[غيوم ممطره]

السلام عليكم ورحمة الله وبركاته



بعض الجروح يطيب مع مر الايام


بعض الجروح يطيب مع مر الايام
وجروح تبقا حية العمركله

منزالها باللي رجا جنة أنعام
اليا رمع للدمع بالعين هله

ياشين حلما منه تصحا على أوهام
وجروح في خاف الحشا مستجلة

لاعاد مرقاب على روس الارجام
عشرين ولا غيرت وجه طله

ريح الصبا للقلب في كل الانسام
وأصوات ريحه من صدى صوت خله

ماخانت أيامه والاحلام بالآم
والقيظ مهما مر ماخان ظله

والله ولا ذنبه سعن اله الاقدام
رداة حظ القلب الاقشر تدله

ولك العزا ياقلبي ان الشقا أقسام
واللي جرحك من الشقا شال جله

واللي ترك قلبه يسافر بالاحلام
لاينزعج لو ما لقا الا محله

لا تنفعه شكوى ولا حبر الاقلام
يصبر ولا له غير ما حاصلا له

الحب من جوره برى حكم الاسلام
وليا جرح يجرح على غير مله

راعيه لايجزع لصعبات الاحكام
يشيلها ويقول حسبي ولله

واللي يناظر خلف ماسار قدام
تثقل أخطاه وهمها ما تقله

وان ساعفت سوء النوايا بالآثام
باب الطمع كله مهونه وذله

ياسرع مايهوي بطير العشا إن حام
ما ينتظر شمس الضحى والآهله

ويالله يامنزل تبارك والانعام
رحمتك حتى جرح الاحلام أزله

جرحا سطا بالقلب عام باثرعام
والعمر يمضي والليالي مضله

ياجاعلا حكمتك عبرة للافهام
أليا متى قلبي عذابه يتله ؟.

~~~~~~~~~~~~~~~~~~~~~~
للشاعر/ رجاءالله راشد الوصيفر الثبيتي.

[خلوووود الخالد]

/

تذكرت بيت اردده لمتعب التركي:

ما كل جرحٍ لا خذا ايام يبرى
بعض الجروح يزيد شره مع الوقت

اشوف لك من وين مارحت ذكرى
لا شفتها صديت عنها و دنقت !!
/

.

[قمر الكون]

ريح الصبا للقلب في كل الانسام وأصوات ريحه من صدى صوت خله

جميل ........