[haneen2006]

الذهب

يا كثر ما رافقت خلان واحباب
ويا كثر ما في شدتي هملوني
على كثر ما اعدهم ستر وحجاب
على كثر ما احتجتهم وتركوني
من صارت الخوه ثمن حفنة تراب
نفس الوجيه اللي نصوني نسوني
من غير ذكر عروق وفروق وانساب
كانوا ثلاثه والثلاثه جفوني
علمتهم شلون الاهداف تنصاب
ولما سواعدهم قوت صوبوني
عشاني اصغرهم عمر صاروا احزاب
عشاني اصدقهم قصيد اظلموني
اللي نجح اسمي زرع فيهم انياب
حتى النصيحه ما بغوا ينصحوني
دام العطايا عندهم دين واتعاب
والله لو اطلب ذنبهم ما عطوني
طالب نصيحه كني مطالب رقاب
وهي نصيحه كيف لو زوجوني
كنت اكتب لنفسي مشاريه وعتاب
ولا ادري ان اللي قروني .. قروني
تضاربت من دوني عقول والباب
واجد بغوا غيري وواجد بغوني
اقفل هدب تسهر على شعري اهداب
كني حبست رقادهم في جفوني
لو شفتهم واحد يشوفوني اسراب
من وين ما لدوا نظرهم لقوني
اثري وجودي بينهم محرق اعصاب
ومزعل بعضهم من بعض لو طروني
يا كبري بعيني وانا توني شاب
وهم كتاب الشعر حاربوني
حتى ولو يهوي على نجمي شهاب
يكفيني ان اسمي كبير بعيوني
جد قال ابوي انهبتهم قول ما هاب
لو يقدرونك قول ما تقدروني
ومدام قبري محتضن راس مرقاب
على كثر ما تقدرون ادفنوني
لو ماني بذيب نهشت جلدي ذياب
لو ما قدرت اثبت وجودي لغوني
لو ما سكنت وجيههم مت بغياب
لو ما عرفت امحي ورقهم محوني
ما جيت ابدبل كبدهم شعر وخطاب
لين دبلوا كبد اللي خلفوني
يا ويل وجهي كن للدمع مخلاب
ما جف ماه وما استحى من طعوني
كل ما طرا لي منظر مريب وارتاب
كان الوحيد اللي يحرك شجوني
قبلة صلاه وذكر وخشوع وكتاب
وامي على سجادة النور دوني
تدعي لي الله يفتح بوجهي ابواب
تتوسله بالشده يكون عوني
من كثر من خفاقها بالدعاء ذاب
صارت تحس ان زملاي كرهوني
بشرتها يماه معي ربع واصحاب
ماني لحالي واجد اللي يبوني
من يوم ما حاز قلمي كل الالقاب
قلطتهم في دفتري وحفظوني
الله وهبنيهم بني عم واجناب
من يوم جيت اعجبتهم وعجبوني
واعجابهم فيني ما هوب أية اعجاب
باسلوب بشرحي بطرحي بلوني
لو قلت عن نفسي بشر صرت كذاب
لو قلت دمي من ذهب صدقوني
لو بايدهم كان رزعوا دربي اعشاب
لو بكيفهم يتشبهون اشبهوني
من كثر من طبوعي قراب
حتى بلبسة شمغهم قلدوني
واجد دعوني واغلق من دوني الباب
وكثار في كيلهم ما بكوني
لو طالوا لهدمي مناسيب واطناب
كان وغلاتج من زمان هدموني
دام حطو فيني عيوب واسباب
جنبت عنهم مثل ما جنبوني
اصلا لو بقوتي شي ينعاب
ذبحت نفسي قبل لا يذبحوني
انا يدي لو ما كستمتني ثياب
نذراً علي لاقطع يدي من متوني
مو عيب اجي مدعو ولا اشوف ترحاب
العيب لو اني رجعت ان دعوني
ما دمت اجي ولا يحسبون لي حساب
حرمت اروح اذا يبوني يجوني


ان شاء الله تعجبكم

ودمتم علي طاعه الله

[غفا]

لو بايدهم كان زرعوا دربي اعشاب
لو بكيفهم يتشبهون اشبهوني


مشكوووووره حنين ، والظاهر إني لقيت من يعجبها شعر حامد زيد ..مثلي

[haneen2006]

المشاركة الأصلية كتبت بواسطة غفا لو بايدهم كان زرعوا دربي اعشاب لو بكيفهم يتشبهون اشبهوني مشكوووووره حنين ، والظاهر إني لقيت من يعجبها شعر حامد زيد ..مثلي0

هلاافيك اختي الغاليه غفاوانا فعلا ممن يتابعون اشعار الشاعر حامد زيدواحب ان اقراها دائما وسلمتي علي مرورك الرائع والله يديم عليك السعاده

[خلووووود الخالد]

المشاركة الأصلية كتبت بواسطة haneen2006 الذهب يا كثر ما رافقت خلان واحباب ويا كثر ما في شدتي هملوني على كثر ما اعدهم ستر وحجاب على كثر ما احتجتهم وتركوني من صارت الخوه ثمن حفنة تراب نفس الوجيه اللي نصوني نسوني من غير ذكر عروق وفروق وانساب كانوا ثلاثه والثلاثه جفوني علمتهم شلون الاهداف تنصاب ولما سواعدهم قوت صوبوني عشاني اصغرهم عمر صاروا احزاب عشاني اصدقهم قصيد اظلموني اللي نجح اسمي زرع فيهم انياب حتى النصيحه ما بغوا ينصحوني دام العطايا عندهم دين واتعاب والله لو اطلب ذنبهم ما عطوني طالب نصيحه كني مطالب رقاب وهي نصيحه كيف لو زوجوني كنت اكتب لنفسي مشاريه وعتاب ولا ادري ان اللي قروني .. قروني تضاربت من دوني عقول والباب واجد بغوا غيري وواجد بغوني اقفل هدب تسهر على شعري اهداب كني حبست رقادهم في جفوني لو شفتهم واحد يشوفوني اسراب من وين ما لدوا نظرهم لقوني اثري وجودي بينهم محرق اعصاب ومزعل بعضهم من بعض لو طروني يا كبري بعيني وانا توني شاب وهم كتاب الشعر حاربوني حتى ولو يهوي على نجمي شهاب يكفيني ان اسمي كبير بعيوني جد قال ابوي انهبتهم قول ما هاب لو يقدرونك قول ما تقدروني ومدام قبري محتضن راس مرقاب على كثر ما تقدرون ادفنوني لو ماني بذيب نهشت جلدي ذياب لو ما قدرت اثبت وجودي لغوني لو ما سكنت وجيههم مت بغياب لو ما عرفت امحي ورقهم محوني ما جيت ابدبل كبدهم شعر وخطاب لين دبلوا كبد اللي خلفوني يا ويل وجهي كن للدمع مخلاب ما جف ماه وما استحى من طعوني كل ما طرا لي منظر مريب وارتاب كان الوحيد اللي يحرك شجوني قبلة صلاه وذكر وخشوع وكتاب وامي على سجادة النور دوني تدعي لي الله يفتح بوجهي ابواب تتوسله بالشده يكون عوني من كثر من خفاقها بالدعاء ذاب صارت تحس ان زملاي كرهوني بشرتها يماه معي ربع واصحاب ماني لحالي واجد اللي يبوني من يوم ما حاز قلمي كل الالقاب قلطتهم في دفتري وحفظوني الله وهبنيهم بني عم واجناب من يوم جيت اعجبتهم وعجبوني واعجابهم فيني ما هوب أية اعجاب باسلوب بشرحي بطرحي بلوني لو قلت عن نفسي بشر صرت كذاب لو قلت دمي من ذهب صدقوني لو بايدهم كان رزعوا دربي اعشاب لو بكيفهم يتشبهون اشبهوني من كثر من طبوعي قراب حتى بلبسة شمغهم قلدوني واجد دعوني واغلق من دوني الباب وكثار في كيلهم ما بكوني لو طالوا لهدمي مناسيب واطناب كان وغلاتج من زمان هدموني دام حطو فيني عيوب واسباب جنبت عنهم مثل ما جنبوني اصلا لو بقوتي شي ينعاب ذبحت نفسي قبل لا يذبحوني انا يدي لو ما كستمتني ثياب نذراً علي لاقطع يدي من متوني مو عيب اجي مدعو ولا اشوف ترحاب العيب لو اني رجعت ان دعوني ما دمت اجي ولا يحسبون لي حساب حرمت اروح اذا يبوني يجوني ان شاء الله تعجبكم ودمتم علي طاعه الله

الله الله الله

عليك ياحنين وعلى ذوقك الراقي

والله على هالحاااااااااااامد وعلى قصائده او قلائده الذهبية

قصيدة جات بوقتها وجات عالجرح فعلا

لاتحرمينا من تواصلك



[IMG]http://stopfree2006.******.com/tahyat.gif[/IMG]

[الأميره الصغيره]

قصيده رائعه

انا بعد مثلك ياحنين احب شعر حامد زيد

عندي نفس الكاست حق قصيدته هذي