـي وساعـي
وانـت عنـدك لاتعلـم بالثمانـيـن الـحـراره=والهروج الضايعة مثل الهمل من غيـر راعـي
صابر بالحـق دام الحـق مـن جـار ٍ لجـاره=لو نجيبه دين ياصالـح مـن البنـك الزراعـي
والسعادة حـظ والا العـرف والمعنـى شطـاره=لو رضاك بعيد اسافر له على النقـل الجماعـي
وسع الخاطـر ولابـه كسـر يحتـاج الجبـاره=دايم العاقل وسيع ابطـان ماهـوب انـد فاعـي
اعتذرت من الرفيق وزبـدة الهـرج اختصـاره=إن عذرني كثر خيره وإن ومر بأمـره مطاعـي
قصة جت من رفيقك غصب من غيـر اختيـاره=سألفـه ومخالفـه ماودنـا الهـيـن يـذاعـي

البارحه واليـوم عينـي طواريهـا كثيـره= عيني طواريها كثيره وش اسـوي بعينـي
ماجا خبر وعلوم وطروش من ديره لديـره= وطروش من ديره لديره يسلـون االحزينـي
من ينصر المظلوم كوده الى سمع السريره=كوده الى سمع السريره حكم بينـه وبينـي
هجر وسهر وهموم ضاقت على كل الجزيره=ضاقت علي كل الجزيره وانا ضلعي متينـي
لاهل الغرام سلوم ومصيبه الفرقى كبيـره=ومصيبه الفرقى كبيره عساهـا ماتجينـي
عيني تعاف النـوم بالليـل يالله الستيـره=بالليل يالله الستيـره يبـا الخافـي يبينـي
نادو عقيد القوم ياقـوم ملـزوم استشيـره=ياقوم ملزوم استشيره لـو انـه مايبينـي
يازارع اليشموم ليتك تبيع بحسـن سيـره=ليتك تبيع بحسن سيره علـي او تشترينـي
ان بعت باول سوم سموك ابو خير وخيـره=سموك ابو خير وخيره وابو قلـب فطينـي
رضيت بالمقسوم سافر عساها لك سفيـره=سافر عساها لك سفيره وانا وش في يديني
انا له المحكوم ماهمنـي مخلـوق غيـره=ماهمني مخلوق غيـره بحبـه مشترينـي
لو قيل لي منجوم راضي وخلوها قصيـره=راضي وخلوها قصيـره ولا بّيـح كنينـي

نـهار ثالث عــقب عيــد رمضــــاني =ناس عطاها الله وناس محرومه
أحداٌ قضى عيده ســــلام وتهانــــي =وأحداٌ توصله الكواكـب همومــه
صادفت صدفه من صدوف الزماني=منها قوي الحيل تفتــر عـــزومه
هذا زمـــان الهـــــم والإمتحانـــــي =وقت على قلبي تعاقــب سهــومه
الاولــه كـــامل جميـــــع المعـــاني =مزبن المضيون شرع الخصومه
محمــد اللـــي فالقســـى والليــــاني =عقبه سمـايه غــــايبات نــــجومه
والثانيــه باقـــرب قريــب ودانـــي =خامــس عيالي يوم جتني علــومه
قـالوا مابين الخـــاصره وحلبــاني =ولدك مـات اللـي تـرجـى قـدومـه
جـاء يومه المـوعود باربـع ثواني =قـلت السـبب قـالوا دنا منه يـومه
عــلم عـلى الكبد الصخيفه كواني =كـية عطـب ما تنشكـى للحكومـه
تهشمت كـــل الضلوع المــحاني =مـفجوع والمـفجوع ماحداٌ يـلومه
أخذت لي ساعـه وأنـا في مكـاني =حسبت لي عشرين طيحة وقومه
ألـيا بغـيت الهـرج ييبـس لسانـي =والذاكره عـندي تـقول معـدومه
قــمت أتلــفـت وتسـمـع بـاذانـي =مـن شـاف حـالي ماتهنـا بـنومـه
مما بقـلبي رحـت باللـيـل عـاني =للـموتر اللي مابقى ألا رسـومــه
عـن روحـتي ياليت ربي نهـاني =ولا شفت دمه ساٌيـح في هـدومه
قـمت ودفنتـه والـله المـستعـاني =في خـرقة بيضا عـليه مـحـزومه
يـم الـقويـعيـه بـلاد قـحـطـانــي =والـحر غـير لون وجهي سمومه
وأقفيت من عنده وعشري ثماني =مـثل المـصبـح والبـلاد محكومـه
والله لـولا نـي وســيع البطانـي =لا صكها مثل أشقر الريش حومه
طاوعت نفسي مير عقلي قواني =عـن الخطا ما فيه نفس معصومة

وهذه صوتيه للقصيدة

ليت العمر ينباع والله لشريه = وأروح للطيّب وأزوّد سنينه
وإلا الردي لعل تقصر لياليه = ما من وجوده فايده خابرينه
أفزع مع الطيّب عسى الله يخليه = اللي لفعل الطيب تبذل يمينه
خل الردي لعل تكثر بلاويه = ثقيل دم وفوق ذا ثقل طينه
ياللي عبيده تطلبه ثم ترجيه = أعطف على عبدك وقوّه بدينه
وإلا الردي ما همني وش يجي فيه = لو غاب ما همب العرب فاقدينه
لا واحسافه كيف يصبح مساويه = النذل والطيّب سوى بالسفينه
مواقف الطيّب تعزه وتغليه = وإلا الردي لعل ربي يهينه
أشكي على اللي شامخات هقاويه = أبو محمد جعل ربه يعينه
مواقفه هالحين وإلا بماضيه = ترفع له البيضاء على أعلى جبينه
اللي يلبي كل صوت يناديه = رجل المواقف كلنا عارفينه
إليا لفى كل الجماعة تحييه = أحد يحب الخشم وأحد يدينه
من حشمته كل يحبه ويغليه = أبو محمد جعل يبطي ونينه
أقول كلمة حق والله ما أرجيه = أرجي كريم كلنا عابرينه

[خلووووود الخالد]

هــذه رائعه من روائعه وهي إهــــــــــــــــــــــداء من الأخت الغالية من زمرة المتقين

وهذه صوتيه لها

كل من عاش بالدنيا يشوف العجايب = مثل ماشفت بالدنيا وشفته باهلها
قمت ابرق وافرق بين مخطي وصايب= مثل فرق الجبال النايفه من سهلها
والتوافيق عند حظوظ و وهايب = عند رب يجازي كل نفس بعملها
اشهد ان الهدوم يسترن المعايب = اثرها تستر الحرمه وتستر فحلها
الاوادم بعضهم مثل وصف الجلايب= لو توحد بها ذيب الخلا كان اكلها
كم صبي تحسب انه ع الضرايب = وان بخصته , كرهت الديره اللي نزلها
مايسر ان حضر , وان غاب ماقيل غايب = مار الارزاق عند ربٍ لخلقه كفلها
مايضد الضديد ولايفيد القرايب = يوم نفسه تعدى حدها من زعلها
وفيه رجل يحل المشكله والنشايب = كل ماحملوه الواجبات احتملها
وااقفٍ للزوم ومرتكي للنوايب= والحمول الثقيله مالها الا جملها
ليت روحه قبل تركز عليه النصايب =حط عنه اربعين من الزلايب بدلها
وفيه منهو مسالم مايحب الطلايب = مشتقى من رضى نفسه ولا من زعلها
وفيه منهو اذا كبرت عليك المصايب= ساق وجهه وجاهه لك ونفسه بذلها
وفيه منهو يبا الجودا فلاشك هايب = كل ماناض صدره جى عضوده خللها
وفيه منهو يحل المعجزات الصعايب = اصغر افعاله الجزلات محدن فعلها
وفيه منهو يعيش وعيشته بالسبايب = كل ماسمعله غلطة من رفيقه نقلها
وفيه منهو على نفسه رضى بالغلايب =الله اللي رفع نفس ونفس خذلها
لو تبي تنصحه لله نجر الهبايب = انكرك والنصيحه ردها ماقبلها
اشهد انه عقوبه من كبار العقايب = قاصر المعرفه قلبه كما قلب بلها

وهذه شيلة نادرة له حفظه الله (( نحمد اللي لوحمدناه مانلحق جزاه ))

[خلووووود الخالد]

محاوره شعريه بين الاب احمد الناصر الشايع والابن محمدرحمه الله

مشاركة رائعة من الأخت العزيزة فرح :



احمد:

محمد:

احمد:

محمد:

احمد:

[خلووووود الخالد]

مشاركة جميلة من الأخت الغالية : غفا لإحدى قصائد شاعرنا حفظه الله

ياناس قولوا لغـض العـود..=.تكفون ياناس قولو لـه
ما اشوف له من عذابي زود.=.كثر التصاديد وش هو له
ابو ثليـل اشقـر مرجـود.=اسمع بذكره ولا اطولـه
وعيون نجل هدبهن سـود.=يذبح بهن من يجي حوله
ياكثر الأزوال بيض وسـود=ماهم بمثلـه ولا حولـه
عقب المودة جفا وأصـدود.=ماشفت زول مثل زولـه
إن مت ابا القى عليه اشهود=عنقه وخدّه ومجدولـه
أسهر وكل العيـون رقـود.=اليا تباطيـت مرسولـه
يازين حبل الهوى ممـدود.=لكن سجايـاه مجهولـه

[خلووووود الخالد]

رائعة من روائع شاعرنا حفظه الله ، مشاركة وإهـــداء من الأخت العزيزة

بســمة فوق ثغر الألـــــــم

=كما بري الدبا الغصن الوريق اللي على حلّه
= ولكن ماحصل لي منه ساعه تبري العله
=والى منه بغى ياصل محلي صار به ذله
=بلاي النفس ماهي عن صخيف الروح منحله
= عجبّ لله كيف الخل ما يشفق على خله ؟!
=والى منّّك نظرت اللي تودّه بان بك خله
=أصايد رغبته واتبع طريقه وآتبيّن له
=أعوّد في عماي الاول اللي مابه إشّكلّه
= برى حاله ظماه ويوصف الما له ولا دله
= وانا لامن نظرته تقل حكم الروس لي كله
=انا المطلوب والطلاب راع القذلة الهلّه
= وانا ما ودّي العذال والعدوان تفطن له

[خلووووود الخالد]

قلبي يهذري به :

يابدر قبل الليل قرب لي الفرت=شيك على البنزين والزيت كله
القير والدفرنس وإن كان ناظرت=به نقص راعي المشحمه مافطن له
عاير هواه وماه ولا تذكرت=شي يبيه اللي يبي فدوة له
حتى اللي مني على خير سافرت=أمشي ونفسي راضيه مسفهله
عن اللزوم اللي ضروري تأخرت=هات الخفيف وماتثاقلت خله
وإلي ظهرت من البلاد وتشطرت=ترى لزومي فيه جا وقت حله
إلى أنتحى قمت أذكر الله وكبرت=كنه يسابق تالي العصر ظله
لآمر عجلات المواتر وفكرت=لاكنهن وقاف مثل الإخله
طارٍ علي إلى مشيت وتنحرت=قصرٍ يسر اللي يجي عاني له
مارحت عنه يمين ولا تياسرت=قلبي يهذريبه وعيني تدله
ترى الدروب السود مهما تصاغرت=منها تراها عله فوق عله
وإلا الدروب البيض مهما تكابرت=ترى الحظيظ اللي تجي سكة له
إلى بغيت أفرج الهم سيرت=للي حجاجه للمسير يفله
اللي ليا إني جيت عنده تحيرت=فلة حجاج ومجلسه ماتمله
عز الله إني للصداقه تخيرت=اللي رفيقه مايشوف المذله
عبدالعزيز أكبر من اللي تصورت=الفعل فعل سعود والدل دله
بغيت أحبه ربع فعله وقصرت=بأول شبابه والفخر مقبل له
ياكم أماريبه وياكم فاخرت=ياسعد عين اللي يجي فزعة له
مالي عذر عن جيتك لو تعتذرت=ياللي تنزل كل رجل بمحله
عن طبع أبوك وعادته ماتغيرت=للي سنام المجد له مستحله
وردتها هداج تيما وصدرت=من سار مع درب فهو جايز له

وانتظـــروا القادم

[خلووووود الخالد]

الفلك يسـتدير

بالله يا للي تبا الفيحا عنيـزة ديـرة أهـل الفخـر=يا سعد منهم عضوده بالشدايـد والزمـان العسيـر
نطاحـة الكايـده لا قـل بالدنيـا بعيـر الظـهـر=الطيب منهـم وفيهـم كلهـم كبيرهـم والصغيـر
جعل السلامة زهابك بالطريق الـى نويـت السفـر=اسلم وسلم على عيال العميـم صغيرهـم والكبيـر
اهل الوفا والمـروّه والشهامـه لويشيـن الدهـر=من يديك ليدين صالح خذ كتابي جعل خيـرك كثيـر
يا بو محمد ليالينـا تصافـق مثـل مـوج البحـر=عجزت أميّز لها وجه او قفا يا الله مقسـوم خيـر
واحترت مدري وش اخذ وش اخلي بين هم وقهـر=المبتدا زين ميـر المقبـلات الله علـم وش يصيـر
اللي ذبحني بغير اسلاح ما جا منـه علـم او خبـر=اللي بعقلي وروحي في حياتي صايرن لـي خشيـر
متى على الله عيوني من صخيف الروح تملا النظر=القلب لولا الضلـوع اللـي يردنـه خطيـر يطيـر
كن الشهر لي سنه عقب التفـرق والدقيقـة شهـر=يا الله تلطف بحال المغرم العاشق عليـل الضميـر
يا صدق راع المثل قال الهوى والحب كلـه خطـر=والزين مثل الحيا متبوع مشهـاة الغنـي والفقيـر
اتلا الخبر يوم وادعنـي واقدمـاه طريـق الحفـر=للديرة اللي ورى الرقعي يقود القلب سلـك الحريـر
اصعب علي شوفته من شوفة اللي فوق سطح القمر=لا شك ابصبرا على ما صابني لين الفلـك يستديـر

[خلووووود الخالد]

من قصائد شاعرنا العذبة مشاركة من الأخت الغالية مها :

= ياليتني ما دخلت السوق وانا اجنبي
=لقيت مخلوق لا هندي ولا مغربي
=صار السهر والتعب من شوفته مكسبي
= زول ليا شافه الشايب يعود صبي
= قلت السلام وتبسم قال لي وش تبي
=واقول عطني الصراحة وانت ابو ما تبي
= يقول ابي سمعتي واخشى على مذهبي
=يا الله عليك الخلف تخلف على اتعبي
=ذقت العنى والعذاب ولا حصل مطلبي
= قالت لعله يطاولك السهر بسببي
= قالت معي عين وصانا عليها النبي
=انا غريب وقضى مايي وقضى منهبي
=قالت يشيب الولد ما حصل اللي يبي
= قالت بلاد العروبة رغبتي وطلبي
=قالت من المسلمين وجد ابوي عربي
=قلت وعديني وعد بس اذكره وكذبي
= يا لايمه للغرام انا اشهد انك غبي
= قالت عظامي ودمي واللحم وعصبي
= يوم السلاح المفتل والرصاص حلبي

من المعلوم لدى الجميع حب احمد الناصر

لهذ المدينة الغالية على قلبه

ولهذا كتب عددا من القصائد فيها

واليكم هذه الابيات الرائعة مشاركة من الأخت الغالية مها :

ابتدي باللي عليه اعتمـادي= عالـم بالبيـنـه والخفـيـه
كل شـي مرجعـه النفـادي= غير والي العرش ورب البريه
دارنا الزلفي لياجا الوكـادي= مربـع الأجنـاب والآهليـه
دارنا اللي يوم وقت الطرادي= دونها نارد احيـاض المنيـه
كم طردنا من عـدو معـادي =ما يجبيها دام الـروح حيـه
جعل وبل السيل مع كل وادي=من حقوق المزنه العقربيـه
يسقي الزلفي نفود او حمادي= والجبل يمشي شعيب وشغيه
فعل اهلها عند حضر وبوادي= يشهد الرجلي وراعي المطيه
ربعي لـو ينـادي المنـادي= يظهرون اهل الوفا والحميـه
ما حد منهم وقف بالحيـادي =من ذكرهم فزعتـه واهنيـه

[خلووووود الخالد]

=تكثر عليهـا الروابـع يامعيـن الصابريـن
=شافت من الغيظ مايملـي نظرهـا مرتيـن
=مستانس لـو يزيـن الوقـت ولا مايزيـن
=والولف ملاك ما يحتـاج عـراف وظميـن
=ما يلتفت مع طريقه من يسار ومـن يميـن
=مدري وش اللي خطر في بال وضاح الجبين
=صبرت صبر الجمل بارضاك لو ضلعي متين
=لا خير في عشرتن ما هيب في حرزن مكين
=يسهر عيوني ويدعي سري الخافـي يبيـن
=ما تختلف عشرة الغالي على طول السنيـن
=ما عاش أبـو نيـة وحـدة مـع أو نيتيـن
=من خف ميـزان قـدره لـو قلبـه ذهيـن
=قطعت منـك الرجـا كنـك مـع الميتيـن

=واليوم بـأول سـوم والله لابيعـه
=رميتني بيـن الرجـا iiوالقطيعـه
=وأشقيت نفسٍ لك مطيعـه مريعـه
=واليوم لامرك والله إنـي ماطيعـه
=البيض واجد وارض ربي وسيعـه
=وأقفيت عنـك وسـو ماتستطيعـه
=مادام نقض العهد عنـدك طبيعـه
=خطر يطيح ومثـل هـذي هزيعـه
=وأنوي على تكوين صوره فضيعـه
=وإلا كمـا بـرقٍ تزايـد لميـعـه
=من شان حبي كـل غالـي يبيعـه

[الدكتور فهد بن سعود العصيمي]

أخت خلووود جهد تشكرون عليه، والله يسلم أيادي كل من عمل فيه............................ والشاعر الكبير أحمد الناصر الشايع يستاهل ما يكتب عنه، ويستاهل من يفرد له المواضيع هذه، ووالله إني أعرفه جد المعرفة، فهو رجل متواضع يتصف بمكارم الأخلاق، ويقدر الصغير قبل الكبير، وآخر موقف أكبرته منه؛ ما حصل منه يوم محاضرتي الأخيرة في مدينة الزلفي، فقد اتصلت للسلام عليه عصرا، وكنت في منطقة السبلة الجميلة، وتقديرا مني له عزمته على المحاضرة، وكنت والله سأقدر لو لم يحضر، فأنا أعلم بظروفه الصحية، إلا أني واثناء إلقائي المحاضرة فوجئت بحضوره بعد أن بدأتها، وكم أثلج صدري حضوره خصيصا لي وعنوته لي، فأكبرت منه هذا والله، وأقول بأن هذا الرجل يجسد وتتجسد فيه دائما مكارم الأخلاق، ونبينا صلى الله عليه وسلم يقول: ذهب حسن الخلق يا عائشة بالأجور يوم القيامة، فلك منا يا والدنا أعظم الشكر، وتمنياتنا لك بالصحة والعفو والعافية.