[حامد نوار]

لولا المواقف ماعرفت الرجاجيل
والرجل يعرف بالشدايد والافعال

أنا اشهد به ناس وقت البهاذيل
لاجد وقت الجد تطرى على البال

من يعجبونك في جميع المداخيل
ناس ٍ تعز الطيب من كل مدخال

وما كل من قلّط وساق الفناجيل
يتبع دروب الطيب في كل الاحوال

وترى العمر ماهوب فرق المشاكيل
والهرج مايرفع من الناس دجال

بعض الرجال كبار لكن مهابيل
المرجلة ماهيب بالكبر والمال

وبعض الرجال اجسام لكن تماثيل
جسم ٍ كبير وداخله قلب تمثال

يملى عيونك بالشكل كنه الفيل
ولاحان وقت الجد كذبت الاشكال

ماينفعك وقت الشقا والغرابيل
ياليت تسلم من كلامه والاقوال

ومنهو يظن إن المظاهر دواليل
به ناس نقص وتلبس شماغ وعقال

والدلة اللي دون نار ومعاميل
ماتسقي الخرمان لو ربع فنجال

وبعض الرجال يكيد لك بالمحابيل
يخفي بضحكه لك من الحقد زلزال

السن ابيض لكن القلب كالليل
ماكل من يضحك معك يسعد الحال

ولولا الحسد والبغض والقال والقيل
كان العرب صارت على قلب رجال

هذا كلام الحق من غير تبديل
حبيت اقول الصدق والصدق ينقال

اقبل كلامي فيه بعض التفاصيل
شي مجرب ماخرصته من البال

ولولا المواقف ماعرفت الرجاجيل
وكان استوى بالهرج خايب ورجال

000مما راق لي00

[حين تجف الدموع]

جد جد رائع .... القصيدة كلها علي بعضه حلو ......وخاصه تحت الخط.....

[د/مروة]

شـكــ وبارك الله فيك ـــرا لك ... لك مني أجمل تحية .

[ابن الشام 65]

شـكــ وبارك الله فيك ـــرا لك ... لك مني أجمل تحية .

[ناهيد ارشلان]

يعطيك العافيه قصيده حلوه

[فآقده غالي]

صح لسانك

تقبل مرووووري

[مريم الحويطي]

والدلة اللي دون نار ومعاميل
ماتسقي الخرمان لو ربع فنجال


روووووووووووووعه ... وتنطبق على بعض النساء مو بس الرجاجيل

سلمت على النقل الرائع ,,, وكل مايروق لك أسدحه بهاالمنتدى لأن اللي يروق لك( شيء)

[نورقباء]

وبعض الرجال اجسام لكن تماثيل
جسم ٍ كبير وداخله قلب تمثال

يملى عيونك بالشكل كنه الفيل
ولاحان وقت الجد كذبت الاشكال

هذي شي ثااااااااااااااااني
يسلمواااااااااااااااا

[السعاده قادمه]

وبعض الرجال اجسام لكن تماثيل
جسم ٍ كبير وداخله قلب تمثال

يملى عيونك بالشكل كنه الفيل
ولاحان وقت الجد كذبت الاشكال

[مبرمجة الغد]

وبعض الرجال اجسام لكن تماثيل
جسم ٍ كبير وداخله قلب تمثال

يملى عيونك بالشكل كنه الفيل
ولاحان وقت الجد كذبت الاشكال
صراحه قمة الروووووووووووووووووووووووعه بالفعل الشعر ما قصر