[معطأةالخير]

السلام عليكم ورحمة الله وبركاته

من زمان مادخلت منتدى قلت اليوم خليني ادخل واكتب موضوع واستشيركم ممكن تساعدوني ،،، واسفه ممكن مايكون مكانه مناسب بس قلت احط هنا وطالبه مساعده

خطبني شخص عمره 29سنه اكبرمني ب5سنوات وهوعنده شهاده جامعيه ومدرس بس المشكله ان هو في مدينه او انا في دمام وخايفه من غربه صعبه وانا من نوع الخوافه موعارفه اوفق ولالا مشكله اهلي في دمام واهلهمع اعرفها وانا موعلى طول اتقلم مع احد لاني مواجتماعيه وش الحل تكفون..


وابي اقول شي بس ماتعصبون علي انا سبحان الله مااراتاح لمدينه رسول صلى الله عليه وسلم وفيها حرم مادري ليه ارفض رجال ولا اوقف وترى اول مره تصير خطبه رسيمه دائما بس كلام وخايفه مره لاتلموني ابي ردودكم تكون زينه موقاسيه لاتشليون هم فوق هم تكفون وصلاة الأستخاره مااقدر لان معذوره وش رأيكم انتظر لما اخلص ولا ارفض مره خايفه موعارفه اتصرف ..




انتظر الردود الزينه وبسرعه ضروري

























مع سلامه

[معطأةالخير]

استفغرالله واتوب اليه

[السمو الروحي]

وعليكـِ السلام ورحمة اللّهـ وبركاتهـ

إذا كان صاحب دين وخُلق فــ لماذا ترفضيهـ , حتى وإن كنتِ غير إجتماعيهـ فــ مع مرور الوقت تتأقلمي معهـ ومع أهلهـ , والنبي عليهـ الصلاة والسلام دعا لمن يسكن بالمدينهـ وقال من إستطاع أن يموت فيها فــ ليفعل فإنني أشفع لمن مات فيها , إن كان المتقدّم ذا خُلق وأمانهـ فــ إستخيري اللّهـ و وافقي , فإننّي وربما نظرتي قاصرهـ ولكن أرى أنهـ خير ساقهـ اللّهـ اليكـِ ولكن بـ شرط معرفتهـ وأهلهـ .

[معطأةالخير]

اولا شكرا



وبنسبة لرجال هو جاي عند طريق زوج اختي ويمدحون الولد واهله انهم ناس زين بس عن الدين لسه ماسألنا لحد ماانا اوقف بس محتاره

اما عن مدينه ماادري ليه ماارتاح لو هو على الأقل كان شغله في دمام كان زين ممكن اوافق دعواتكم لي

[السمو الروحي]

وفقكـِ اللّهـ لـكل خير عزيزتي فــ حقكـِ علي الدعاء لكـِ

دمتِ بـ خير ~

[معطأةالخير]

شكرا


الله يوفق الجميع

[معطأةالخير]

رفع


رفع

رفع
رفع

[معطأةالخير]

معقوله رد واحد!!!!!!!!



وين الباقي؟؟؟

[احلام ذهبيه]

سلام
حبيت ارد واشاركك
انتظري وادعي ربك وبعدها استخيري ربك وان شاء الله ربي بيسر لك اللي فيه الخير وان كان الرجل طيب وعسل وعنده خلق ودين فوافقي من دون تردد اما مشكله المدينه فأنا يمكن مثلك بس من شان الذنب يكون فيها مضااعف بس نصيحه لا تخلين اسباب وهميه(عدم حبك للمدينه) تضيعك مايدريك وش بيصير لكم بعد الزواج ووين بتعيشون
الله يوفقك واذا وافقتي لاتنسيني اعزمينا ههههههههههه

[معطأةالخير]

المشاركة الأصلية كتبت بواسطة احلام ذهبيه سلام حبيت ارد واشاركك انتظري وادعي ربك وبعدها استخيري ربك وان شاء الله ربي بيسر لك اللي فيه الخير وان كان الرجل طيب وعسل وعنده خلق ودين فوافقي من دون تردد اما مشكله المدينه فأنا يمكن مثلك بس من شان الذنب يكون فيها مضااعف بس نصيحه لا تخلين اسباب وهميه(عدم حبك للمدينه) تضيعك مايدريك وش بيصير لكم بعد الزواج ووين بتعيشون الله يوفقك واذا وافقتي لاتنسيني اعزمينا ههههههههههه

اولا شكرا

ثانيا الحمدلله صليت الأستخاره مره وحسيت بعد صلاة بعدم ارتياح ماادري اصلي مره ثانيه اقسم بالله رأسي يبنفجر من تفكير غير كذا انا حاطه في بالي ان اخذ رجال يكون قريب من اهلي امي حرمه كبيره في سن وماتقدر على سفر ممكن المكان حلو بس سبحان الله ماراتحت ولايهمك انت اول معزومين على عرسي ههههههههه