[ام ساري]

(قصيدة جميلة للشاعر الأمير عبدالرحمن بن مساعد)

أجهلك .. و لي سنين اتخيلك

اتمثلك في كل طيف .. وألقاك في قسمات ضيف

كل المشاعر له تقول .. حنـّا هلك



أجهلك .. ولي سنين اتخيلك

القاك في بعض الوجيه .. ويمرني طيفك واجيه

يا باكر اللي اجهله .. ارقتني الأسئلة

وابطى العمر يستعجلك ..



أجهلك .. ولي سنين اتخيلك

بالعيوب وبالمزايا .. بالألم

لامن هجرتي يجتاح بي ضلوع وحنايا

اتخيل شكوكك وظنك .. اتخيل التقصير منك

حتى الجفا اتخيله .. وكيف انا باتحمله .. واتحملك



أجهلك .. ولي سنين اتخيلك

وجهك اللي قد حبسته داخلي في غمضة عيوني

واللي ياما قد رسمته .. من عبث طيشي وجنوني

وجهك اللي دوم يظهر لما ألقى نشوة الفكرة الجديدة داهمتني

لما القى انكساراتي قصيدة واكتبتني

وجهك اللي دوم يظهر في اعاصيري وسكوني

في الجبال الشاهقة في أجمل خيالي

في السفوح الخافقة بين نبضي وانفعالي

وجهك اللي قد نحته في عظامي والجوارح

وجهك اللي قد حفظته وبتفاصيل الملاح

بالنهار في بسمته .. بالضيا اللي في ورودة

بالعبوس في غضبته .. بالتضاريس وحدوده

من جنوحه في البها .. لين اقصى نقطة في كاسر جماله

للعذوبة .. من شروق النور في ضيه

للشعر في غروبه

من شطوط الكحل في عيونك لنحرك

من بياض الثلج في خدك لجمر ٍ قاد في ثغرك

وجهك اللي ما ابد يوم لمحته .. او عرفته

لي سنين اتخيله .. واتخيلك

ياللي كلي بك معرفة .. واجهلك

ما اصعبك .. كيف الاقيك

ما اسهلك .. لو الاقيك

ياللي دوم اتخيلك

مملكة حسن الزمن

وأنا الملك

اتمنى اختياري يعجبكم لأن هالقصيده تهمني !!!

..

[وفااا]

.
.
إختيـار رائـع يا ام سـاري

عبدالرحمن بن مساعد .. ليس إطرائنـا يجعـل من شعره شعــرا ...
هو شاعر ويملك أرق وأنبــل إحسـاس
.
.
أبيات في غاية الروعه
شكرا يا ام سـاري ...
أبحرنا في قصيدتك وتخيلنا ماتخيله عبدالرحمن !!
.
.

[ام ساري]

وفاا

اسعدني جدا مرورك

[عكروت]

شكرا على لابداع الرائع

أجهلك .. ولي سنين اتخيلك
=====================

وجهك اللي قد حبسته داخلي في (غمضة عيوني)

واللي ياما قد (رسمته) .. من عبث طيشي وجنوني

وجهك اللي دوم يظهر لما ألقى (نشوة الفكرة الجديدة داهمتني )

لما القى( انكساراتي قصيدة) واكتبتني


القصيده روووعه بكل ماتعني الكلمه

[ام حممممودي]

ام ساري احسنت الاختيار قصيده رائعه