[أبومشاري07]

( بسم الله الرحمن الرحيم )


هذي قصه حقيقة لطالب في احدى الجامعات في الرياض والله العظيم

انني اعرفه شخصيا لم اره في حياتي متكدراو متضايق او مزاجه عكر او مهموم

والله لايدخل عندنا القاعه الا وهو متبسم

ومبسوط ونفسيته والله العظيم لاتقارن بغيرها

والله ليس ملتزم يعني ماهو مطوع ولاهو الي متشدد

ولد طبيعي مثلي مثل اي شاب من شباب الرياض

ولكن معروف عنه مايترك الصلاه ابدا يصليها بوقتها

ومع ذلك هو طبيعي يعني اغاني يطلع يروح يجي

يموت في شي اسمه بالوت هو صديقي مقرب

اعرفه من 17 سنه مع اني اقرب المقربين له ... لكني ماعرفت عن هالشي في حياته ؟؟

واكتشفته لما ركبت معاه السياره ونزل هو يشتري من الماركت فتحت الدرج حق سيارته بطلع شريط بتسمع اغاني

لقيت ظرف وانا طبيعتي ملقوف فتحت الظرف

وهنا صراحه صعقت

اكتشفت انه كافل ثلاث ايتام

وحده عمرها 18ووحده 5 سنين ووحده سنتين

والله اني بكيت سبحان الي يسرله هالعمل الصالح

والله ياناس مو باين عليه ابدا يوم رجع وركب السياره طبعا هو مرح جدا

طلع توكس وصقعه بخشتي قال خذ واستغرب شفيني ساكت

قال شفيك .. قلت ولد انت كافل ايتام؟

هو برطم وسكت شوي وضحك قال امممممم ايه

قلت امانه وشو الي خلاك تسوي عمل عظيم زي كذا

قال والله السبب واحد قريت حديث عن الرسول عليه الصلاه والسلام يقول

(( انا وكافل اليتيم في الجنه كهاتين ))


واشار بيده الرسول صلى الله عليه وسلم بلسبابه والوسطى وفرج بينهما قليلاً

وقال والله العظيم ان اموري كلها ميسره بشكل ملحوظ

ووالله ان ربي ساترني ورب الكعبه ان الفلوس ماتنقصني

وابوي وامي راضين علي واقسم بالله ماقد استصعبت علي حاجه

ونفسيتي مرتاحه وكل شي نفسي فيه عندي والله انتم ماتدرون عني اقسم بلله

اني عايش بيني وبين نفسي حياه ثانيه انتم ماتحسو فيها

ماعندي مشاكل ماعندي شي يزعجني

مهما اوصف ماراح تحسون في الي احس فيه

فقلتله ابي اكفل زيك قال خلاص ورحنا اليوم الثاني المكان اسمه

مؤسسة مكه المكرمه الخيريه

هم لهم كذا فرع بلرياض والسعوديه وفروعهم هي

مكه+المدينه+جده+الطائف+الخرج+الدلم+الافلاج+الدمام+ الاحساء+الخفجي+

حفر الباطن+حائل+الزلفي+القصيم

ورقمهم الموحد الثابت 8001249191

والجوال رجال 920000903

والجوال نساء 920000906



والكفاله للأيتام داخل السعوديه 200 ريال فقط

والكفاله للأيتام خارج السعوديه 100 ريال فقط




اتمنى من الجميع المبادره والله المبلغ جدا زهيد احنا نصرفه في اشياء تافهه

والله صدقتنا هذي تنفعنا يوم القيامه والله ماتدرون لو انهم يحاجون علينا من النار

واذا ماتبي تكفل اتمنى ان تساعدني في نشر القصه لاكبر شريحه ممكنه



( واسال الله ان لايحرمنا الأجر )

[الحسناء الفاتنه]

جزاك الله خير،،،،،،،،،،رائع

[..الطيار..]

السلام عليكم ورحمة الله وبركاته

الله يجزاك خير اخوي ابو مشاري

والله اني توي اعرف ان كفالة اليتيم بلمبلغ البسيط هذا...

وان شاءالله اني راح اقوم بكفاله يتيم........

[أبومشاري07]

استغفر الله العلي العظيم واتوب اليه

[ليتني في عهدك يارسول الله]

جزاك الله خير يااخ ابو مشاري على هذه القصه العظيمه
جعلنا الله ممن يسمعون الحق ويتبعون احسنه
فاانا اوحييك انت وصديقك على هذا العمل الصالح
اسال الله لكم التوفيق والصلاح في الدنيا والاخرة

[لاتنس ذكر الله]

جزاك الله خير
ماشاء الله
كتب اجرك انت وصديقك وكل من سيكفل بعد هالموضوع
وهناك ايضا طرق ميسرة للي مايقدرون على المبلغ
مثل جمعية كلانا لمرضى الكلوي - جمعية انسان

للتوضيح



وهنا للتبرع لجمعية انسان

http://www.ensan.org.sa/home/donate.html


اعذرني على الاضافة

وبالتوفيق للجميع

[أبومشاري07]

استغفر الله العلي العظيم وأتوب اليه

[رونق القلم]

بارك الله فيك

[سموه الاحساس]

شـكــ وبارك الله فيك ـــرا لك ... لك مني أجمل تحية .

جزاك الله خيرا

[بنت المدينـه]

جزاك الله خير