[غيوم ممطره]

السلام عليكم ورحمة الله وبركاته

******

تدري علامي يوم شفتك وصديـت
ماهو ترى كـرهٍ ولانيـب ناسـي
بغيت اناظر فيك لكنـي ازريـت
دمعي على خدي جرح كل باسـي
ماودي تناظر عيونـي ليـا جيـت
ولاودي اخضع لك مع الوقت راسي
انا علـى عـز وكرامـة تربيـت
وربي خلقني كالجبـال الرواسـي
صحيح انا ياناعس الطرف حبيـت
وأوفيت لك من طيب قلبي وساسي
وآآالله ماخنتـك ولاعنـك لديـت
وحبٍ ماهو حبك جعلتـه مداسـي
وحفظتك بقلبي عن الناس وأخفيت
كل الذي قلتـه وزدت احتراسـي
لاني عشقتك عشق طاهر وعليّـت
حبٍ حضنّا عن جميـع الخساسـي
لكن بدون أسبـاب عنـي تخليـت
روحت عني ماحسبـت انتكاسـي
ماكنك اللي مـن قصيـدي تغنيـت
ولاكنك اللي صرت لي تاج راسي
ياويل قلبي يوم قالـوا لـي اقفيـت
من عقبها وايـام عمـري مآسـي
كل ماسمعت اسمك مع الناس فزيت
قلبي يصيبـه لاذكـرك التماسـي
لآآني بلا حيٍ ولانـي بعـد ميـت
صاير غريب وعايشِ بين ناسـي
واليوم شفتك صدفـةٍ يـوم مريـت
مابك جديد الا أنك اصبحت قاسـي
لاتحسبني سااافهـك يـوم ناديـت
ماهو ترى كـرهٍ ولانيـب ناسـي
ودي على ماأجيك لكنـي ازريـت

*******
م/ن

[لعزتي هيبة]

روووووووووووووووووووووعه

[haneen26]

جمييييله ... يعطيك العافية

[مشتاقهه للجنهه")]

أبيأإتت فائقهه الججمال
تسسلم الايأإدي

[هدوء المدينة]

شـكــ وبارك الله فيك ـــرا لك ... لك مني أجمل تحية .

[بياآض]

مؤثرة

يعطيك العافية ع النقل

[عبدالرحمن الاحمد]

شـكــ وبارك الله فيك ـــرا لك ... لك مني أجمل تحية .

[الابتسامه صدقه]

شـكــ وبارك الله فيك ـــرا لك ... لك مني أجمل تحية .

[صمتي يذلك]

ماهو ترى كـرهٍ ولانيـب ناسـي
ودي على ماأجيك لكنـي ازريـت
موفق بإذن الله ... لك مني أجمل تحية .

[همس الوعد]

شعر روعه واختيار اروع
سلمت الانامل