[فيض الامنيات]

السلام عليكم ورحمة الله وبركاته

كلنا مر في حياته بمواقف عصيبة ومواقف مفرحة ومواقف بين هذا وذاك
لكن
تظل بعض المواقف عالقة في الذهن لما تركت من اثر في نفسية صاحبها ..وتظل في الذاكرة


ودي اليوم الكل يشارك في
1- اطرف موقف
2- احرج موقف

ف 3- موقف بسيط لكنه لا ينسى




متخيله ان الكل سيشارك بس مااعرف انا ظني صحيح ام لا ؟

[فيض الامنيات]

انا مرة كنت اوقع عقد وبعدين المسؤول يسألني عن شخص وبدلا من كتابة اسمي والتوقيع كتبت اسمه
وانتبه المسؤول وطلب بطاقة اثبات الهوية ......والباقي عليكم ان تتخيلوه..
2-
مرة وقعت بدرج المدرسة والمدرسين كلهم رجال ينتظرون البنات ينزلوا حتى يطلعوا ..... تخيلوا الموقف

[منبع الامل]

هههههه...موقف محرج
انتي من اي بلد

[منبع الامل]

موضوعك جميل...واكيد الاغلبيه بيشارك

[اخت اختها]

رحنا مره انا وزوجي مطعم
وكان المطعم زحمه
حجزونا طاوله ورحنا ورجعنا ولقينا الطاوله فاضيه
ودخلت وكان في حرمه قاعده تطالعنا
تنتظر دور
ولما دخلنا قلت لزوجي مدري شفيهاالحرمه هذي تطالعنا
وتعشينا وعلينا بالخير
ورحت دورة المياه بغسل واغسل واحط روج مني مهونا
واخرج من دورة المياه
والحرمه جالسه ع كرسي قدام الدرج وانا لابسه هذاك الكعب الي بعدها رميته
واطالع بالحرمه وانزل مع الدرج واطيح ذيك الطيحه الي وصلتني لاخر الدرج
اطيح ع بطني اشوه قبل ما احمل
وتجي حرمه وزوجها هم طالعين واحنا نازلين شالتني
وطول الطريق وانا ابكي
زوجي قال ماعاد اخذك معي مكان
والله الى اليوم لما امر من هذاك المطعم اغمض عيني
ولمااتذكر اغمض عيني واهز راسي
حتى بعدها ماعاد رحت مطعم

[وقفةمحاكاااه]

مره رحنا أنا وأختي واخوي مجمع وأنا نازله دست برجلي ع عبايتي من قدام تصوروا المحاسب قدامي ع المكتب
وسويت هذيك الحركة البهلوانية تصوروا كيف شكلي طالع 😱 واسودت الدنيا ف وجهي
والحمدلله الله قدر ولطف ومافضحني ولا كان طحت من أول درجتين لأخر الدرج 😩

[صفاءالنفس]

موضوع جميل
والله مت ضحك من مواقفكم الله لايبلاني

[منبع الامل]

هذا موقف مانسيته ولاراح انساه طريف ونفس الوقت محرج جدا
مره كنت اقف امام المحاسبه لاحاسب قالت الحساب 300 قلت طيب وفتحت شنطتي وطلعت الفلوس واعطيتها ناظرت فيني قالت يااختي اقول الحساب 300 قلت طيب عارفه 300 طيب خذي الحساب وناظرتني بنظره قويه قالت اقلك الحساب 300 ورديت لها بكل ثقه قلت طيب وانا اقلك عارفه 300 خذي حساب وناظرتني وعيونها فيها حيره وكلام ماتدري وش فيني قالت امسكي فلوسك واخذتها وناظرت الفلوس....تخيلو وش طلعت كم
طلعت...50 ريال..ههههههه.....كنت في ظني طلعت ال 500..هي متعجبه مني وانا وقتها كنت في وضع جداا محرج ابتسمت لها قلت ماعليش ..ومديت لها ال 500 وبعدها رأيت في وجهها الضحكه
شكلها ضحكت علي بعدما رحت عنها..اما انا رحت للسياره ضحححك على نفسي ومن الي صار..

[الدانة2013]

هههههه

الله يسعدكم وشكرا لصاحبه الموضوع وايد مواقف عندي بس اذكر مابقصر

[فيض الامنيات]

شكرا اخواتي لتفاعلكم
مواقف جدا حلوةةةةة