[المؤمن كالغيث]

حي الله الأعضاء والزوار

وشلونكم؟





قاعد الصبح فاضي قلت خل أكتب عن أول كشته لي في البر كيف كانت

أذكر قبل ثلاث سنين مضت نوينا نطلع للبر الي نسمع عنه وما ندري وش معنى بر

تجمعنا مجموعة من المثقفين ورحنا في جمسنا الساعة 11 صبح

كانت وجهتنا لروضة خريم وما قد شفناها ألا في التلفزيون

وكان الي معنا جايبين [DS ] وهذا كمبيوتر صغير فيه ألعاب يبون يقضون وقتهم في الطريق


رحنا مرينا على مطعم فاخر ما نيب قايل اسمه

وشرينا همبرقر على عددنا حوالي 8 أشخاص

وصلنا هناك حوالي الساعة وحدة ظهر نزلنا من السيارة ومعنا فرشة على قدنا ومصلحين أمهاتنا نعناع لعيونا :ad3:

وشايلين معنا كورة

وأهم شيء الهمبرقر

يوم وصلنا عند الحواجز مشينا حوالي 200م ميتين متر قولوا ما شاء الله

وبعدها طحنا من التعب

آآآه رحلة لاتنسى

صلينا وتغدينا وريحنا

يوم ارتحنا شوي قعدنا نلعب كورة حوالي نص ساعة

وبعدها طحنا من التعب :as9:

وجلسنا ناظر بعض

من هذي التجربة الفاشلة

يوم جت الساعة ثلاث عصر

قلنا بصوت واحد حررررررررك يا ولد رجعنا لبيوتنا

وفي لمحة بصر وجميعنا في السيارة

وعدنا إلى أوطاننا سالمين غانمين تحفنا رعاية الله


ومن ذلك الحين لن نخرج للبر مهما تكالبت الأسباب

ودمتم إخواني الأعزاء

[ســـــامي العتيبي]

انا اخبر اللي يروح البر ياخذ معه شاهي وقهوه ولحم او دجاج
اما همبرغر مالها طعم بالبر ههههههههههههههههههههههه

[ورد الريـاض]

حلووووووووووه كشتتكم احلى مافيها انكم رجعتوا العصريه
اول كشته لنا كنت صغيره جلسنا الى آخر الليل.... و على المغرب جانا ثعلب
ونشف دمي وركبت السياره من المغرب معاد حولت سبحان الله اول طلعه لازم فيها مآسي :)

شكرا المؤمن كالغيث..

[إشراقة]

كشتات


وحركات

ماشاء الله

عقبال ما نكشت

[عبدبد]

هذة الرحلة والا بلاش

[خفوووق الروووح]

هههههههههههههههههههههههههههههههه

همبرقر عاد


يسلموو خيووو على القصه