[جوري الشرقية]

السلام عليكم ورحمة الله و بركاته

القصيدة " لــجـــــل اثنــــيــن!!! "

الشاعرة نوض سدير

ياعرب فزوا وهبوا لايمـوت الحـق حسـره=العروبة وينهـا وويـن الحميـة والكرامـة
القضية ماهي بس عراق راح وماتت اسـره=القضيـة مثـل شمـس ماتغشتهـا غمامـة
ماتت النخوة وجرح الذل والله مـل صبـره=وين قادات العروبـة والمناصـب والزعامـة
الذيابة كيف ترضى تعيـش ياعالـم بحفـره=كيف صار الخوف يلقى في دواخلنـا اقامـه
قامت اسرائيل لجل اثنين تضرب كل هجـره=والعرب قصفوا وذبحوا ماحد ابدى اهتمامـه
كيف نطلب مجد وعـز بدمعـات وعبـره=وندفن رؤوس الحقيقة ياعرب مثـل النعامـة
في المثل قالوا (الى من فات فوت) صعب تشره=هبوا يا أنصـار ديـن الله بعـزم وبصرامـه
واكتبوا "الله أكبر" وسط سيف الحق حبـره=ومن بَعَدها نسترد احنـا كرامتنـا بشهامـه

و حياكم الله

[عبدالرحمن الحربي]

صدقيني طول مانتكلم باسم العروبة ما راح نفلح

لو تكلمنا باسم الاسلام ننجح


قصيدة رائعة المعاني

[جوري الشرقية]

المشاركة الأصلية كتبت بواسطة عبدالرحمن الحربي صدقيني طول مانتكلم باسم العروبة ما راح نفلح لو تكلمنا باسم الاسلام ننجح قصيدة رائعة المعاني

القصيدة وليدة لحظة ما يعيشها الشاعر أو الشاعرة ... يجسد فيها مشاعره

حياك الله أخي الفاضل

[ورد الريـاض]

الله يعطيك العافيه اختي جوري ولاهنتِ على النقل الحلو

وحسبنا الله ونعم الوكيل.

[جوري الشرقية]

المشاركة الأصلية كتبت بواسطة قمـر الريـاض الله يعطيك العافيه اختي جوري ولاهنتِ على النقل الحلو وحسبنا الله ونعم الوكيل.

الله يعافيك يالغالية ...

و إن شاء الله النصر قريب :)