[°o.O هدوءأنثى O.o°]

أي والله أهوجس ولانيـب مرتـاح ..
. . . . . . . . . . والحزن في حوش الحنايا بفـاروع ..!!





أمسيت من وصل المواليـف مـزّاح ..
. . . . . . . . . . وأصبحت من فرقى المواليف مفجوع ..!!



البارحه في غبّـة الوصـل سبّـاح ..
. . . . . . . . . . واليوم من عرش المواصيل مخلـوع ..!!



يا صاحبي صرح الهوى والوفى طاح ..
. . . . . . . . . . والقلب كنّه من عراويـه مقشـوع ..!!



كنت أحسب ان لحبّنا عشـرة ارواح ..
. . . . . . . . . . الين شفت الحبـل بيـديّ مقطـوع ..!!



يوم العهد به حـدّه اسبـوع لا راح ..
. . . . . . . . . . اسبوع ويعوّد علي شـوق ودمـوع ..!!



واليوم خمس سنين والهم مـا زاح ..
. . . . . . . . . . هم الفراق اللي بلا عـذر مشـروع ..!!



استغفر الله تسعة شهور يـا صـاح ..
. . . . . . . . . . في غيبتك قمت احسب اليوم باسبوع ..!!..



ضاع الحساب وشفت برق الجفا لاح ..
. . . . . . . . . . وأيّست لولا ان الرجاء فيّ مـزروع ..!!



العام خلّي يسمـع القلـب لا صـاح ..
. . . . . . . . . . واليوم مهما صاح ماهوب مسمـوع ..!!



وحالي نحل والحال ماهوب منسـاح ..
. . . . . . . . . من كثر ما اضمى للمواصيل وآجوع ..!!



بليت في من دونـه سيـوف ورمـاح ..
. . . . . . . . . . وغدا علي وصله مثل حبّـة الكـوع ..!!



له منّي ان سرّه على الناس ما باح ..


. . . . . . . . . . ولي منّه ان الصد غصب بلا طـوع ..!!


الشاعر محمد بن فطيس المري...

[ضيم السنين 2012]

شـكــ وبارك الله فيك ـــرا لك ... لك مني أجمل تحية .

[النصوح]

اختيار موفق لشاعري المفضل،،،،،
شكرا على الاختيار الرائع

[°o.O هدوءأنثى O.o°]

ضيم السنين
النصوح
مروركم شرف لي
ربي يسعدكم يالغلا

[ضاعت أحلامي]

أمسيت من وصل المواليـف مـزّاح ..
. . . . . . . . . . وأصبحت من فرقى المواليف مفجوع ..!!








اختيار رااائع وذوق راقي

تسلمين اختي وفي انتظار جديد نقولاتك الرائعه

[يكفيني غلاهـ]

لاهنت فديتك
وصح لساااانك راقت لي يالغلا
ك كل الود..|

[اووف]

مبدع ابن فطيس والرائع من ينشر له .......

[°o.O هدوءأنثى O.o°]

اسعدني مروركم جميعآ
لاحرمت اطلالتكم الرائعه

[غلا سبيع]

صح لسان بن فطيس اشهد انه شاعر من جد

يسلموو ع الاختيار

[ليت حزني دمع عيني]

الله يعطيك العافيه..