[ام محمد العمري]

عن صفية بنت شيبة عن عائشة رضي الله عنها قالت
جاءت امرأة إلى النبي صلى الله عليه وسلم تسأله عن الغسل من المحيض


فقال خذي فرصة من مسك فتطهري بها فقالت كيف أتطهر بها


قال تطهري بها قالت كيف أتطهر بها


قال النبي صلى الله عليه وسلم سبحان الله سبحان الله واستتر بثوبه


تطهري بها فاجتذبتها وعرفت الذي أراد فقلت لها تتبعي بها آثار الدم يعني الفرج)




*



حبيت اني اجدد بطريقة طرحي للمواضيع




وحبيت اني اتجرأ قليلا لما فيها مصلحة للجميع

uppyeyes[1]:


وان شااءلله اني افيدكم ولا اريد منكم سوى الدعوة لي في ظهر الغيب !




هذه مواضيع حساسة وادرك ان الكثير يخجل منها ولكن لا حياء في الدين والعلم !




جايبة اليوم لكم طريقة الطهارة بالمسك بعد الحيض الدورة الشهرية وهو هام لجميع النساء المتزوجات وغير المتزوجات !


نبدأ بخطوات عمل المسك :

بنات خلوا كل شي تستعملونه نظيف الان هالخلطه بنستخدمها لمنطقه حساسه في الجسم

و هذي الاغراض المطلوبه



مسك عبد الصمد القرشي
ماء ورد
ماء معدني
طاسه ذات غطاء محكم

اولا: جيبي من عند عبد الصمد القرشي وقوليله عطني مسك الحجر ((الحبه 10 ريآل )) ريحته جنان......



ثانيا: خذي نص قطعة المسك و لفيها بنايلون عشان النظافه و ما تتوصخ



اطحني نص حبه المسك بس مب اتخلينها بودره لا

جي لازم يكون شكلها



يعني فيها كسر

ثالثا: بعدين جيبي ماي الورد و الماي المعدني

((..انا استعمل مسافي))

و هذا مقدار كل واحد منه *ماي الورد و الماي المعدني *



و ايصير اتزيدين على حسب حجم العبله مب شرط تتقيدون بالكميات

وحطي المسك و الماي الورد و الماي المعدني مع بعض في طاسه قابله للقفل ((يعني ام غطاه))...........



وبعدين رجي الطاسه زين لين ما تتخلط المحتويات((طبعا المسك ما راح يذوب))



او بها الشكل بعد





رابعا: هذي انواع القطن الي نستخدمه



طبعا القطعه تكون نظيفه

القطن البيضاوي هذا بس اتغطينه عادي

و قطعه قطن الدائري هذي تجسفينها((يعني تطلع عندك نصف دائره))

مثل ما واضح في الصوره



وتغطسينها في الخلطه وتمسحين بها المنطقه من فوق لين تحت و الخلف بعد...

للمتزوجات لازم ادخلين القطنه داخل0 ... وراح اتشوفين انه في وصخ يطلع ((هذا دليل النظافه))
والبنات بس من بره !

((يجب مراعات النطافه التامه يا بنات ... يعني لا تغطسين القطنه اكثر من مره عشان ما تنتقل الجراثيم في العلبه))

وتستمرين بها الطريقه

بعد ما تخلصين من الدوره ولمده 3 ايام متتاليه

و اذا كنت حابه بعد الاستحمام و وقت الحاجه طبعا

وشوفي النظافه والريحه الحلوه ((حتى الريحه تعلق في ملابسك الداخليه))

و انسي شي اسمه التهابات او حساسيه و افرازات و روائح كريهه...

انا انصحكم بمسك عبد الصمد القرشي عشان هو الاصلي و يكون معقم ولاتستعملون شي ثاني

الان هذا النوع الوحيد الي انا جربته و ما اعرف عن الباقي

[ام محمد العمري]

ان نقلتة الكم من منتدي ثاني الاجل الفائدة الجميع الاخوات

[وجدااااان]

ينقل الى القسم المناسب منتدى حواء

[أنين الماضي]

الله يجزاك الجنه والله أنا ودي من زمان أعرف كيف نستخدمه يالبنات ولاأقدر أسأل بس أنا أحطه بودرة في ملابسي الداخليه من فتره لفترة وتصدقين حتى بعد ما أغسلها ألقى ريحتها حلوه
لكن لي سؤال هل الماء الورد يسبب تهتك للبشرة أنا أخاف أجرب هناك شيء وبعدين أندم تعرفين مو كل شيء يتصلح؟
لأني أسمع أنه يستخدم ككاشط يعني مقشر أو مبيض للبشرة؟
وجزيتي خيرا على موضوع الجريء المهم للكثير .

[إيجابية]

أختي لك كل الشكر والتقدير على هذا النقل.

[معرف مخالف 53]

مشكوووووووووووره

[سمعتهاتسبقها]

يعطيك العافيه ماقصرتي

[baby face]

مشكورة اختي بس انا سمعت ان الطريقه هاذي فقط للمتزوجات يعني ماتصلح للبنات ماادري معلومه صحيحه او لا

[فوفو 99]

الله يجزاك خير أختي من زمان ودي

أعرف الأشياء هذي ,,,

فقط أريد منك توضحين بارك الله فيك

هل البنات يستخدمونها مافيه ضرر عليهم

أكييييييييد ...

[بنت رمان]

جزاك الله خير