[الفنان التشكيلي]

يا مرقب بالصبح ضليت اباديــــك.....ما واحد قبلي خبرته تعــــــــــــــــــلاك
وليت ياذا الدهر ماكثر بلاوـــــيك.....الله يزودنا الســــــــــــــــلامة من اتلاك
ياللي على العربان عمت شكاويك.....وليت يا دهر الخـــــــــــطأ ولّ ما اقواك
واليوم هالكانون غادي شــــــبابيك.....تلعب به الأرياح من كل شـــــــــــــباك
يا مالك اسمع جابتي يوم اوصــيك.....واعرف ترا يا بوك بآمـــــــرك وانهاك
وصية من والد طــــــــــــامع فيك .....تسبق على الساقة لـــــــــــسانك لعلياك
أوصيك بالتقوى عسى الله يهديــك .....لها وتدركها بتوفيق مــــــــــــــــــولاك
الله بحق اجدادك الغر يعطـــــــيك .....رضاه مع كل ما تمــــــــــني من يمناك
احفظ دبشك اللي عن الناس مغنيك .....اللي إلى بان الخـــــــــــــلل فيك يرفاك
واعرف ترا مكه ولاها بناخـــــيك .....ولو تطلبه خمـــــسة دواوين ما أعطاك
اجعل دروب المرجلة من معاليك .....وادراج سيســـــــــــها على العز مرقاك
لا تنسدح عنها وتبغيني اعطـــــيك .....جميع ما يكفـــــــــــــيك ما حصل ذاك
احذر امر ليعات ابيـــــــــــها لتاليك .....ايضا ويرخـــــص عندها قدر ما واك
ادّب ولدك إن كان تـــــبغية يشفيك .....واستســــــــــــعفه من بعد مرباه بالآك
اما سمج استســـــــــمج عند شانيك .....ويفر من فعله صـــــــــديقك وشرواك
وإلا بعد جهله ترا هو بــــــــــياذيك .....لو زعلت امـــــــــــــه لا تخليه يالاك
واحذر تضيع كل من هو ذخــر فيك .....معروفه لا تنســــــــــاه واوفه لعرفاك
ترا الصنايع بين الاجـــــواد تشريك .....إلى طمـــــــــــــعت بركزها لا تعداك
واحذر سرور بغبة البحر يرمــــيك .....ولا عنده فلس من تجزّعك وبكــــــاك
واوف الرجال حقوقها قبل تعنــــيك .....لا تعتمد بالعفو فالحق يقضــــــــــــاك
وهرج النميمه والقفا لا يجي فـــــيك .....وإياك عرض الغافل إياي وإيـــــــاك
تبدي حديث للناس فيه تـــــــــشكيك .....وتهيم عند الناس بالكذب وا شـــــراك
وإذا نويت احذر تعلم بطـــــــــاريك .....كم واحد تبغي به العرف وأغــــــواك
واحذر شماتة صاحب لك مــصافيك .....والى جرالك جاري قلـــــــــــت لولاك
ولا تحسب ان الله قطــــــــوع يخليك .....ولا تفرح ان الله على الخلــــــق بداك
ان اشتهى حط الطــــمع في تواليك .....لومالقيته يافتى الجود يلقـــــــــــــــاك
والضيف قوم لـــــــــــــه حين يلفيك .....مماتنوشه يافتى الجود يمــــــــــــــناك
اكرم قباله فإنهامن شـــــــــــــواذيك .....وابذل له المجهود مادام يــــــــــــعناك
واحذر تلاقي الضيف مقرن علابيك .....خلة محب لك صـــــــــــــديق اذا جاك
واوصيك زلات الصديق إن عثا فيك .....ما زال يغطاها الشعر فاتحــــــمل ذاك
راعه ولو ما شفته أنه يراعيــــــــك .....عساك تكسر نيته عن معــــــــــــــاداك
واحذر عدوك لو بغى بي يصافــيـك .....عود القنا واطعنـــــــــــــــه حينما جاك
لا تامنه فاطلب من الله ينجـــــــــيك .....ويكفيك ربك شـــــــــــــر ذولا وذولاك
شفني أنا يا ابوك بآمرك وانهــــيك .....عن التعرض بين الأثنيـــــــــــــن حذراك
إذا حضرت طلايب مع شرابيــــك .....اسع لهم بالصـــــــــــــــلح واللاش يفداك
ابذل لهم بالطيب ربك ينجــــــــيك .....ولا تجضع الميـــــــــــزان مع ذا ولا ذاك
اما الشهادة ادّها أن دعوا فيــــــــك .....بيّن عمود الدين لا عميت اريـــــــــــــاك
بالك تماشي واحد لك يــــــــــرديك .....طالع بني جنسك وفكر بممشــــــــــــــاك
رابع أصيل في زمانــــــك يشاكيك .....ولا شاف خملاتك عن الناس غطـــــــاك
وأحذرك عن طرد المقفـي حذاريك .....عليك بالمقبل وخل من تعـــــــــــــــــداك
ثم العن الشيطان لـــــــــــيّاه يغويك .....ترا إن تبعته للشرابيـــــــــــــــــــك وداك
واوصيك لا تشـــــكي علينا بلاويك .....انت السبب أخذك عيونك بيمـــــــــــــناك
واعرف ترا اللي وطا الفعر واطيك .....ولا انت اعز من الجماعة هــــــــــذولاك
المسك يا راســي عن الذل واخطيك .....واحذر تكلم يا لساني حــــــــــــــــــذراك
والطف بجــــــــارك ثم قم دون عانيك .....وافطن لما يعنيك عن ربعة اخــــــــــواك
يا ذيب وأن جتك الغــــــــنم في مفاليك .....فاكمن إلى حيث الرعايا تعـــــــــــــــداك
من اول يا ذيـــــــــــــــــب تفرس بياديك .....واليوم جا ذيب عن الفرس عــــــــــــداك
يا ذيب عاهدني واعاهدك ما ارميك .....ما أرميك أنا يا ذيب لو زان مــــــــرماك
والنفس خالف رايها قبل تــــــــــرميك .....ترا لها الشيطان يرمي يرمـــــي بالادراك
ومن بعد ذا لاتصحب الــنذل يعديك .....وعن صحبة الأنذال حـــــــاشاك حاشاك
ترا العشير النذل يخلــــــــــف طواريك .....وانا ارجي ما تجي انك ما تجي دون آباك
والهقوه انك ما تجــــــــي دون اهاليك .....ولا ذكر عود الورد يثمر بتـــــــــــــنباك
والحر مثلك يستحي يصــحب الديك .....وإن صاحبة عاعا معــــــــــاعاة الأدياك
لا تستمع قول الطــــــــــــــرف يوم يلفيك .....بالكذب يقضي حاجتة كل مـــــــــا جاك
من نم لـــــــك نم بك ولا فيه تشكيك .....والاه قد ازرا رفيــــــــــــــــقك وازراك
عندك حكا فينا وعــــــندي حكا فيك .....واصبحت كارهنا وحنا كــــــــــــرهناك
ما اخطاك ما صابك ولو كان راميك .....واللي يصيبك لو تتقيت ما خطـــــــــاك
مير استمع مني عسى الله يهديـــــك .....النصح يا مـــــــــــــــالك لك الله لمولاك
عندي مظنه ما تمثلتها فيـــــــــــــك .....واطلب لك التوفيــــــــق من عند مولاك
تمت
من اطلاعي...
ولمن اراد الاستزاده ((كتاب الشريف بركات للمؤلف أحمد فهد العلي العريفي)).
ودمتم على الخير
اخوكم
الفنان التشكيلي

[صانعة في الحياة]

شكرا لك اخي فنان تشكيلي ..

وجزاك الله خيرا .. اسمك جميل جداً

[الفنان التشكيلي]

المشاركة الأصلية كتبت بواسطة صانعة الحياة شكرا لك اخي فنان تشكيلي .. وجزاك الله خيرا .. اسمك جميل جداً

كل العفو لك اختي صانعة الحياة
وهذا ان دل على رقى ذوقك
ودمتم

[عسـاف]

جزاك الله خير يا اخي الفنان على هذه القصيدة الرائعة والتي تدل على ذوقك الجميل

ويعتبر الشاعر بركات الشريف من رموز الشعر في النصح والارشاد

الله يرحم شاعرنااا ويسكنة فسيح جناته

[بنت الشرقية]

الله يعطيك العافية

ويجزاك بالخير

[الفنان التشكيلي]

حياكم الله

[صيته]

وااااااااااااااااااااااااااااااااااااااااااااااااا اااااااااااااااااااااااااو القصيده مرررررررررررررره رررروعه تسلم فناااان حلوه كثير عجبتني

[شمس نجد]

يعطيك العافيه اخوي

قصيدة رائعه فيها من الحكم والأمثال والعبر الكثير !

تستحق الرفع

[عطاء بن يسار]

السلام عليكم
قصيده رائعه وحكيمه جزاك الله خير ولها تاثير في حياتي حيث كانت والدتي رحمة الله عليها تردد دائما عندما استلم راتبي الشهري وابعثره في الصرف يمين وشمال ترددعلي
احفظ دبشك اللي عن الناس مغنيك .....اللي إلى بان الخـــــــــــــلل فيك يرفاك

[مها]

ما اخطاك ما صابك ولو كان راميك .....واللي يصيبك لو تتقيت ما خطـــــــــاك

رابع اصيل في زمانك يشاكيك ...... و لا شاف خملاتك عن الناس غطاك

قصيدة رائعة وإختيار موفق أخي الفاضل الفنان التشكيلي
رحم الله الشاعر وبارك الله فيك ..