[من بنات حواء]

http://media.islamway.com/several/160/06.rm

ياغافل الدنيا مسير.....والله يعين اللي يسير

دنيا عجيبة والبلا.....فيها عجيب مستطير

تلعب بعقل اللي هوى.....ويثبت بها الشخص الشطير

ان سانعت لك ياهلا.....تفرح وفيها تستجير

وان عاكست لك ماعلى.....وجهك يكون اللي يثير

عجيب حال اللي بها.....يخدع وهو فيها خبير

عجيب حال اللي بها .....يلعب وهو جاه النذير

الشيب لاح بعارضه.....وشعاد ينفع هالبشير

كم مات فيها وانتهى.....من سيد ماله كثير

جمع بها مال ولا له.....فيه من شخص خشير

وبنى بها قصر اليا.....شافه رفيقه يستحير

وجمع عياله قال يا الله.....نسكن البيت الوثير

ونلبس بدنيانا ترى.....لابد ندخل بالحرير

وفي دخلته للقصر.....جاه الموت ماله من نطير

وبكوا عليه عياله اللي.....كلهم له يستشير

وبكت عليه أم العيال .....وقالت الله يستخير

عساه بالجنه وهو.....ما كان في الدنيا حسير

ضيع حياته في البنا.....والجمع لحطام حقير

واليوم جاه اللي على....كل العباد أمر ومصير

وحزنت عليه أم العيال.....شهور وان زادت يسير

وتزينت من عقبه وصار.....الشعر من عقبه نثير

وجوها خطاطيب وهم.....يبغون منها اللي يصير

وقالت تعالوا مرحبا.....هذا حلال ما يعير

فات العشير ومن بقى.....لا بد يلقى له عشير

وتزوجت عقبه وصار .....القصر للشخص الغرير

عذب عياله كل يوم.....حالهم حال مرير

يبكون فرقى اللي لهم.....كم كان يرأف بهم برير

هذي هي الدنيا تدور.....وحالها حال مثير

يوم يجي فيها فرح.....وآخر يجي فيها عسير

لو شفت فيها اللي جبر.....لا بد يأتيك الكسير

يالله تفرج عن عبادك.....كل هم وما يضير

وترحم ضعيف بينهم.....يمشي على نهج البشير

ويخاف من يوم يجي.....فيه المحاسب والحشير

وصلاة ربي عد ما في.....الجو من طيرا يطير

على النبي اللي يرى.....وجهه بشوش مستنير

رسولنا اللي شافع.....للناس في اليوم الكبير

[من بنات حواء]

المنشد حفيظ بن عجب الدوسري .

[ابو عمران]

جميله الانشوده ....


............. أكرمك الله وهداك لما يحب ويرضى
وجزآك الله خير ........

[من بنات حواء]

حياك الله .. أبو عمران .

واللهم آمين .. وإياكم .

جزاك الله خيراً على المبادرة بالرد .

[@ حنين @]

جزاك الله خير وبارك الله فيك ...........


أختك في الله :

@ حنين @

[من بنات حواء]

اللهم آمين .. وإياك أختي حنين .

أشكرك على الحضور والدعاء .

[من بنات حواء]