[صانعة في الحياة]

قصيدة لشاعر إماراتي يشكي الحال

و الحال من بعضه





تو .. طين





وش عاد يا دار ٍ بهـا صـار ( توطيـن ) و في مكتب التوظيف سوسن و ميسـون !
مديرهـم مـدحـت و نائبْـتـه نسـريـن و على الرسبشن حمّص و فول و زيتـون !
كل ما اتصلت اسمع ( الـو مرحبـا ميـن ؟ بدّك وظيفه ؟ .. مين دلّك علـى هـون ؟ )
اقـول انـا لـي اتصـل صـار شهـريـن و انتـوا وعدتونـي متـى بـس توفـون
اسمي ( مواطن ) ( جامعي ) طيب و زيـن كنـي ابخـطـب عنـدكـم و اتّغـلـون !
عنـدي شهـاده طايحـه بجبـدي سنيـن عشش عليها شـي لـه ستـة عيـون !!
لو للشهـاده لسـان قالـت ( علـى ويـن ناوي تودينـي .. تلـف فينـي الكـون ؟ )
مـن كثـر مـا صورتهـا غـارق بديـن للهندي راعـي المطبعـه صـرت مديـون
لا ليلـي ليـل ولا نهـاري نـوى يبـيـن دقيت راسـي ليـن مـا صـرت مينـون !
مطلـوب خبـره عالأقـل فـي مجالـيـن ولا تجينـا بواسطـه و سيـر مـدهـون !
ولا انثبـر فـي بيتـك .. افـرك بكفـيـن يومـك يشابـه امسـك و عيـش مغبـون
اعـدادنـا ويّـاهـم اربــع مـلايـيـن و اهل البلد للحين مـا صـاروا مليـون !!
ويـلاه مـن باكـر اذا وضعنـا الحـيـن و احنا اقل مـن الربـع حالنـا شجـون !
و اللي ابتسـم لـه حظـه والله مسكيـن !حصّل وظيفه .. بس في وين .. تـدرون ؟
ساكن في راس الخيمه .. حطوه في العين !! و اللي سكن في الذيد .. في السلع مدفون !!
يشوف اهله بـس فـي الأسبـوع يوميـن و اذا حسبتوا الدرب كم ساعـه .. تبكـون
يعنـي فـي كـل احوالـه ذاق الأمـريـن شغّـال محـزون و بـلا شغـل مـحـزون
و الأجبنـي اللـي راتبـه فـوق عشريـن فلـه و سيـاره و تذاكـر .. و طـاعـون
عنـده بـدل كـل شـي عالراتـب الفيـن حتى بـدل معجـون اسنـان و صابـون !
و من بعد ما يجمـع مـن بـلادي فلسيـن ويربّي من القعـده علـى الكرسـي بطـون
و يصير في بلاده غنـي و عنـده برجيـن يرحل و هو جاحد .. و كم مثلـه ملعـون !
و حتى الجماعـه قـوم مدحـت و نسريـن وردّهــم لبـلادهـم لــو يـطـولـون
يرضـون بشويـة دراهـم .. و شفتـيـن صبح و عصر .. لو حتى في الليل يرضون
بس لـو سمعتـوا همسهـم بينهـم بيـن وسـط القهـاوي يلعنـون و يسـبـون !
لا تحسبونـي عنصـري .. كلنـا طـيـن و الخـل لـو عاتـب محبيـنـه يـمـون
داري و انـا اولـى بهـا مـن الغريبيـن مـا يوصلـون لحبـهـا لــو يمـوتـون
و ( الأقربون اولى ) .. كلام ٍ مـن الديـن ما جبته من شعـري مـع الهـام و ظنـون
ولـد البلـد مـا يبغـي لبـلاده الشـيـن بالـروح بـالـدم يفتديـهـا ولا يـخـون
لكن سؤالـه يـوم قلتـوا لـه ( توطيـن ) يا كيف بيـد الغـرب توظيفـه يكـون ؟؟!!
شعارهـم معـروف ( راجعنـا بعـديـن ) و بايـن مـن التأجيـل .. انهـم يخافـون
اذا معك خبـره .. يـا اهليـن و سهليـن و اذا شهـاده بـس .. عنـك يـصـدون
مـا عندنـا شاغـر .. و بطلنـا تعيـيـن ولو تحرق الهاتـف تـرى مـا يـردون !
من وين اجيب الخبره ؟ من وين من وين ؟دام الوظيفـه عنـد سوسـن و ميسـون !
عنـدي بمطبـخ بيتنـا خبـره سنتيـن ! تنفـع اذا صـاروا المطاعـم يوطنـون ؟؟!
ولا اهاجر و آخـذ الخبـره فـي الصيـن ؟ صـح العيـون صغـار .. لكـن يقـدْرون
سـؤال يـا دار ٍ ..صراحـه بترضـيـن ؟ اني اسافر و اطلـب الغـرب لـي عـون ؟
و سؤال يا ناس ٍ علـى الـراس و العيـن صدق الوظايف واسطه و سيـر مدهـون ؟
امـا الجـواب الشافـي يجينـي الحـيـن او هاتوا تأشيره .. اذا كنتـوا ترضـون !


وسلامتكم

[بنت جابر الخير]

عنـدي بمطبـخ بيتنـا خبـره سنتيـن ! تنفـع اذا صـاروا المطاعـم يوطنـون ؟؟! ولا اهاجر و آخـذ الخبـره فـي الصيـن ؟ صـح العيـون صغـار .. لكـن يقـدْرون

صح لسانج صنوعه

وصح لسان قايلها

يسلمو على النقل

[( الـــبـــرواز )]

كل ما اتصل أسمع ألو مرحبا مييييين ؟؟ ***** بدك وظيفه مين دلك على هون

الله الله

يعطيك العافيه اختي صانعه قصيده رائعه والله

مشكوره

تحياتي

[سحر84]

رائعه
معبرة
مشكوووور على النقل

[صانعة في الحياة]

بنت جابر الخير

( الـــبـــرواز )

سحر84

أهلا بكم وحياكم الله

بارك الله فيكم وشكرا لكم مروركم الكريم

لكم اخلص تحياتي

[نجمه البحر]

والله هذي حقيقه بس منو يسمعلناااااااااااااااا

[هنااادي]

يسلمووو اختي صناعه الله يعطيك العافيه...

[صانعة في الحياة]

نجمه البحر

هنااادي

أهلا بكم وحياكم الله

اسعدني مروركم الطيب وبارك الله فيكم

شكرا لكم ودمتم بخير

[صيته]

المشاركة الأصلية كتبت بواسطة صانعة في الحياة مطلـوب خبـره عالأقـل فـي مجالـيـن ولا تجينـا بواسطـه و سيـر مـدهـون ! ولا انثبـر فـي بيتـك .. افـرك بكفـيـن يومـك يشابـه امسـك و عيـش مغبـون

هناااااااااااااا المشكلة إذا تسهلت على الولد ولقى وظيفة قااااااااااااااالواااااااااا له هاااااااااااات شهادة خبره

الله يعينهم العياااااااااال ويسهل عليهم امرهم في الحصول على وظااايف والله يجعل لكل مجتهد من اجتهاده نصيب اللهم آآآآمين

الله يعطيك العااااااااااااااااااااااافية تسلمين والله ماااااااااااااقصرتي صاااااااااااااااااااااااانعة

[جوري الشرقية]

صنوعة ... تسلمين على النقل الجميل اللي يشكي الحال