[غيوم ممطره]

السلام عليكم ورحمة الله وبركاته

********

يا بسمة احلام العمر يا سنيني


تعال واسكن بين رمشي وعيني
ويدللّك شوفي وتحرسك الاهداب

يا بسمة احلام العمر يا سنيني
يا عز ربعي والقرايب والاحباب


ربّي يعين الحال ربّي يعيني
من يوم ما هيّضتني والهنا غاب


مدري وش الّلي يالغلا يحتويني
ارهاب كان الحب في شرعه ارهاب


القلب حبّك بين نبضه وبيني
حتى مع ضيق الشرايين ينساب


والعقل تفكيره معك ما يبيني
مستفرد(ن) به دون تلعات الارقاب


والشوق كل الشوق لك مبتليني
ما غيرك احد(ن) له فتح شوقي الباب


اوله عليك اكثر من ام الجنيني
واحّن لك حّن الدواعي للاسباب


وانوي بنسيانك واحلف اليميني
ويضحك علّي الحلف ويقول كذّاب


يا ملهم احساس الفرح في جبيني
طعم الفرح من يوم ما غبت ما طاب


استسلمت كل التعابير فيني
واستغربت كل المواقف والاصحاب


حتى طموحي صار بعدك حزيني
شاب الطموح بغيبتك والرجا شاب


والليل وين الليل عيّا يجيني
ارتاب جنح الليل والجفن مرتاب


تعب القلم يا متعبه في يديني
لا تابت حروفه لشوقك ولا تاب

**********
م/ن