[غيوم ممطره]

السلام عليكم ورحمة الله وبركاته



اطوي اوراقي


اطوي اوراقي مدادي والحبر
للقصيد اللي ورا صدري جزيل

الهجوس اللي وطا بحرٍ وبر
مادخل في كتبها حرفٍ ذليل

من مقام ومن وقار ومن عبر
ومن شموخٍ فيه من طبع النخيل

ماجنيت من الصبر غير الصبر
والحصيل اللي أكل كل الحصيل

والله ان لا اموت ماذعت الخبر
لين عقب الموت فاليوم المهيل

ب تقوى وأتحمل واختبر
حيل قلبٍ داخله . حطاب ليل

ظالم ٍ متغطرسٍ كله كبر
في يمينه فاس وبالاخرى صقيل

ما دفني حي في وسط القبر
غير كبوات. الاصايل بالاصيل

كن في عيوني مثل غز الأبر
يوم اشوف الواقع المر المحيل

ماتعداني ولا لحظه شبر
حلم ٍ اكبر من مدى البحر الطويل

ومع طريق اهل الكلام المعتبر
كل منهو جا على الدنيا نزيل

تعتبر والا عسى ما تعتبر
المهانه. مالنا فيها مقيل

والخواطر طيرها طار وعبر
لين جاور في فضا الدنيا سهيل.

~~~~~~~~~~~~~~~~~~
للشاعر/محمد العيباني.

[احببتك اللهم محبه دواها لي]

سلمت يداك 🌹 كلمات راقت لي