[*ابو عبدالعزيز*]

السلام عليكم
يالله كل وحده تدور على اسمها


ابتسام : رزينه .. و ثقيله .. و خدومه .. بس عقدتها انها شينه.

أمل : طيبة قلب .. و تفكر ألف مره قبل ماتقرر بشي.

أحلام : قوية شخصيه .. ذكيه .. خدومه .. و دايم تحلم و تخطط حق المستقبل وعندها طموح.

أسماء : هاديه و علطول ساكته .. و مخلصه .. بس غامضه.

ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها.

بدور : مثل اسمها حلوه و مزيونه و خجوله .. بس ياويلك منها اذا سويت فيها شي.

بشرى : تحب تثبت نفسها .. ذكيه .. تحب الناس .. غامضه .

بدريه : ثقيله و رزينه .. وكتومه .. يعني اذا قلتلها سر .. تظمن سرك في بير.. بس ثقيلة دم .

بسمه (عرفتوها) : انسانه ذكيه..ودمها خفيف.. شخصيتها قويه .. ماتحب اللف و الدوران .. اذا حست ان في انسان بيغلط عليها .. تلعن سلسفيل اجداده..

تهاني: خفيفة دم و من خفة دمها أحيان تظن انها مرجوجه وخريش.. حذره في تعاملها مع الناس.

*تغريد: طيبه و محبوبه من الجميع .. بس فيها عرق سوداني .. يعني عجازه.

جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش.

حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع .

حصه : قوية شخصيه .. محبوبه .. بس للأسف مالها حظ .. دايم مقروده.

حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل.

حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز .

خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.

خديجه : خدومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر.

دلال : .حلوه و جذابه .. بس مشكلتها انها ضعيفة شخصيه .

ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل.

دانه : أهلها يموتون فيها .. دلوعه .. و حلوه ولسانها طويل تعلقه على كتفها..

رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ولا يدوس لهم على طرف..

روان (ايمن تذكرها) : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها.. خبر خير يعني..

رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران..

ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ..

رنا : حلوه .. حنونه .. و تحب الناس .. اجتماعيه .. واجتماعيتها هاي تسبب لها مشاكل..

رانيا : دلوعه .. ويعتمد عليها .. بس مشكلتها انها ثقيلة دم..

زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.

زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها .

زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها..

سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ.

سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ .

سعاد : شاطره و ذكيه .. بس شرانيه.

ساره : محبوبه .. ذكيه .. طموحه .. عنيده ..و مزعجه.

سلمى (ممثله) : ذكيه .. شخصيتها قويه .. تحب الحريه و التجديد .. لكنها مزعجه.

سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل .

شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه..

شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. (عسكريه ).

شوق : رقيقه.. و تحب تثبت نفسها .. خوافه.

عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.

عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.

عزيزه : مخلصه .. رزينه .. ثقيله .. وثقيلة الدم.

العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها.

فاتن ( اسالو الساحة الادبية) : حلوه .. حبوبه .. ذكيه .. شخصيتها ضعيفه.

فردوس : ذكيه .. طموحه .. شخصيتها قويه.

لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها.

لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها.

ليلى : شخصيه قويه .. ذكيه .. حبوبه . تحب المزاح .. لكنها مزعجه.

منيره : واضحه .. ماتحب اللف و الدوران .. صريحه .. و أم حنون .. بس لسانها طويل.

منال : هاديه .. و حلوه . ودلوعه .. وواثقه من نفسها .. بس انها مغروره .

مريم : طيبه و على نياتها .. عاطفيه .. و مندفعه .. تحب الحش.

منى : هاديه .. و رزينه .. ذكيه .. و تحب المظاهر.

مشاعل : محبوبه .. تحب بناء صداقات .. لكنها غامضه .

نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..

نوف : تحب بناء الصداقات .. تحب المغامرات ... تحب التراث .. لكن يا حبها حق الحش .

نوال (المغنية) : شخصيه قويه .. محبوبه .. و تحب الناس .. مطيعه .. و عنيده.

ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي
.
هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش.

هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..

هيا : محبوبه .. تحب اللي يحبها بس .. مطيعه .. مخلصه .. لكنها عصبيه .

هند : عاطفيه .. ذكيه و شاطره .. اذا حبت شي تحب تمتلكه لحالها .. غيوره

هنادي : شخصيه قويه .. تحب الدلع و المظاهر .. ذكيه .. ومحبوبه من الجميع

وفاء : شاطره و ذكيه .. بس ياويل اللي هي تحط عينها عليه.

ياسمين : قلبها طيب .. خدومه .. مزيونه .. لكنها متهوره.

يسرى (ممثله) : شخصيه قويه .. تحب تثبت ذاتها .. و تحب المظاهر...


هناء : على نياتها .. تتصرف حسب مايملي عليها عاطفتها .. بدون تفكير .. ذكيه

[صانعة في الحياة]

شكرا لك اخي الكريم ابو عبد العزيز وجزاك الله خيرا ولكن لم اجد اسمي ..!!! ليش مزاعلينه ..

بس بصراحة جميل جدا وموضع رائع وطبقته على اخواتي 90% منه صح مشكور وجزاك الله خيرا

[**هيفاء**]

جزاك الله خير اخوي ابو عبد العزيز.....سبحان الله كل الي اعرفهم شخصياتهم نفس الي كتبته هههه...!!!!
الله يعطيك العافيه اخوي ،،،،،،، ;)

[@ حنين @]

أخي الفاضل ...........

جزاك الله خير وبارك الله فيك ..........

أختك بالله :

@ حنين @

[محبة الرحمن]

موضوع رائع اخي عبدالعزيز ولكن اين اسمي هل سقط سهوا ؟؟

جزاك الله خيرا اخي الفاضل ،،

[ام غنيم]

:) فعلا سبحــــــــان الله

طلعت نفس الشخصيه .. العلم بحر

تسلم اخوي على نقلك
دمت في حفظ الله

[نهى7]

أمر عجيب أن يحللوا شخصيتي بدون أن آتيهم بأي معلومة عني غير اسمي ...

والتحليل صحيح تقريباًَ..
حقاً أمر عجيب!!!

وحقاً طرح من الذوق الرفيع قريب!!


مشكور أخي!!

~*~*~

ابنة يوليو

[لولو درة فلسطين]

اخي ابو عبد العزيييييييييييييييز اخي انا لقيت اسمي والله صح مثل ما هو مكتوب
جزاك الله خيرا
طيب
ما في معاني اسماء الاولاد حسب كتاب علم النفس ؟؟؟؟؟؟؟؟؟؟؟؟

اختك في الله
لولو درة فلسطين

[سعود ابو فيصل]

جزاك الله خير
موضوعك رائع
وسبحان الله اسم " نوره " نفس شخصيه ابنتي
حفظك الله ورعاك

[*ابو عبدالعزيز*]

شكرااا اخواني احرجتوني والله