[سيدة الذوق]

...

ألا انت سولف لي عن احوالك وخل عنك القصيد
يعني وش اللي في غيابـك راح اقولـه واكتبـه ؟

شعري .. على حطة يدك !! في غيبتك ما من جديد
البيت من قبل اكتبـه .. افكـر انـي اشطبـه !!!

دامـك تعـرف ان الشعـر لا يقنعـك ولا يفـيـد
استوعب حضوري ! وهو انسـآآه لا تستوعبـه!

ركـز معـي .. الله يرضالـي عليـك ولا تـزيـد
الهـم هـم .. وعدّنـي ضيـف ٍ نويـت توّجبـه

ما ابيك من بعد الجفـا ترجـع لـي بقلـب ٍ بليـد
حسسني بشوقك ! ودمعك من عيونـك اسكبـه !

ضيّعني بشهقة بكاك .. وجيب فيني ألـف عيـد !!
بحكيّـك اللـي حافظـه ولا عرفـت ترتـبـه !!

هـي كلهـا هالساعتيـن وعقبهـا ببقـى وحيـد
لا تشح بشعورك علـي ّ ولا اتمـادى !! وانتبـه :

لا شفتني سجيت ( عنك / فيك ) جوّدني من ( إيـد
قلبـي ) ووصلنـي لقلبـك برضـاه او اغصـبـه

هذه سنه ! ان ما سكنت القلب ! مسكنك الوريـد !
ونفس السنه مرت ! وحقي فيـك ضايـع واطلبـه

يـا آدمـي مـدام نظراتـك باحاسيسـي تشييـد
لا تترك ( اسألتي ) تموت ولا لقت بك ( أجوبـه )

ليه انت راضي بالعناد ؟ وبالرضى تصبح عنيـد ؟
ليه اتساهل بالجفـا ؟ ليـه الوصـل تستصعبـه ؟

وليه اتمنى الموت في بعدك واحـس انـه بعيـد ؟
وليه اشعر ان الموت في لحظة وصولك ما اقربه ؟

وليه اعتبر نفسي إذا ذبحني شوقي لـك شهيـد ؟
ولا انت حتى الشـوق لا ردك علـيّ تستغربـه !!

جاوب وريحني !! أو انسى كل شي .. ولا تعيـد :
سؤالك عن شعر ٍ شطبته مـن قبـل لا أكتبـه !!

الشاعر : محمد جارالله السهليــ

[strange]

نقل رائع وجميل

يعطيك العافية أختي

بارك الله فيك

[سيدة الذوق]

المشاركة الأصلية كتبت بواسطة strange نقل رائع وجميل يعطيك العافية أختي بارك الله فيك

الله يعافيك أخوي ..
أسعدني مرورك ..

[بنت العلماء]

السلام عليكم ورحمة الله وبركاته

جزاك الله خيراً ( سيدة الذوق ) علىالنقل الرائع

وبارك الله فيك

[سيدة الذوق]

المشاركة الأصلية كتبت بواسطة بنت العلماء السلام عليكم ورحمة الله وبركاته جزاك الله خيراً ( سيدة الذوق ) علىالنقل الرائع وبارك الله فيك

وعليكم السلام ورحمة الله وبركاته
هلا وغلا
الله يسلمك أختي ..

[Ŝђǿǿq Ťąbσύĸ]

اللـــه ... اللـــه

إخـتـيـار رائـــع غـالـيـتـي

إن دل عـلـى شـي فـهـو يـدل عـلـى ذائـقـتـكِ الـشـعـريـه الـرائـعـه

سـلـمـتِ وسـلـمـت يمـيـنـك عـلـى الـنـقـل

لـكِ مــودتــي

[سيدة الذوق]

المشاركة الأصلية كتبت بواسطة شوق تبوك اللـــه ... اللـــه إخـتـيـار رائـــع غـالـيـتـي إن دل عـلـى شـي فـهـو يـدل عـلـى ذائـقـتـكِ الـشـعـريـه الـرائـعـه سـلـمـتِ وسـلـمـت يمـيـنـك عـلـى الـنـقـل لـكِ مــودتــي

فديتك يالغلا الله يسلمك
انتي الذوق كله ..
شكرا على مرورك ..

[المرابطة]

رائعة ومُعبرة كثيرآ

والله إنك بجد

سيدة الذوق كله

سلمت يمناك ولا عدمناك

[سيدة الذوق]

المشاركة الأصلية كتبت بواسطة المرابطة رائعة ومُعبرة كثيرآ والله إنك بجد سيدة الذوق كله سلمت يمناك ولا عدمناك

فديتــك يالغلا
الله يسلمك يا رب
ترى بصدق نفسي ههههههه

[طال السفر]

يسلموا يالذوق
رووووووووووووووووووعه