[غيوم ممطره]

تُـــــوتْ آلمَحَبّة ..!


عـلـى ذكــر الـغـرام وشـرهـة الغـالـيـن للغـالـيـن
بعـد قفـت وسومـك واجـدبـت خـضـر البساتيـنـي

ضميتـك بعـد طولـت الغيـاب ولا غفـت لـي عيـن
وانـا لـو أنـت بحـري واشربـك مـاأظـن ترويـنـي

انـا ماعاتبـك ليـش الجـفـاء لأنــي اعـرفـك زيــن
لـكـنـي لاكـتـبـت الـشـعـر فـــي مـثـلـك يسـلـيـنـي

ادور لـك عـذر بيـن الـظـروف وسـجـة السالـيـن
وادلــه خـاطـري فــي كــل لحـظـة بيـنـك وبيـنـي

عسـى الله لايعـيـد الضيـقـة الـلـي مـسـا الاثنـيـن
بعـد مــا جرحتـنـي مــن فـراقـك ودمـعـت عيـنـي

هـذاك اليـوم لينـت الخفـوق اللـي حـشـا مايلـيـن
لـو تليـن الرجـال الـلـي عـلـى الـشـدات قاسيـنـي


رحلت وضاقت الوجهات الاربع قلت اجيك منيـن
ولابــــه غــيــر درب لــــو سـلـكـتـه مـايـوديـنـي

تغافلت الطريـق اللـي يجـي بيتـك مـن الصوبيـن
احسب أني بشوفتك واحسـب ان الوقـت يمدينـي

تركت الـدار بيسـاري وأخـذت اول طريـق يميـن
وانـا شـهـب العـلـوم تحـدنـي والـشـوق حاديـنـي

على وصل الهنوف اللي تمخطر بين حين وحين
مرابـعـهـا القـصـيـد وبـيـتـهـا بــيــن الـشـرايـنـي

نبـت فـي وصلهـا تـوت المحبـة والكـرز والتـيـن
تمـايـل كــل غـصــن شـوقــه نـــدف الرياحـيـنـي

عليـهـا ديــن ماتنـسـى الـغـلا ولـهـا علـيّـة ديــن
ماينـقـص مـــن غـلاهــا شـــي دام الله محيـيـنـي.


(م/ن)