[غيوم ممطره]

السلام عليكم ورحمة الله وبركاته

وقفت بنهاية طريق..أدوّر بداية





وقفت بنهايةطريق..أدوّربداية طريق

وأقول لدروبٍ خذتك: هنيّها وهنيّها!!







تقطّع أنفاس الأمل مابه زفير ولا شهيق

والدار مايعجب هواها عُقبك ولا ميّها!!






لو السحاب يهل وبله فوقها مابل ريق

اللّي عطاء وجهه لدنياه وعطته اقفيّها!!






ولا أقول ماباقي على الدنيا صديق ولا رفيق

ألاّ..أصدقائيه بالعدد كثر النجوم وضيّها!!






وإعدائي تسع أعشار صدقاني ..ويانعم الصديق

اللّي يقول أصبر على جور السنين وغيّها!!






وألا ّ أنت ياللّي لو يجرّبك النحل عاف الرحيق

والشجره اللّي من هماليل السحابه ريّها!!






يمكن يضيق الكون أبك لكن صدري مايضيق

وعن لاهب الكنّه تناديك الضلوع وفيّها!!






أحلّفك باللّي جعل في مكه البيت العتيق

أنّك لتطوي صفحة الماضي وتنسى طيّها!!







تراي ماطيق الهجر والقلب برضه مايطيق

ومياسم الفرقا على قلبي توالى كيّها!!







وأنا الذي سيّست بنياني على الساس الوثيق

وعن كثرة علومي يكفّي ملحها وشويّها!!






محبتك لن جيت أدوّر زيّها شيًا يليق

مازيّها/مازيّها/مازيّها/مازيّها!!






والساعه اللّي ودّتك عنّي ..عساها في حريق

والساعه اللي ردّتك ترحب ويالله حيّها!!





********


راقت لي جدا جدا

[غلا..]

وقفت في نهاية طريق ادور بداية طريق

رائع جدا

صح لسانك

[عبد الله الصالح ,,]

يمكن يضيق الكون أبك لكن صدري مايضيق
وعن لاهب الكنّه تناديك الضلوع وفيّها!!
أحلّفك باللّي جعل في مكه البيت العتيق
أنّك لتطوي صفحة الماضي وتنسى طيّها!!

ذائقه شعريه جميله ..
شكراً أختي الكريمة / غيوم ممطره ..