[haneen2006]

قصيده بقبائل المملكه العربيه السعوديه

يالله ياخالـق اراضيـن وابحـار **** الواحـد المعبـود رازق عبيـده

الخالق الغفار علام الاسرار **** وفرق شعوب الارض فـي كـل يـده

وابدي واسولف من عذيبات الاشعار **** ابيات شعر والمعانـي وكيـده

اشري وابيع واعرف كيف بختار **** واختار من جزل البيـوت الفريـده

وذ كرتراث وعز وامجاد وافخـار **** قبائـل تومـن بديـن وعقيـده

وصلت حضارتنا على سطح الاقمار **** ابنا الجزير والجزيـره مجيـده

في ظل حكام لهم فعل واشوار **** ال السعـود اللـي تفـك الضهيـده

نسل الزعيم الحاكم العادل البـار **** مجـدد امجـاد الجزيـره بجيـده

حتى اصبحت حره وحنا له انصار **** في ظل اخو نوره هنوف سعيـده

وصارت لابو تركي بطوله وتذكار **** والفخر والامجاد تبقـى شهيـده

وخلف لنا املوك لهم فعل واخبار **** الشعب واحـد والقيـاده رشيـده

والامن بانينه على ساس وجدار **** وقرو على العابث عقوبـه شديـده

وحنا حماة الدار من كل غدار **** وما همنـا بطشـه وخبثـه وكيـده

قبائل مالحقناهم اوعـار **** وعشنـا بهـذي الـدار عيشـه رغيـده

والحمد لله نحمده سر واجهار **** شعب تكاتـف مـن سنيـن مديـده

ودون الوطن جيش على كل معبار **** لارفرف البيرق ونـادى عقيـده

بشرق البلاد وغربها دوم حضار **** وارض الشمال اللي نفوده مديـده

وارض الجنوب اللي تخيضر بالاشجار **** جزيرة فيها القبايـل عديـده

ارض بها قحطان وافين الاشبار **** وياعـز منهـم بالشدايـد بسيـده

واذكر عتيبه يوم للطيب مغوار **** لا ثـارت الهيجـا وقـرب ضديـده

وشمر هل الطولات والجود مقدار **** اهل الكرم واهل الفعول الحميـده

وقوم اعنزه مروين الاخصام الامرار **** اولاد وايل من عصور عهيـده

ومطير قوم تكرم الضيف لا زرار **** وياويل خصم في حراهـم وعيـده

واذكر قبيلة حرب يانعم الاخيار **** وتاريخهم يحكـي سطـور مجيـده

وسبيع نعم القوم ووجيه الاسفار **** زبن الدخيل ليا زبن مـن طريـده

واذكر قبيلة يام والطيب ينـدار **** اهـل العلـوم الوافيـه والرشيـده

ثم الدواسر تجعل الخصم منهار **** عيـال زايـد عـز منهـم سنيـده

ثم السهول اللي لها الطيب مدرار **** وعن منهج العادات ماهي محيـده

ثم اذكر العجمان حماية الجـار **** والمرجلـه والجـاه فيهـم عتيـده

واذكر بني مره طويلين الاعمار **** ما ينقـد المـري ولا لـه نقيـده

ثم الهواجر لابة تقدح النـار **** اهـل الركـاب اللـي خطاهـا بعيـده

واذكر بني خالد قبيلة وامار **** قوم لهم فـي المجـد قـول ورصيـده

وبني تميم اللي لها الطيب مصدار **** بنـي تميـم وكـل فعـل تجيـده

ثم الزعوب اللي بها الخصم يحتار **** شجعان ماترضى سـوا ماتريـده

العازمي وافي وفي الطيب بيطار **** روحه على كل المصاعب صميـده

ثم الظفيري في المصاعيب جبار **** والطيب والامداح باصلـه وطيـده

ثم اذكر الاشراف بجلال واكبار **** اهل الحجـاز اللـي تفـك الزهيـده

ثم الهذيلي له مواقف ومندار **** راعي الفخر راعي العلـوم السديـده

ثم البقوم اللي لهم جيش وامهار **** ريف الضيوف ليـا لفاهـم وليـده

واذكر ثقيف اللي لهم مجد وآثار **** ومهما حسبنا مـن كـلام نعيـده

وبلحارث اهل العز بشهود واقرار **** ا لحارثي ياطيـب فعلـه وجيـده

والمالكي معروف لا صار ما صار **** في موقف اهل الطيب يبذل جهيده

واثني تحياتي عدد وبل الامطار **** علـى سليـم وكـل خصـم تكيـده

واذكر جهينه هل مواقيف وادوار **** تلقى الجهيني راسم الطيـب بيـده

واذكر بلي والمجدله فعل واظهار **** وتاريخهم يحكـي فعـول فريـده

وبني عطيه في المواجيب حضار **** قوم بوقـت الجـد قـوم عنيـده

ثم الحويطي والكرامه له اشعار **** ثم الشـراري لـه فعـول مفيـده

ثم الرشيدي في الصعيبات صبار **** على علوم الطيـب فعلـه يزيـده

وباقي جنوب الدار والقاف مادار **** باقي على قلبـي كـلام واشيـده

زهران نعم القوم في وقت الاضرار **** والخصم عينه من لقاها سهيده

والغامدي معروف له عزم واصرار **** راعي المراجل والعلوم المفيـده

وشمران قوم والجمايل لها اطوار **** وبلقـرن سـم للقلـوب النكيـده

والاكلبي والمحلفي مابعد بـار **** والحارثـي طيبـه وفعلـه يشيـده

وبني شهر وبني عمر سيف بتار **** قوم على الاخصـام نـار وقيـده

والاسمري والاحمري صيتهم سار **** بين القبايل والمواقـف شهيـده

واذكر عسير الهول ذربين الاذكار **** وابها احتموها فالسنين الشديـده

وادهم والصيعر على حد الاقطار **** يحمون حد الدار من اللـي يريـده

وامشي مع الساحل مع جمله افكار **** رسمتها والطيـر زان اتغريـده

وانزل على جيزان تاريخ واديـار **** ورجـال فيفـا والقبايـل عديـده

وارجوا العذر واهل المواجيب عذار **** الي نسيته مانذكر في القصيـده

الواهبي عدد ابيوته بـالادوار **** مـن شاعـر ماشـل قلبـه حقيـده

شهران ربعي هم هل المدح والكار **** واهل الكند واهل السيوف الجديده

يوم البلد مايامن الزند لاثار **** زيزومنـا ابـن مشيـط نعـم الوليـده

فالجهل شجعان وفي السلم تجار **** من بطن بيشـه للتهـم لارفيـده

حبيت ابين موقفي بين شعار **** وارجوا سموحتكـم علـى ذا النشيـده

ماحب انافق واتعنصر تعنصار **** ولا ني باطيع اهـل العقـول البليـده

ما كل من طب البحر قيل بحار **** وما كل من شل الفشق جاب صيـده

فالشعر بستان بـه ورد وازهـار **** واللـي تعداهـا بيوتـه فقيـده

واقولها في الشعر تكرار وامرار **** ضرف بلا عنـوان يلغـى بريـده

وبعض السوالف له مواقف ومحضار**** وشعر بلا معنى لـزوم نبيـده

وصلوا على المرسول شفاع الابرار**** محمد الهـادي وقـدوة عبيـده

منقول

اتمني يعجبكم وكل واحد يختار البيت الى يناسبه

[عبدالرحمن الحربي]

واذكر قبيلة حرب يانعم الاخيار **** وتاريخهم يحكـي سطـور مجيـده



قصيدة رائعة

شكرا على الأختيار الموفق

[haneen2006]

المشاركة الأصلية كتبت بواسطة عبدالرحمن الحربي واذكر قبيلة حرب يانعم الاخيار **** وتاريخهم يحكـي سطـور مجيـده قصيدة رائعة شكرا على الأختيار الموفق

والغامدي معروف له عزم واصرار **** راعي المراجل والعلوم المفيـده
شكرا على مرورك الرائع ولاتهون بقيه القبائل

[مها]

اشكرك غاليتي حنين ما عليك زود ونعم با لجواد ..

بارك الله فيك ...

اختكم في الله ....

مـــهـــا...

[haneen2006]

المشاركة الأصلية كتبت بواسطة مها اشكرك غاليتي حنين ما عليك زود ونعم با لجواد .. بارك الله فيك ... اختكم في الله .... مـــهـــا...

والنعم فيك غاليتي مها السعاده اكتملت لى في مرورك الرائع

[خلووووود الخالد]

اختيار موفق حنين

وقصيدة جزلة من شاعر جزل يدعو لنبذ العنصرية

ويشيد بمحاسن الأخلاق كالكرم والشجاعة والبطولة وغيرها من الأخلاق الإسلامية والعربية

الأصيلة..........

عساك القووووووووووووووة ونعم بكل القبايل

ومطير قوم تكرم الضيف لا زار **** وياويل خصم في حراهـم وعيـده


واذكر عتيبه يوم للطيب مغوار **** لا ثـارت الهيجـا وقـرب ضديـده

[haneen2006]

المشاركة الأصلية كتبت بواسطة خلووووود الخالد اختيار موفق حنين وقصيدة جزلة من شاعر جزل يدعو لنبذ العنصرية ويشيد بمحاسن الأخلاق كالكرم والشجاعة والبطولة وغيرها من الأخلاق الإسلامية والعربية الأصيلة.......... عساك القووووووووووووووة ونعم بكل القبايل ومطير قوم تكرم الضيف لا زار **** وياويل خصم في حراهـم وعيـده واذكر عتيبه يوم للطيب مغوار **** لا ثـارت الهيجـا وقـرب ضديـده

حياك الله اختي الغاليه والنعم فيكم اجمعين

[حيرانة]

صح لسان شاعرها

وسلمت يمينك على النقل

ودمتتي...

[ورد الريـاض]

صح لسان القائل , ولا شلت يمين الناقل
مع اطيب تحيه ..

[@كريم@]

المشاركة الأصلية كتبت بواسطة haneen2006 قصيده بقبائل المملكه العربيه السعوديه اتمني يعجبكم وكل واحد يختار البيت الى يناسبه

قصيدة رائعة تشكرين عليها اختنا الفاضلة

لكن لم افهم ما معني كل واحد يختار البيت الي يناسبة ؟ هل اضع البيت بالرد ام ماذ ا