[فوفو الخالد]

امي رحمك الله ي حبيبتي


يايمه كيفها حالك انا حالي غدى احزان
عقب مارحتي يايمه غديت بكل متاهاتي
يايمه جابني شوقي وقلبي لشوفتك عطشان
مشيت دروب يايمه وطالت بي مسافاتي
اناشوقي زها بصدري مثل ما ورق الاغصان
خذاني الشوق لك يمه وزود فيني لوعاتي
يايمه جيت ابي حضنك وابي عطفك مع التحنان
ابي ابكي على صدرك الين اجف دمعاتي
وابي اقبل جبينك ومواطن تحتها الغفران
ابي اصرخ واخليها تكسر حزن عبراتي
ابي اسولف لك انتي وبس سوالف تروي الضميان


بقول اللي حصل لي من رحلتي يابعد ذاتي
ابندب حظي العاثر وبحكي كان ياماكان
عن ايام مضت ودي تعود لي بمناماتي
ابي اسولف واقول امي واملي بصيتها الاكوان
من حقي اسولف عنك يا ناري وجناتي
من حقي اقول امي واحكي والحكي اشجان
ومن حقي اتنومس فيك يا اول بداياتي
ابي احكي واسولف عنك يا اغلى من الوجدان
ولكن الحكي وقف وخانتني عباراتي
الا يالعنبو كل المعاني وقفت قصران


متى توفي واسولف عنك يا امي يا اغلى نشواتي
انشهدكل شي عقبك غدى باهت بدون الوان
فقدت الحب والتحنان ومعها كل راحاتي
اشوف الحزن جا يركض على قلبي وهوولهان
بيحرق مابقى بقلبي وينثر باقي رفاتي
ذبحني الشوق يايمه وعقبك صرت انا تلفان
قتلني بعدك الظالم نحر فيني سعاداتي
غيابك فجر بقلبي زلازل زوبعه وبركان
صفير الريح في جوفي كوتني وزادت آهاتي
حياتي انتي ونور القلب والاعيان
ضناني الشوق لك يمه وانا مدري وش سواتي
بعد ماغبتي يايمه نحر فيني الزمان ازمان
ماكنت احسب لموتك يابعد ناسي ابد حسبان
في ذاك اليوم سولفنا والحكي نشوان
ضحكنا ملء هالكون ولا ندري وش الآتي


جلست اوكلك بيدي وشبعتي يابعد من كان
مسحت شفاك وبستك وقلت رضاك غاياتي
مسكت ايدي وقالت عسى تزهد بها النيران
وانا قبلت مابين العيون وقلت ياذاتي
عساني ماني من اللي بدل الطاعه لك بعصيان
رضاك يهمني والله وهو آخر محطاتي
وفجأه كل شي صار قلب ذاك الفرح احزان
خذاك الموت من يدي وانا ابكي كل لحظاتي
سليت الموت يايمه وخذاني عنه النسيان
واثاري الموت ماينسى وهو هادم ملذاتي
ياليت الموت لولحظه صبر ما غمض الاجفان

ترك لي أمي اقولها بقايا من حكاياتي
حضنت امي وانا ابكي واقبل كل شي بان
رجيتك لاتخليني خذيني بكل حالاتي
رجيتك يابعد كلي وكلي لك غدى شفقان
انا ودي املي منك يمه كل نظراتي
بكيت وصحت بأعلى الصوت انا الهايم انا الغرقان
انا اللي في متاهاتي شرقت بكل غصاتي


الا ياجرحها كبدي بعد مالفوا الاكفان
وراحت مني وغابت وصارت هي نهاياتي
هجرني الفرح يايمه وصرت اعيش انا بحرمان
بكيت وزادت العبره وشقت صدري وناتي
احس اني اعيش بكون فاضي مابه اي انسان
احس بوحشه الدنيا بعدها كل شي ماتي
دريت ان الفرح كذبه وحكايه مالها عنوان
وعرفت ان الزمن غادر ذبحني بصمت وسكاتي


رحمك الله ي حبيبتي
12/6/1436الاربعاء

[غيوم ممطره]

إنما اليتيم من فقد أمه,,وهل بعد الأم أحد...؟؟!!!
"خاطرة شعرنا عمق الحزن الذي تنطقه حروفها,,واحتضانها لإحساس الفقد والحرمان,,كيف لا,,وهي عن أغلى انسانه في الوجود",,

"فوفو الخالد",,
صبرك الله وجبر قلبك على فراقها,,
رحم الله والدتك وسائر أموات المسلمين.

[مها]

الا ياجرحها كبدي بعد مالفوا الاكفان
وراحت مني وغابت وصارت هي نهاياتي
هجرني الفرح يايمه وصرت اعيش انا بحرمان
الحمد لله رب العالمين
رحمها الله وجميع أموات المسلمين.

[جمانة الرشيدي]

امي
الم أحبك
الميم محبّة
الياء يا نعمة من ربي
يا كل الأحبة يا امي
جعلك ربي من سيدات الجنّة


صح لسان شاعر وعاشت ايدكم على النقل مميز

[اأالعنووود]

احس بوحشه الدنيا بعدها كل شي ماتي
دريت ان الفرح كذبه وحكايه مالها عنوان
وعرفت ان الزمن غادر ذبحني بصمت وسكاتي

أسأل الله ان يرحمها يغفر لها ويسكنها فسيح جناته
الله يصبركم يارب

[♪♪ تَراتِيلُ حَرفْ ♪♪]

أسأل الله ان يرحمها ويغفر لها ويسكنها فسيح جناته

[شوق الرحيل]

الله يغفر لها ويرحمها

[هدوء مبعثر]

الله يغفرلها ويرحمها

[سكر نباات]

الله يغفر لها ويرحمهااا

[المتئمله]

اللهم ارحمهم كماربونا صغاااارنا ...واجمعنا بهم في جنتك ياااارب ..