[اللهم حسن الختام]

مرااااااحب

حبيت أوريكم اليوم تجربتي مع بعض المنتجات اللي جربتها من فيشي ,,, بما إنو بشرتي من النوع الجاف جداً إحترت كثير بالمنتجات وأيها أصلح لبشرتي بحياتي ماارتحت كثر ماارتحت مع فيشي ,,, وطبعاً هذي نقطة في بحر الكريمات اللي جربتهم أتمنى يستفيدون منها صاحبات البشرة الجافة واللي طبعاً مايحتاج أقول عن مشاكلها خصوصاً بالصيف يعني لازم الكريم المرطب بجيبك أو بشنطتك ماينزل... كأني طولتها مو يالله خلني أوريكم اللي جربته ..





مرطب الشفايف من فيشي رووعه سعره بحدود 45 ريالز ,,, حلو جداً للشفايف المتشققة اللي مثل شفايفي ,,, أنا من شدة جفاف شفايفي تدمي وكانت جداً تألمني بس الحمد لله إرتحت عليه جداً .



رائع جداً هالكريم وأنصح فيه وبقوة لكل وحده تعاني من جفاف البشرة ,,, رووعه وريحني كثير وصرت ماأستغني عنه أبداً ...



هنا قرب يخلص ,,, لازم نسوي مخزون إحتياطي من هالكريم المعجزة ,,, أهاااا سعره على فكره بحدود 115 ريالز .





هذا كريم الليل ,,, ويصلح لجميع أنواع البشرة بس الصيدلي قالي أنو للبشرة الجافة الحقيقة ماصار لي اسبوع مشتريته بس نتيجته حلو للي تعاني من الكلف وبعض التصبغات ... بس رائع وملمسه على البشرة يريح ... سعره 200 ريالز ..



أكيد العيون لازم نهتم فيها إهتمام كبير لأنو هي اللي يبان عليها التجاعيد والخطوط ولازم نهتم نرطبهم من سن العشرين لا حد يقول توا الناس لا التجاعيد ممكن تبان من سن صغيرة عشان كذا لازم ننتبه لها الاول على اليمين كريم الهالات السوداء طبعاً أنا أعاني منها كثير والحمدلله لقيت تحسن ملحوظ منهاوالثاني على اليسار كريم للتغذية رائعيين فعلا ومناسبين لعمري سعرهم بحدود 100 وعليها ريالز .



هذا شامبو لتساقط الشعر لكل أنواع الشعر سعره 67 ريالز بالنسبة لي نسبة التحسن كون شعري جاف ويتساقط 3 بالمية يمكن يناسب لغيري ويمكن أنا مااستخدمته كثير بس راح أكمل معه واقولكم على النتيجة النهائية .. بس للي تحب تجرب تجربه .



هذا ياطويلات العمر مقشر للجسم ,,, بالنسبة لي مايفرق عن أي مقشر رخيص بأي صيدلية نصيحة لاتسون زي وتشترونه تراه غالي 200 ريالز ندمت أني شريته بس لازم أقول عنه



هذا المجموعه كاملة ...

أتمنى تعجبكم ,,, حبيت أقول شغلة يمكن تشوفون الاسعار غالية ومو الكل يقدر يشتريها وأنا والله مو قصدي شي غير الكل يستفيد ممكن تشترون منتج واحد فقط للفايدة ولو تلاحظون أنا ماحطيت غسول وجه من فيشي لأني أستخدم غسول خاص من هيمالايا للبشرة الجافة ب16 ريالز فقط وكريمات للجسم كلها من الصيدلية يعني القصد إنو الواحد يدور على اللي يناسبه ..

تحياتي للجميع ...

[اللهم حسن الختام]

هذا الغسول ... وهذا المرطب... وهذا الواقي من الشمس ..... فيه كثير من منتجاته بس انا اعطيتكم نبذه من المنتج ... المنتجد مره رائع

[مجدولين 56]

شـكــ وبارك الله فيك ـــرا لك ... لك مني أجمل تحية .

[قطرات المطر 123]

مشكووووره يعطيك العافيه...

[انفاس غيمة]

مشكووووووورة سلمت يداك

[راسيل الجزائر]

شـكــ وبارك الله فيك ـــرا لك ... لك مني أجمل تحية .

[حكايه غلاك]

شـكــ وبارك الله فيك ـــرا لك ... لك مني أجمل تحية .

[امل قريب]

مشكورة الله يعطيك العافيه