[حبة المحبه]

هدية اهدانا بيها نبينا -محمد صلى الله عليه وسلم-
اسمعى القصة اللى جــــــــــــــــــــــــــــــــــــــــــــــــا ـية
بتــــــــــــــــــــــأنــــــــــــــــــــــــ ـــــــــــي........


جاءت السيدة "فاطمة" رضى الله عنها تشكو لابيها النبي صلى الله عليه وسلم --
تشكو من تعبها وكدحها ف اعمال المنزل
وتأثر يدها من ادارة الرحا (آله طحن الطعام )
وسقى البئر وجر الناقة وغير ذلك من الاعباء التى لم تعد تطيقها بمفردها
فطلبت من ابوها النبي -صلى الله عليه وسلم- ان يعطيها خادما من اسرى الحرب
فماذا فقال لها عليه الصلاة والسلام ؟
""قال لها :. أَلا أُخْبِرُكِ بِمَا هُوَ خَيْرٌ لَكِ مِنْهُ-يقصد الخادم - : تُسَبِّحِينَ اللَّهَ عِنْدَ مَنَامِكِ ثَلاثًا وَثَلاثِينَ ، وَتَحْمَدِينَ اللَّهَ ثَلاثًا وَثَلاثِينَ ، وَتُكَبِّرِينَ اللَّهَ أَرْبَعًا وَثَلاثِينَ ""
صدق رسول الله صلى الله عليه وسلم


وتفسير اجماع العلماء لهذا الحديث
انه من داوم على هذا الذكر ف ميعاده -قبل النوم - يحصل ع طاقة ونشاط وقدرةغير عادية ف القيام بالاعمال
تتضاعف قوته البدنيه الى ضعفين
يعني بدل ماتساعدك خادمة وتبقو اتنيين
لاء انتِ هتبقى اتنين ف واحد
"دابل فورس" قوة مزودجة يعني
وزي ما قلتلكم الموضوع دة جربته
اكتر من مرة
وتعالو اسمعو تجربتي بقا

تجربتى العملية لهذا الذكر المبارك
للاسف الشديد انا مش بداوم عليه كل يوم بنسى
لكن لما يبقى عندي تاني يوم شغل كتير ف البيت
بحرص اقوله قبل ماانام
ومهم جدا عندى انى اكون محددة ف ذهنى وقت اصحى فيه وعدد الساعات اللى هنجز فيها
عاقدة النيه والعزم انى اقوم واخلص شغلي ف وقت معين
بعدد ساعات محددة
واقول الذكر
- واكمل بلا حول ولا قوة الا بالله
لحد ما اروح ف النووووووم

النتيجةبقا اللى بلاقيها تاني يوم
1-اول شيء بلاقى نفسي صحيت ف الميعاد اللى حددته لنفسي اقوم فيه ومن غير ما حد يصحيني
والله زي ما بقولكم كدا بلاقى نفسي اتوماتيك صحيت ف نفس الساعه اللى حددتها لنفسي
الاقى نفسي اتنفضت كدا مرة واحدة وقمت
وكانى اندلق عليا جردل مية سااااااقعه


2- طبيعي لما تصحى من النوم تقومي مكسلة تتاوبي وتتمطعي
محتاجة كوبايه شاى تعدل مزاجك
علشان تفوقي وتصحصي
لا انا بقوم فايقة جدا ومصحصحة وف كامل نشاطي
كانى صاحية من فترة حتى
لو كنت نايمة عدد ساعات قليله
يعني بقوم ع غير العادة بمنتهى النشاط والحيوية

-
3-معروف الشخص لما يبقى وراه شغل تقيل بيحس بعدم الرغبة
ف اتمامه بيبقى عب ع نفسه وممكن يتهرب منه ميعملوش
لاء الاحساس دة مش بحس بيه نهائى
بالعكس
ببقى متحمسة جدا انى اشتغل وابذل اقصى جهدي
بشتغل بكل حب وحماس حتى مع ثقل العمل اللى بأديه

4- بنجز كل الاعمال اللى حددتها ف وقت قياسيى
والوقت المحدد سابقا زي ما قلتلكم
ف الساعه اللى حددتها لنفسي
وكانى برمجت نفسي وظبطها ع الوقت دة



5- بعد ما اخلص شغل يستمر ل ست او سبع ساعات متواصله
طبيعي احس بتعب او ارهاق بعض الشيء
اكيد دي الآله بتسخن وتهنج من تشغيلها المستمر
البنى ءادم مش هيتعب يعني !!!
.طب اسمعو بقا المفاجئة اللى جاية.


بعد الشغل او حتى اثناؤه مش بشعر
باي تعب نهائى يعني المفروض بعد كل الاعمال دى الواحدة تتهد
وتتعب تترمى ع السرير متقومش الا تاني يوم هههههه
لاء انا بخلص وكأنى لم ابذل ادنى مجهود
لا حاسة بتعب ولا ارهاق
لا وايه ببقى محتفظة بكامل نشاطي
وببقى عايزة اشتغل تاني رغم انى خلصت
فبنزل الف ف السوق اشترى طلبات تاني يوم
ومش بنام غير ف الوقت المعتادة عليه


كل دة بفضل هذاا الذكر المبارك وصية نبينا عليه الصلاة والسلام
اكيد اللى مجربش الذكر دة هيظن انى ببالغ شوية لانى فعلا نتايج هذا الذكر اكثر من رائعه
تثير الدهشة والعجب ف قدرة الله وسره الذى وادعه ف هذا الذكر المبارك الذى يبارك جهدنا وقوتنا وكفاءتنا ف انجاز الاعمال
فاللى مجربتش الذكر دة تجربه علشان تكتشف بنفسها عجائبه وروعته
جربو وهتدعولي باذن الله
ضروري
ضروري تدوامو عليه علشان تضاعفو طاقتكم
وتنجزو اعمالكم بافضل صورة ممكنه
و ف اقل وقت

ومن غير تعب
ولا ارهاق

واكرر عليكم ان هذا الذكر العظيم هتلاقوا اثره تاني يوم ع طول ومع المدوامة
هتبقو اشخاص غير عاديين ف الحيوية والنشاط والقدرة
ف انجاز المهمات
مهما كثرت عليكِ ومهما صعبت..........
مع ذكر الله ...........مفيش حاجة هتغلبك
ولا تتعبك .... ولا هتفكري يوم..........
تجيبي شغاله تساعدك ,,,
يارب تكونو استفدتم ....والسلام عليكم

[شذى الإيمآن]

اسلوب جميل
وموضوع منسق ومرتب
والاهم مايحمله من فوائد ونصائح
شكرا لك
ووفقك الله لكل خير

[هدى وهداية]

جزاكِ الله خيرا
يعطيك العافيه 🌸

[حورية القصر الأبيض]

ماشاء الله موضوعك جميل (بيفتح النفس ) ومحتواه أجمل شكرا لك
وبالتأكيد كل ماأوصانا به رسول الله ( صلى الله عليه وسلم ) فيه خير كبير وماعلى المرء إلا اتباعه ومباشرة فعله دون تأجيل
هدانا الله وإياكم لكل خير ونفع وبارك الله فيك


أشرقي علينا بمواضيع أجمل ياحبة المحبة وآتينا بالفوائد

[** ريمي **]

جزاك الله خير

[~ḄďǑộǑǒя~]

جمييل جداً جزاكِ الله خير

[غيوم ممطره]

بارك الله فيك وفيما طرحت

"حبة المحبه",,
اشكرك.

[Rehab4]

جزاك الله خير