[دفى روحي]

الصمت حكمة قصيده عن الصمت



في الحقيقة هذه القصيدة أول ما قرأتها أعجبتني.. فهي من القصائد التي لها معاني واضحه وهي تتكلم عن الصمت و فوائدة التي تنعكس على المرء بالخير .. و كنت أتمنى أن أعرف قائلها
،، فها هي بين أيديكم ،،

قالوا علامك صـامت وقلت ياناس= كثر الكلام يقل لاجله مقامي
الصمت حكمه والحكي مــصدر إفلاس= ولقيت في صـمـتي يزيد احترامي
الصمت له معنى وله ذوق وإحســـاس= مركب نجاتك في بحـور الظلامي
ترى الرجل صوره من الـراس للساس= ثم يتبين جوهــره بالكلامي
إما نطق في كلمة ترفــع الرأس= تضفي على شكله جــديـد الاسامي
وإلا يعود معدنه مـــعــدن نحاس=يرميه سهمه بـعــد ماكان رامي
لا صار عندك من ثمـيـنات الألماس=خله بـصـدرك لين وقت التمامي
أخاف يطلعلك مـن الناس بلاس=وإلا سـفــيه ما يرد السلامي
الله خلق خلقه على عـدة أجناس=وكلن يسوقه مذهـبه للأمامي
والله خلق بالطير قمري وقرناس=ووقت الهدد ما ينغزي بالحـمـامي
لا جال في صدرك من الهم هوجاس=وعينك يحاربهـا لذيذ المنامي
ونفسك عليله والفكر صار محتاس=اترك طمان القـاع وارق السنامي
عليك بالعالي ليا هب نسـناس=يبري الجروح الخـافيه والعظامي
وخلك لربـعـك دايم الدوم نـبراس=وخص القريب وخص ولد العــمامي
خلك لهم في داجي الليل مقـباس=ولصاحب أصدق من حقوق الغمــامي
ربعك ذراك ليا لحق راســك البـاس=قدم لهم شربك ولو كنت ضـامي
وخلك لثوب الطيب والعز لبـاس=واترك دروبٍ تنتهي بالحرامي
وفعل الجميل وواجب الضيف نومـاس=ومن لا نفع بالضـيق نفعه عدامي
بيت الكريم أبوابه بدون حـراس=وبيت البخيل يـعـد مثل الهدامي
كلٍ بها الدنيا نصيبه بـمقياس=ياخذ نصيبه لوجــفـوه الأنامي

م.ن

[دنياالمحبه]

شـكــ وبارك الله فيك ـــرا لك ... لك مني أجمل تحية .
صدق قائلها فالصمت حكمة

[ريييييم]

يعطيك العافيه

[دفى روحي]

مشكورين ع المرور

[لوليتا%]

احب شي الي الصمت

شـكــ وبارك الله فيك ـــرا لك ... لك مني أجمل تحية .

[زلفاويه 2]

صح لساااااااان قايلهاو لساااااااانك

[دمووع الذكريات]

روعه يعطيك العافيه ابدعت

[مها]

السلام عليكم ورحمة الله وبركاته
قصيدة جميلة ومعبرة عن معانيها جزيتي خيرا .
تم نقل الموضوع للمنتدى المناسب .

[؛؛رونالاااا؛؛]

شـكــ وبارك الله فيك ـــرا لك ... لك مني أجمل تحية .

[رسيل السعودية]

صح لسان راعيها؟؟رائعه