[maha_0]

بعد الفقر حطت شريحه وجوال ** يسعد مسا جوالهـا أو الشريحـه

كانت تجيني تشتكي قلة المال ** وتصيح لاجا طاري الفقرصيحـه
تقول ابويه دايم الدوم رحال ** وامي كبيره سـن دايـم طريحـه
وانت الوحيد اللي لك القلب ميال ** دايم يصارحني وانا له صريحه
طفله وانا معشوقها بين الاطفال ** جريح حب وطاح له في جريحه
كنا سوى نرسم على التربه امال** وأحلام تقتلها الحياه الشحيحـه
كم دمعةٍ كانت على الخد تنهال ** واذا نزلت ضاقت عليّ الفسيحـه
الله كم صرخه..وهمسه.. وموال ** الله كم جادت علينـا القريحـه
الله كم بيتٍ كتبناه يختال ** واقول انا (ابو سامي) وانتـي( !!!!!!! )
تخيل لومافالسماء برق وخيال ** وانكذب الايـام لوهـي صحيحـه
تقول لاحطيت لك بشت وعقال ** وسخّرلك الرحمن عيشه مريحـه
اخاف تتركني على عثرة الفال ** للفقر ووجيـه الحيـاه القبيحـه
وحبيتها بين الخلايق والازوال ** حبٍ يطول الوقت محـدٍ يزيحـه
وسلمتها قلبٍ تباريه الاهوال ** وطاح الخفوق وطيحة القلب طيحه
راحت وخلتني مع القيل والقال ** شاعر صواريف الدهر تستبيحـه
ودار الزمان وغير الحال بالحال ** وجاها الزمان بكل ورده وشيحه
فلة ..وخدامه.. ولكزس.وجوال** وانا عجزت ادفع رسوم الشريحه

منقول

[الثقب الأسود]

ودار الزمان وغير الحال بالحال ** وجاها الزمان بكل ورده وشيحه
فلة ..وخدامه.. ولكزس.وجوال** وانا عجزت ادفع رسوم الشريحه

جميل

[شوشو استغفر الله]

صح لسان شاعرها
سلمت على نقلها

[ريـــــــشة شاعر7]

مشكوره على النقل الجميل

[الفارس الاول]

صــــــــــح لســـــــــــانك

[maha_0]

مشكورين على الرد الثقب الأسود شوشو ريـــــــشة الفارس الاول