[غيوم ممطره]

السلام عليكم ورحمة الله وبركاته




إما تقول الخير أو إلزم الصمت


قل للذي معظم كلامه كما النار
في اذن من يسمع كلامه تقل شمت

ان كان ما يمديك تغيير ما صار
اما تقول الخير او إلزم الصمت

ولا تصير مثل اللي ينبش بالاضرار
حتى عرف به وان (لمحته) تشائمت

ينقل لك السيّه و للشر دوار
واذا تكلم قلت وش له تكلمت !؟

وصديت من قوله ودورت اعذار
ولا زعلت وقمت عنه وتلطمت

لإن الكلام احيان للدم فوار
ولو كنت أدري به فعنه تكتمت

والناس ذي مختلفة أذواق و افكار
وما كل ما يذكر علي جيت علمت

وخلك مثل طبع النقيين الاخيار
ما ينطق الشينه واذا جا تبسمت

لنه يقول الخير ويجلب خبر سار
ومعدنه طِيب ولا لفى به توسمت

ذولا أبي ندعي لهم زود الاعمار
وذولا أبي لو كنت معهم تلحمت

وذولا عساهم بين خلق الله كثار
وعساي منهم او منهم تعلمت.

=========================
للشاعر/ماجد الحجري.

[احببتك اللهم محبه دواها لي]

مــا شــاء اللـــه دام قلمك كلماتك راقيه
لست غيوم ممطره بل غيوم مشرقه 💫💨
دائما تبهرينا ونستمتع بالكلمات 🌹