[سمو الجود]

اتمنى تعطوني طريقة (مجبوس السمك-مطبق زبيدي اذا ماني غلطانة بالاسم) بمقاديرهااللي تسونها للاهل لأن كتب الطبخ طفشتنا كل كتاب له طريقة مختلفة وبهارات تختلف __

[زهرة غلا]

السلام عليكم أختي سموالجود بعطيك طريقة الكل راح يشكرك عليها
طبعا نجي للمقادير اذا أخذنا سمكة أي سمكة متوسطة الحجم مو شرط زبيدي يصير كنعد او هامور او أي سمك تفضلينه يقطع السمك الى قطع بحجم كف اليد اوأصغر شوية تغسلينه زين وبعدين تملحينه بكمية وفيرة من الملح ولا تخافين ماراح يطلع مالح لأن راح نغسله بعدين وخله على جنب مدة نص ساعة
نجي للرز الكمية اللي تكفيكم طبعا رز بسمتي ابو حبة طويلة مثل المهيدب
قبل لا نبتدي نحمس البصل خلي عندك ماي مغلي في ابريق وغسلي السمك وبهريه بأي بهارات مخلوطة عندك وبعدين اقليه بالزيت الحار وخليه يتحمر عالسرع مو لازم يستوي
بالجدر اللي بتطبخين فيه قطعي بصلة متوسطة الحجم و ضعي عليها قليل من الزيت اللي قلينا فيه السمك وحركيه على النار لما يذبل شوي حطي عليه فصين ثوم او أكثر براحتك وحسب الرغبة وحركي وبعدين أضيفي ملعقة بهارات مشكلة و3حبات قرنفل و3حبات هيل وعود صغير دارسين وحبة لومي اسود ثم ضعي حبة طماطم متوسطة مقطعة صغير وحركي الحمسة لما يذبل الطماطم وملحي بقليل من الملح يعني حوالي نص ملعقة وبعدين صبي عليه الماء المغلي بحسب كمية الرز الي عندك ما اعتقد ماتعرفين كمية الماء اللي تناسب الرز اذا انت ست بيت
أخيرا ضعي السمك وخليه يغلي عشر دقايق بس بعدين شيليه وحطيه على جنب واذا حبيتي تصفين المرق من البصل والبهارات او تحطين الرزعلى طول ونخلي على النار لما يقرب ينشف ثم نوطي عليها
نعمل حشو للرز
ناخذ 3بصلات متوسصة الحجم ونقطعها ونحمرها عالناشف يعني بدون زيت كل شوي نبخ عليها ماي لما تتحمر ثم نحط عليها ملعقة زبدة ونحركها
نضيف نص ملعقة بهارات مشكلة ومثلها هيل ناعم ثم شوي فلفل اسود وكركم لومي أسود ناعم وشوي دارسين نحركه لما تشمين ريحة البهارات ياااااااي تجنن ثم تحطين السمك على البصل وتقلبينه شوش شوي عشان ما يتفتت ثم شيلي السمك وحطيه فوق الرز وهو في القدر ثم حطي الحشو اللي عملناه على جنب ثم لغمي الرز اقصد اغرسي فيه حبتين فلفل أخضر حار وغطيه بقصدير ثم الغطاء واتكي عالنر لمة ربع ساعة ثم فتحي الغطاء وشمي الريحة تهبل حتى اللي مايحب السمك بيدوخ عليها وبالهنا والعافية
من الطرقة تحاسبينها حوسة بس والله سهلة وما تاخذ وقت اذا كنتي مجهزة اغراضك يعني قطعي البصل والطماط والثوم وملحي السمك وغسلي الرز بيكون كل شي جاهز قدامك وآآآآآآآآآآآآآآآآآآسفة على التطويل وأتمنى تعجبك جربيها وعطيني رايك
واذا بغيتي شي انا حاضرة