[((( روعة الايمان )))]

	السلام عليكم ورحمة الله وبركاته طبعا بدأت المرحله الثانيه من البرنامج بإرسال رساله اولى للمسجلين في البرنامج وبدأ الآن بث الرساله الثانيه المتضمنه للرقم السري لتسجيل البيانات ويتم إرسالها على دفعات للمسجلين موقع حافز لإستفساراتكم على الرقم 9200115599 نضيف طريقة تسجيل البيانات بالصور جزاه الله خير الجزاء إللي قام بإعدادها ونقلها اول شي بتجيك رساله عادية يقولون انه بتوصلك رساله فيها رقم سري في الايام القادمة وتروح وتجي الايام القادمة وتجيك هالرسالة : نأمل الإسراع بإكمال بياناتك على موقع حافز / رقم السري هو ***** وذلك لإدخاله مع رقم هويتك ********** حسب ماسمعت انه اللي يسجل ببيانات غلط يستبعد مثل اللي يسجل مرتين بالموقع يستبعد .. اللي يلف ويدور ( بنظرهم ) يستبعد بعد ماتوصلك رسالة الرقم السري , تجيك عاد خطوات التسجيل : ملاحظة : معظم المتقدمين مايقدرون يعدّلون بياناتهم بعد إعتمادها , يعني يرجى التريّث عند تعبئة البيانات الخطوة الاولى المعلومات الرئيسية : الإسم ورقم بطاقة الاحوال وتاريخ انتهاء البطاقة وحالتك الإجتماعية وتاريخ ميلادك ومقر ميلادك ( اللي هي مكان ميلادك ) وجنسك وشو واذا كان عندك رخصة قيادة تختار نوعها : خاصة / عامة .. واذا لديك احتياجات خاصه تذكر .. واللي يخليني احس انهم مهتمين سالفة : من وين تدخل النت تختار يا من بيتك والا مقهى ( انتبهوا لحد يفكّر انه لو يختار مقهى على باله بيكسر خاطرهم ) الخطوة الثانية بيانات الاتصال : منطقتك وتختار من المناطق الموجودة , وتختار مدينتك وحيّك وشارعك ورقم منزلك ( مهوب رقم التلفون , رقم المنزل ) انتبهووو كثير يغلطون وصندوق بريد , والرمز البريدي .. و رقم الجوال اللي راح يكون موجود وغير قابل للتعديل ورقم هاتف ثابت و ايميل و جوال .. ملاحظة : اللي بجنبه نجمه حمراء لاتطنشه ولاتنساه مهم جداا .. !! الخطوة الثالثة الحالة التعليمية : واللي يقصد بها مؤهلك الدراسي ( ثانوية عامة / دبلوم / بكالوريوس / ماجستير / دكتوراه ) وبعد ماتختار مؤهلك إضغط على ( أضف ) الخطوة الرابعة المهارات : واللي يقصدون فيها مهاراتك الكمبيوتريه , اختار الي تعرف الهدف من ذكر المهارات هو الفرصه الوظيفية اللي بإنتظارك - على حسب قولهم . الخطوة الخامسة الخبرات العملية : وتختار خبراتك السابقة واللي عندك .. واضغط على أضف بعد ماتنتهي من تعبئة خبراتك . الخطوة السادسة الشهادات الاخرى اللي عندك , تذكرها وتضغط على كلمة أضف .. الخطوة السابعة الخيارات الوظيفية : واللي يخيرونك فيها ( وش تبي من وظيفه وتخصصها تناسبك ؟ ) الخطوة الثامنة المكان اللي يتم تعيينك فيه ( ان حصلوا لك وظيفة ) .. الخطوة التاسعة هل لديك تدريب سابق ؟ الخطوة العاشرة رقم حسابك الشخصي في أي بنك عادي مهوب شرط بنك معيّن .. رقم الحساب الدولي ( IBAN ) ويبدأ بـ SA / كل واحد يكلّم بنكه عشان يعطيه الـ IBAN منقول منقول منقول للاهمية

[نورقباء]

جزاكي الله خيراااااااااااااا اختي روعه
طيب الي تخرجت السنه الي راحت لها نصيب قدمت وانتظر
..................................................
شـكــ وبارك الله فيك ـــرا لك ... لك مني أجمل تحية .

[نورقباء]

خطواتهم كثيره شكل ماراح نذوقها الا بالتعب ..............

[((( روعة الايمان )))]

نور انا قرات بالنت ناس تخرجوا وجتهم رسايل انتظري وشوفي للان ناس ما جاهم شيء

[حلم الزهور]

شـكــ وبارك الله فيك ـــرا لك ... لك مني أجمل تحية .

ماشاء الله كل هذي الطلبااااااااات عزالله حصلنا وظاااااااااااااايف الله يكون بالعوووووووووون

[((( روعة الايمان )))]

بنات هذي الخطوات لازم بدقة

[نورقباء]

ايوا اكيد لازم بدقه وياويل الي تغلط برقم الايبان راحت فيها انتبهواااااااااااااااااا

[بنت الشهيد2009]

بارك الله قيك اختي روعة الايمان 00وجزاك الله خير اختي على هذا التوضيح 00كما اضيف نقطه كي تساعد الاخوان والاخوات على التسجيل بسرعه وبدون تعقيد استخدام الاصدار الحديث لمتصفح قوقل وهومتصفح قوقول كروم اوغيره .....................

[((( روعة الايمان )))]

جزاك الله خير فعلا كثير تعرقلت تسجيلاتهم لذا لابد من التنبيه لتسهيل التسجيل
موفقين يارب جميعا وان شاء الله ربي يرزقنا من واسع فضله اعمالا صالحة وارزاقا طيبة

[mis.m]

موفق بإذن الله ... لك مني أجمل تحية .