[شايل همي لحالي]

السلام عليكم ورحمة الله وبركاته

كتبت في السابق موضوع وأرجو قراءته لمن لم يقرأه وهو على هذا الرابط :

http://www.22522.com/vb/showpost.php...48&postcount=1

وكتبت رد آخر أعتقد أن الكثير لم يقرأه وهو على هذا الرابط :

http://www.22522.com/vb/showpost.php...&postcount=263

وفتحت هذا الموضوع لأن الجميع بارك الله فيهم وفتح لهم أبواب الخير كتبوا ردود أستفدت منها كثيراً وحتى يعلم من كان يسأل عن حالي أين وصلت بحالتي النفسية وما هو الجديد بحياتي ..
في البداية أشكر كل من رد في موضوعي السابق ووالله قرأتها جميعاً وأستفدت منها جداً ولكن لم أستطع الرد عليها جميعاً ..
في الوقت الحالي زوجتي حامل في الشهر السادس وجياتي المادية الحمد لله تسير للأفضل لأني كنت أعاني من الديون والان ماضي في سدادها الحمد لله ووضعي لله الحمد أفضل من السابق والحمد لله ..
أما حالتي النفسية : أعامل زوجتي عاااااادي جداً بكل الود والاحترام والتقدير ولا أذكرها بالماضي ولكني جاف عاطفياً وهذا الشي غصب عني ، يعني ما أقدر أقول لها أحبك وأموت فيك وغيره من الكلام وأنا داخلياً ما أحس بهذا الشيء وهي تسألني دائماً ليه تعاملني كذا ؟؟ فأحس إنها تقهرني لما تسألني هذا السؤال وكأني السبب فأقول لها تذكري الماضي وبتعرفي ليه ، إنتي اللي جنيتي على نفسك وعلي وإنتي اللي خليتينا نعيش بهذا الوضع فتقول أنا عارفه فأقول لها خلاص لا تقولي مرة ثانية ليه تعاملني كذا إنتي اللي اخترتي هذا الوضع وعشان أذكرك لما أكتشفت المشكلة القديمة قلت لك بالحرف الواحد ( والله في أشياء كثيرة بتتغير في حياتنا وبتشوفي بعينك ) وهذا اللي قاعد يصير الحين ، أنا مو جاف معاكي بكيفي ، لأني أنا بعد أبغى أحب لكن ما أقدر أكذب واقول أحبك وهذا الشي ما أحس فيه ..
اليوم صار نقاش صريح شوي ، تسألني أنت ليه فترة طويلة ما تجامعني مع إني قريت في النت إن الزوج ما يقدر على الأقل في الأسبوع مرة لكن انت أكثر من كذا بكثير ، فقلت لها تبغي جوابي بدون زعل ؟ قالت أي ، قلت في أحد يجامع وهو ما يحس بالحب ؟ قالت لا ، قلت خلاص هذا جوابي ..
من ناحية زوجتي وأهلها الحمد لله أوفر لها كل شي تتمناه وفي نفس الوقت أهلها يمروا بظروف مادية جداً صعبة إلى درجة ما يلقوا قيمة الأكل والشرب فأرسلت لهم مبلغ مادي واشتروا كل شي وفي نفس الأسبوع اتصلت اطمنت عليهم وعرفت إن المبلغ خلص لأنهم كانوا في وضع مادي سيء فأرسلت لهم مرة ثانية مبلغ حتى ما ينقص عليهم شي وكانوا يدعوا لي فعرفت إن أبوهم تعبان فأرسلت له العسل ومبلغ مادي حتى يتعالج ( مع العلم إني والله مديون وشهرياً مطلوب مني أسدد ) والحمد لله أبوهم شفى وكان يدعي لي دائما ً ..
من ناحيتي شخصياً فأنا ما أعلمها عن ديوني وبالعكس أقول لها مو محتاج شيء وربي ساترها علي وأقدر أسوي اي شي ببالي لأن الله ميسر أموري ، وكل فترة اخذها عند أهلها وأرجع أنا بيتي وأحس إني مرتاح ونفسيتي مرتاحه لأنها مو موجودة وأحس إني في البيت لحالي أكثر هدوء وتركيز في حياتي فأبدأ بالتمارين الرياضية وأتابع كل شي يريحني نفسياً ..
في الوقت الحالي أحس إني أعيش في مرحلة التكييف مثل ما قالها لي دكتور نفسي في مركز مطمئنة لأني صرت اكلمها عادي وما صرت كل ما أشوفها أذكر الماضي لكن في الوقت الحالي ما أحس بأي حب واشوفها مشتااااقه جداً لأي كلمة حلوة مني مثل أحبك أو مشتاق لك أو غيرها لأنها ما سمعتها مني من أكثر من 3 سنوات ولا أبالغ والله ما قلت لها هذي الكلمات من أكثر من 3 سنوات حتى لو كانت مسافره عند أهلها تقول مشتاق لي اقول ايوه تقول أحلف أقول يالله بكلمك بعدين وأقفل ، يعني نهائيا ما أنطق بهذي الكلمات معها ولا أدري هو جفاف عاطفي وإلا حب انتقام وإلا أيش بالضبط ..
هذا حالي يالغاليين والله يفتح لكم أبواب الخير ..

[الصابرة........]

لازم تكون صريح مع نفسك ....لانك قاعدتعيش صراع نفسي,بين المفروض انويصير وبين رغباتك
صدقني انت تحبها واللي يأكد هذا الشي مساعدتك لاهلها وعلى قولك صبرك وسترك عليها ،واستمرارك معاها،عارفة انو كلامي قاسي بس هذا الواضح وكبريائك هو اللي يمنعك من المصارحة بالحب،انت جالس تمارس نوع من العقاب لها عشان تريح نفسك وخضوعها وحبها لك هو بالنسبالك رد اعتبار .
لاتسمي الامور بغير مسمياتها.ولا تضحك على نفسك,واضح انو زوجتك جميلة جدا وفاتنه وهذا اللي معذبك ماتبغا تفرط فيها وتخسرها ,وشي مقابل شي ،صعبة نحصل على كل شي
وبما انها صغيرة فعواطفها هي اللي قاعدة تمشيها ,وشوية حتكبر وتفهم الحياة وتفهمك اكثر ويمكن تغير معاملتك لها ،لا تذلهابالماضي ولا بفقر اهلها هيا دحين محتاجة ويمكن الله يغنيهم الدنيا دوارة بعدها ممكن تقلب الطاولة عليك وتستغني عنك وتقولك اهنتني بما فيه الكفاية ،اصعب شي على المراة انك تذلها عاطفيا ،يعني تعتقد انها مالها مشاعر ؟؟؟
الزبدة ...زوجتك كانت ضحية تربية خاطئة ,أو صديقات سوء لا تحملها اكثر مما تحتمل.

[شايل همي لحالي]

السلام عليكم ورحمة الله وبركاته

كيف حالكم يالغالين ؟
إن شاء الله الجميع بخير ..
زوجتي حالياً حامل وفي منتصف الشهر الثامن ..
وإن شاء الله بردودي على الأعضاء بيتضح آخر أموري ..

الصابرة........
أولاً ما شاء الله عليك ِ يمكن شخصتي الوضع بشكل كبير ..
بس يا أختي أنا والله ما أذلها باللي سوته وخلاص ما أذكره نهائياً وبنفس الوقت ما أذلها بفقر أهلها بالعكس أنا كنت مريض قبل أسبوع في قلبي وطلعت من البيت وأنا تعبان وحولت لهم مبلغ لأني عرفت إن أختها مريضة وبتسوي عملية ومحتاجه اهتمام ، ولا قلت لها شيء بالعكس اتصلت على أمها وقلت لها هذا واجبي ومالي فضل على أحد ..
أنا نفسياً تغيرت معها كثير يعني الماضي ما أذكره ولا أتكلم فيه بس نفسياً ما في أي كلمة حب وهي بنفسها تكلمني على هذي النقطة بس زمان كنت أقولها انتي اللي تسببتي في الوضع الحالي وأنا ما أقدر أقول أحبك وأنا ما أحس فيها ..
مشكورة أختي ويعطيك ِِ العافية

ابن الشام 65
اللهم آمين .. جزاك الله خير

ام عبودولمو
اللهم آمين والله يجزاك ِ الخير

بسمة سعد
بصراحه أنا أحس مكسور داخلياً بشكل كبير ، وأحس ما أقدر أضحي مرة ثانية وارجع أقول لها أحبك مرة ثانية ، شيء داخلي يحسسني إن اللي صار لي كان صدمة العمر ، أنا ما بجامل نفسي لكن القريب والبعيد يشهد على إني ذكي وافهم كل شي ومثل ما يقولوا وهي طايرة إلا هذا الموقف ما توقعته ولا قدرت أستوعبه نهائياً وأثر على نفسيتي كثير وأتعبني في حياتي كثير ، لدرجة إني أحس لو قلت لها أحبك كأني أهنت نفسي ورضيت باللي سوته زمان ..
مشكورة أختي بسمة على رابط الموضوع وقرأته بالكامل ويعطيك ِ العافية

& نور قباء &
جزاك الله خير على الدعاء
نسخته وبرسله إن شاء الله لكل الموجودين عندي على الواتس أب ..

مدام سم سم
اللهم آمين وجزاك ِ الله خير

عناقيد الحلى
صعب أقول أحبك ولو من ورى قلبي ، المشكلة إني أدري لو قلتها وهي تدري إنها من ورى قلبي بتقول والله تحبني ؟! ، يعني بتحوله لحقيقة وأنا نفسياً مو متقبل أقولها وبصراحه لأني أحس في غدر صار لي وخيانه بطريقة ما توقعتها أبداً ومن انسانه أعتبرتها كل شي بالنسبة لي ..

المتفآآآئله KSA
مشكورة أختي والله يجزيك ِ الخير

ناضجه بفكري
والله يا أختي كل اللي ذكرته صحيح ومن واقع حياة شخص يعاني للان من 3 سنوات ..

لمسة ود
تصدقي إنها تبغى تجي بحضني أقول لها اجلسي هناك ( أأشر لها على أي مكان تكون بعيده عني ) ، أسولف معها عادي وأمزح وأشتري اللي تحتاجه وأوفر كل شي تتمناه لكن نفسياً مو متقبل أي شي فيه حب سواء باللمس أو بالكلام ونهائياً ما أعطيها فرصه على هذي النقطة ولو فتحت الموضوع أسكت أو أقول لها انتي جنيتي على نفسك وعلي ..

[ابن الشام 65]

موفق بإذن الله ... لك مني أجمل تحية .

[ام عبودولمو]

الله يفرجها عليك ويسخر قلبك لها ويسخرها لك

ويجعلها ام عيالك وانت ابو عيالها .... والله يهدي نفوسكم

اللهم اامين ....

[جهير37]

اللهم لك الحمد على تمام النعمه عليك أخي .

لا تنسى قد قطعت مشوار طويل وناجح في حياتك فقد قفزت قفزة كبيرة .

ولاتنسي انك تغيرت في إشياء كثيرة .

أوصيك ونفسي بالدعاء الدعاء الدعاء فهو سر عجيب .

وأنت موقن بالحاجه انها راح تصير لك ان الله ينزل حب زوجتك لك .
مو تدعي وانت حاط براسك ما احبها .
فلا
ادعي وانتي الحاجه هي الي تبغها تصير لك .

وأكثر من لا حول ولا قوة إلا بالله فقد لاحظت فرجت لي أشياء مقفله .

برى نفسك من حولك وتطلب حول الله وقوة .

ولا شئ صعب على الله سبحان وأنت موقن أنك ربي يغير من وضعك .

أعط رسايل أجابيه لنفسك هي الي تغير وضعك لفضل .

كرر قبل النوم كلمات اجابيه في داخلك .
عن حبك لزوجتك لاسبوع وسوف تلاحظ التغير في نفسك .

أنا قرت موضوع عن شكر الله على نعمه .

وكررتها كم مرة تلاحظ نعم الله كثيرة .

ووتغير نظرتك للحياة

[جهير37]

السلام عليكم ورحمه الله

لعل الموضوع يفيدك

http://www.22522.com/vb/showthread.p...=1#post3167753

[نورقباء]

السلام عليكم ورحمة الله وبركاته
اخوي انصحك بهذا الدعاء
دعاء المعجزات
"" حسبنا الله سيؤتينا الله من فضله انا الي الله راغبون ""
يقول الشيخ / صالح المغامسي
انه دعاء المعجزات ..
والله متى مادعوت الله بصدق وكنت في مأزق الا وجاء الفرج من حيث لاتعلم
_________
قال ابن باز رحمه الله :
مادعوت بهذا الدعاء بعد التشهد الاخير في امر عسير الا تيسر
كرروا هذا الدعاء في كل يوم استصعب عليكم امر او ارجوا فضله في الدنيا والاخره

الله يهدي نفوسكم وترجعون بقلوب صافيه يارب

[مدام سم سم]

اللـــــــــــــــــــــــــــــــــــــــــــهـ يصلحك يارب

[عناقيد الحلى]

اهلين اخوي والله يصلح حالك انت وزوجتك اخوي اتوقع انك بعدم قولك الكلمات الطيبه لها ممكن لشعورك بان تفكيرها يكون مشدود لك ليه ما يقول ليه ما يسوي وان تزرع في نفسها الندم على مافعلت بك وكا محاوله منها لك بكلمه حلوه اوغيره تذكرها وتذكرها ولكن هل سالت نفسك الى متى سوف ترزق بمولود اذا زوجتك رجعت وانظبطت معك فاعلم ان المسامح كريم فانت انصلحت من جهه وخربت من جهه اخرى فا الامر هو جرح في قلبك لا يزال ومنصدم ولكن عليك بمعاملتها بما يرضي الله واجعلها لله فاذا جعلتها لله فا الله سيذهب همك ويشفي جرحك فممكن في البدايه تبداء با التدريج بكلمه احبك حتى لو مره في الشهر ولو من ورا ظهرك وشف مرددودها عليك فبتدريج ستشفى جروحك فانت سوف ترزق بمولود فعيش بسعاده ولا تجعل للشيطان مدخل عليك وسامحها وغير من اسلوبك واستمتع بكل شئ واذا مر بنفسك امر يضايقك فامسك ورقه واكتب بها كل ما في قلبك وبعدها مزقها فلها مردود طيب لتنفيس عن ما يجول ببالك حتى لو تكتب احبك يا فلانه الي هي زوجتك وتظهر كل شئ با الورقه وتمزقها وستتحسن مع الوقت والله يحنن قلبك لها ويحنن قلبها لك