[خلووووود الخالد]

بسم الله الرحمن الرحيم

المقدمات دائما تحتاج وقت وتنسيق وفن أدبي والمام واختصار لموضوعها

ولكن انا هنا ...حاولت اختصار حزني ....بأبيات كيبوردية ...لم اخطط لها

بل انهمرت علي من غمامه مرت بخاطري ...فانهمرت مني هنا :

اجي على نفسي وانا ادفها دف = واضحك واجاري دنيتي با بتسامة
اضحك مع العالم وانا والله اعرف = ما احد (ن) درى عن خاطري وش علامه
ولا شافوا عيوني من الدمع تذرف = قلت العفو دمعي لضحكي علامة
من كثر ما اضحك قامت عيوني ترف = يا الله عسى خير وستر وسلامة
وانا عيوني يعلم الله تنطف = حزن ٍ بوسط القلب تدمي سهامه
جداي منها افرك الكف با لكف = واقول بكرة ينكشف لي غمامه
و (اسف ) من دنياي وهمومها سف = حتى غدت منها على الخد شامه
واضحك وانا عليه الله يخلف = من هم ٍ اثقل من طويق وتهامه
واجي على نفسي وانا ادفها دف = معكم اجاري دنيتي بابتسامة.!

يكفيني مروركم من هنا ومشاركتكم لي بابتسامة ...

محبتكم : خلووووود الخالد

[يمامة الوادي]

صح لسانك,,, (^_^),,,

[خلووووود الخالد]

المشاركة الأصلية كتبت بواسطة يمامة الوادي صح لسانك,,, (^_^),,,

صح لسانك

كاتبتنا صاحبة القلم الذهبي : يمامة الوادي

شرف كبير لي مرورك هنا

[جوري الشرقية]

\

/

صح لسانك

\

/

[city_dreem]

الطيور .. اللي لها مخالب ٍ تعكـّف=رزقها الله معطي عبده مرامه
فالرجا به ووالله من غير حلف=إن الصبر للفرج الخيط وخطامه
أمسكيه إلين الكربة عندك تعسّف=وتصبح معك دوم ٍيختي خصاما

صح الله لسانك ..

[خلووووود الخالد]

المشاركة الأصلية كتبت بواسطة city_dreem الطيور .. اللي لها مخالب ٍ تعكـّف=رزقها الله معطي عبده مرامه فالرجا به ووالله من غير حلف=إن الصبر للفرج الخيط وخطامه أمسكيه إلين الكربة عندك تعسّف=وتصبح معك دوم ٍيختي خصاما صح الله لسانك ..

حي الجواب اللي نخبره ونعرف = به صاحبه من دون شك وملامــه
ضيقة ومرت كلها ايام وتخف = جتنا وراحت ياعساها غمـــامـــه
لا عادها الله يوم لفت بنا لف = ناحت بوسط القلب نوح الحمــامة

شكرا لك على هذه المشاعر الطيبة

[خلووووود الخالد]

المشاركة الأصلية كتبت بواسطة جوري الشرقية \ / صح لسانك \ /

صح قلبك يالجوري

الف شكر عالمرور

[غفا]

واجي علـى نفسـي وانـا ادفهـا دف

معكـم اجـاري دنيتـي بابتسـامـة.!

ياخلود....


مانرضى إلا نشوفك مبتسمة، ..ابتسامة نابعة من القلب، ومن الروح..

وإنتي قوية، وبإذن الهم مايغلبك.



أسأل الله أن يجعل أيامك كلها رضا وانشراح...و ألف لاباس عليك.




.

[خلووووود الخالد]

المشاركة الأصلية كتبت بواسطة غفا واجي علـى نفسـي وانـا ادفهـا دف معكـم اجـاري دنيتـي بابتسـامـة.! ياخلود.... مانرضى إلا نشوفك مبتسمة، ..ابتسامة نابعة من القلب، ومن الروح.. وإنتي قوية، وبإذن الهم مايغلبك. أسأل الله أن يجعل أيامك كلها رضا وانشراح...و ألف لاباس عليك. .

غــــــــــفـــــــــــــــــــا

بسيطة ولا يهمك تبين تشوفيني دائما مبتسمة ابتسامة نابعة من القلب ............!

أنتي بس لا تحرميني من تواجدك وشوفتك ...وانا راح اكون مبتسمة على طوووووووول


مشكورة يالغلااااااااا

[رذاذالمطر]

,,,صح لســــــــــــــــــــــــانك,,,