[ابن الشجاع]

السلام عليكم ورحمة وبركاته

يالحـون العـود والا يامجاريـر الربابـه

إختلف معنى القصيد وضيّـع الفنـان فنـه

حلم مدري علم مدري نوض برقٍ في سحابه

أثرها طلّة جبينـه يـوم زاح الليـل منّـه

أقبلت مثل الفرس لا سمعت طبول الحرابـه

مقتفيهـا ليـلٍ أسـود والنجـوم يفرّّّّّّّّّّّّّّّّّّّّّّّّّّقنّـه

النهار يمـر ويعـدّي وليلـه فـي عقابـه

النحـر صبـحٍ تجلّـى والجدايـل كنّهنّـه

مخملٍ يلتفّ فـوق الجيـد الأتلـع بالنيابـه

عن سلاسيل الذهب والماس خوف يجرّحنّه

غاب عنّي والوله خلاّه عندي فـي غيابـه

مادرى ان فرقاه نار ولا درى ان لاماه جنّه

ياوجودي وجد من صفّق على ماضي شبابه

بان شيبه والسنين اللـي يبيهـن خالفنّـه

غرّته خضر السنين وراح عمره مادرى به

غرّرنّـه وارفعنّـه ليـن سـجّ وحولـنّـه

وياوجودي وجد عودٍ لا عيـال ولا قرابـه

ماجـداه إلا يـونّ ويـردف الونّـه بونّـه

مالقى فزعة رفيـق ولا دعـاةٍ مستجابـه

كلّ ماامسالـه بظـنّ خيّبـت الايـام ظنّـه

هذا وجدي في غياب اللي نزح والله جابـه

صح فرض الله فرض وسنّة المرسول سنّه

الغلا جسمٍ رقيق ومرهف احساسـي ثيابـه

مثل غصن الورد يـومٍ الهبايـب يطرقنّـه

مازرعت إلا غـلاه ولا نقلـت إلا صوابـه

والحشا ماضاق من خضر الطعون المستكنّه

ياحبيبي مازها كفّ الخضـاب إلا خضابـه

فيه نظم المفـردات وفيـه للعشّـاق عنّـه

الظبي ماله شبيـه وبينـك وبينـه تشابـه

إلتفت بشويش وألقى فيه منك وفيـك منّـه

خالقك من فضّل محمد على كـلّ الصحابـه

وسخّرك مثل المهار اللي تسخّرها الأعنّـه

والثنا والشكر للي رحمتـه تسبـق عذابـه

لا لخلـق الله شكـر ولا لخلـق الله منّـه

قاله اللـي ماخـذا ممـا يريـد إلا هبابـه

خيرة الفارس ثنيّة خيـل صفـراً مستعنّـه

سلطان الهاجري

[طيب وبعدين]

شكرا لك اخوي

[غفا]

وياوجودي وجد عودٍ لا عيـال ولا قرابـه

ماجـداه إلا يـونّ ويـردف الونّـه بونّـه

مالقى فزعة رفيـق ولا دعـاةٍ مستجابـه

كلّ ماامسالـه بظـنّ خيّبـت الايـام ظنّـه


هنا توقفت...
شاعر لايستهان به.............شكرا لك ابن الشجاع .

[ابن الشجاع]

المشاركة الأصلية كتبت بواسطة غفا وياوجودي وجد عودٍ لا عيـال ولا قرابـه ماجـداه إلا يـونّ ويـردف الونّـه بونّـه مالقى فزعة رفيـق ولا دعـاةٍ مستجابـه كلّ ماامسالـه بظـنّ خيّبـت الايـام ظنّـه هنا توقفت... شاعر لايستهان به.............شكرا لك ابن الشجاع .

أهلاا بالشاعرة غفا.... منورتنا

الحقيقة أن القصيدة جميلة والوصف فيها كان روووووعه الى ما له نهاية، وأعتقد بأنه محتشم..

وأما الشاعر فهو من أعلام الشعر النبطي المعاصر...

وشاكر لك مرورك يافاضلة...

[وفااا]

.
.
أبيـات رائــعـه

صـح نبـض(ن) نـزفهـا ..

شكــرا لـك
.
.

[ابن الشجاع]

المشاركة الأصلية كتبت بواسطة وفااا . . أبيـات رائــعـه صـح نبـض(ن) نـزفهـا .. شكــرا لـك . .

حياك الله يا وفااا منورتناا...

تقبل الله طاعتك أختي وحمد الله على السلامة...

وشاكر لك مرورك...

[ابن الشجاع]

الـعـفــووو يــا طـيـب...

شاكر لك مرورك..

[ابـو ريـان]

شكرا للشاعر ولصاحب الموضوع

[ابن الشجاع]

المشاركة الأصلية كتبت بواسطة ابـو ريـان شكرا للشاعر ولصاحب الموضوع

العفو يا بو رياان...

والشكر لك ولمروك الطيب...