[غيوم ممطره]

السلام عليكم ورحمة الله وبركاته
.
.
.
وينك يالفرج ؟!
.
.
يوم ضاقت ..
قلت وينك يالفرج ..؟
قال : جيت ..
وشفت حولك ألف صاحب ..
وخفت أسبب لك حرج !!
إرتكيت ..
بس وين اللي يشيل الحِمل وينه ..
وين ذاك اللي ذخرته للظما قطرات .. وينه ؟
وين أبو الفزعات عني ..
ما قدرت ألقاه وينه ؟
من لمحني فوق كفّ الموج .. فضّ
كسَّر ألواح الرجا بيني وبينه !!
حزّ نفسي ..
غصّ في حلقي .. ورضّ
كل ضلعٍ لي معاه .. وغضّ عينه !!
يحسب إني مِتّ همّ ..
ولا درى إني حيّ لكن ..
مِتّ من خنقة يدينه !!
يالفرج ..
صاحبي ما شفت زوله ..
من فقدته فيوم شِدَّه ..
بس لو جاني على قلعة عيوني ..
حالف إني ما أردَّه ..
والمودَّه يالفرج .. هيِّ المودَّه ..
صاحبي .. مالي بصدَّه ..
صاحبي .. روحي عرينه ..
ولو نصاني والنواصي عشب قبري ..
والله إني غصب لآحيا .. ثم أعينه !!
إرتكيت ..
وطحت ..
والجلمود .. ناخ .
آه يا كذب الليالي البيض ..
آه يا ظلم السباخ ..
من مشاها ولا وراه زنود تبري الكبد .. داخ .
يا كثر ما خيِّبتّ .. ظنّ اللبيب ..
ويا كثر ما غيِّبتّ .. وجهٍ قريب ..
ويا كثر ما شاف منها ..
صافي النيَّه .. وشاخ .
إرتكيت ..
و أثر ظِلِّي ما يمون ..
و أثرني كومة طعون ..
من غلاة أصحابها ..
ما قدرت أقول : آآآآخ .
لي مبادي ..
وصاحبي .. لوجار منه الجور .. عادي
وصاحبي .. لو هو قتل ذكراي .. عادي
وصاحبي .. لو هو بِخل بِرضاي .. عادي
وصاحبي ..
يبقى العزيز الناصع اللي له ودادي
ودام أنا ستره وثوبه ..
صاحبي .. ما أقول : عنه أبداً ، وتوبه ..
يا هلا به ..
وبعيوبه ..
وبذنوبه ..
يا هلا .
إن وصلني .. ياهلا .
وإن قطعني .. يا هلا .
صاحبي وإلا فلا .
والغلا نعمة كريم ..
وساقها لكلّ الملا .
ويالفرج .. حاول تحبّ .
دام لآهل الأرض ربّ .
ولو تشوف .. أصحاب واجد حول قلبي ..
لا تعاندّ .
السواعدّ من سراب !
والحصايدّ من يَباب !
والشِعرّ .. كذَّاب !
خلّ فِتَّال الشوارب .. عن يمينك ..
ولا تخاف من الحرج .. لو قيل وينك ؟
كلّهم مثلي تراهم .. باالنهاية ..
طالبينك .. طالبينك
طالبينك .. يالفرج !!
ويوم ضاقت ..
قلت وينك يالفرج ؟
قال : جيت ..
وشفت حولك ألف صاحب ..
وخفت أسبب لك حرج .
.
__________________________
للشاعر/صالح الشادي.

[هدى وهداية]

راائعة من بدايتها حتى النهاية
شاعرها رائع واشعاره مميزه جدا

جميلة في انتقائك غيوم 🌷

[hala a]

كلّهم مثلي تراهم .. باالنهاية ..
طالبينك .. طالبينك
طالبينك .. يالفرج !!
👍👍👍
سلمت يمناك غيوم

[رور302]

اجمل م قرات ..

[(المنـال)]

المشاركة الأصلية كتبت بواسطة غيوم ممطره [/COLOR][/SIZE] [COLOR=blaccSIZE=4]وصاحبي .. لوجار منه الجور .. عادي وصاحبي .. لو هو قتل ذكراي .. عادي وصاحبي .. لو هو بِخل بِرضاي .. عادي وصاحبي .. يبقى العزيز الناصع اللي له ودادي ودام أنا ستره وثوبه .. صاحبي .. ما أقول : عنه أبداً ، وتوبه .. يا هلا به .. وبعيوبه .. وبذنوبه .. يا هلا . إن وصلني .. ياهلا . وإن قطعني .. يا هلا . صاحبي وإلا فلا . [/COLOR][/SIZE] للشاعر/صالح الشادي.

تذكرت وانا أقرأ هذي الأبيات ،
حكاية دارت بين مسنين قال الأول:
بِكَم بِعْتَ صاحبك؟
فرد عليه الآخر: بتسعين زلَّة (خطأ).

فقال الأول: (أرخصتَه)؛ أي: بِعتَه بثمن زهيد.


جميل مانقلتيه لنا ياغيوم،، ونفتقدك كثيراً

[توكل و يقيين]

جمييييل جدا ......شكرا لك أختي و للشاعر المبدع