[أم عابد]

يا غايبه وان كان فيها جماله تجملي يام الحلا والظفاير
بالله شوفي صاحبك كيف حاله؟؟ شوفيه في غيبتك واشلووون صاير؟؟!!
صارت حياته ضيق خلق وبطاله.. هم وسهر واوراق شعر وزقاير
يعني حبيبك صار حالته حاله ماباقي الا انك تذرفين العباير
الله لامنه ذكر مامضى له قبل الدواير ماتجر الدواير
يوم الطفوله والشقى والجهاله يوم الكباير في عيونه صغاير
ايام كان معانده راس ماله ويسوق لهبال الشقاوه بشاير
ياما امتلا بالحب والطيش باله وياما امتلت من شخبطته العباير
يكتب عليها عااااشقكـ للثماله ويخط توقيعه جريح الضماير
ياما اشتكاه ابوك في بيت خاله وياما تحصل من هواك العزاير
مره حلف انه يبطل هبالة وقبل يكمل فك اخوه الستاير
ثم طالع الشباك لينك اقباله وفأقل من لمح البصر جاك طاير
على صغر سنه امييل عقاله كااااااشخ؟؟؟وناسي لايصك الزراير
لاشافك يتمتم لحاله بحاله لعيون هالشوفه تهون الخساير
ولا شاف زول ابوك حذذف نعاله الحب جاير لكن العود جااير
طفل يتيم ورغم الاحزان باله مايدري ان حظة مع الوقت باير
كنتي طموحه كنتي اغلى حلاله كنتي وصرتي بس ياأم الظفاير
طفل زرع من ضحكتك في خياله لين اثمرت شعر هزاله حراير
لا تتركينه في غيابك بلحاله بالله شوفي كيف هالطفل صاير
ووحده بوحده كان عندك عداله تبطلي غيبه وأبطل زقاير

فهد المساعد

[هديل35]

جميله جدا,,,اشكرك على الإنتقاء.

[غيوم ممطره]

طرح مميز

(في انتظار جديدك سحابة)

[أم عابد]

شكرآ غيومه..
شكراآ هديل35
على المرور العطر....