[العتيبي 511]

السلام عليكم ورحمة الله وبركاته

كيف حالكم يااعضاء المنتدى الاجمل من الجميل

هذي القصيدة تحاكي واقعي المرير بما اني طالب ادرس بالولايات المتحده الامريكيه واهلي بالسعوديه << اووص لاتخرب القصيده هم بيفهمون الموضوع

مغترب عن ديرتي وعيال عمي

في بلاد شعبها يدعس علمها

يابو فيصل وش تقول وش تسمي

ضيقتن تكفي البشر لو تفتهمها

ماشحني في الغياب وزاد همي

وحط كبدي عرضة النار ووسمها

ومايكدر خاطري ويفور دمي

غير فرقاء ( امـي ) عساني ماعدمها

يابو فيصل لانويت تروح لـ ( امــي )

هاك مني ذا الرساله واستلمها

لي ثلاث شهور وانا كل همي

كيف احصل لي طريقة واغتنمها

ضمها مثلي وهي بتعرف ضمي

لين يونس مفرق ضلوعك نسمها

مير تكفى سم وضلوعك تسمي

وكل شي فيك لازم يحترمــها

وارفق بصدرً حليبه كان جمي

ورد روح حدهــا الشرع وفطمها

وارضها واكسب رضاي وكف ذمي

واعتبرني خادمك يوم انك تخدمها

وان دعت لبيه ماهي مثل سمــي

لبـها واسمع وصاتي وافتهمها

ما اامنك بالله يوم تــواجه ( امــي )

بوسـها من راسها لااسفل قدمهــا

وسلامتكم...

[خلووووود الخالد]

يابو فيصل لانويت تروح لـ ( امــي )


هاك مني ذا الرساله واستلمها


لي ثلاث شهور وانا كل همي


كيف احصل لي طريقة واغتنمها


ضمها مثلي وهي بتعرف ضمي


أبيات مؤثرة جدا ، وبوح خرج من زفرات الغربة الى موطن الحنين
والى اغلى روح واصدق حب ( الام ) !
حفظ الله والدتكم وهوون الله غربتكم اخينا العتيبي.
وشكرا لمشاركتك لنا هذه الابيات الرائعة.

[Ŝђǿǿq Ťąbσύĸ]

أبيات مٌعبره عن حياة الغربه ..~

ومايعيشة المغترب في بٌعده عن وطنه وأهله

تسلم يمينكـ ..}

[اميره في حياه اميري]

العتيبي 511

صح لسانك
ابياتك مؤثره
ابكتي
ابياتك توصف حال اخواني وامي
الله يحفظ امك
ويرجعك انت واخوتي
الى بلادنا سالمين
والى حظن امهتنا
في القريب العاجل
حفظكم الرحمن من كل سوء

[العتيبي 511]

اتقدم بشكري لكم جميعكم ياخواني

وهذا اقل مااستطعت عمله لهذا المنتدى الاكثر من رائع

وعسا الله ان يجمع شمل كل شخص مغترب عن دياره واهله لطلب العلم ..>

ويجمع شمل اخوانك بامك يااختي ..’ ـآميـرـره فـي حيـآآة ـآميري ’..