[ام فهودي]

مرحبا جميعا انا اكتب لكم الموضوع وقلبى متقطع من الالم وضاق صدري حيل مصدومه مقهوره مجروحه ... بقولكم السالفه ... انا كان جوال يزعجني مره وضايقني رحت سويت تحويل لجوال زوجي في حالة انشغال الخط عشان يرد عليه ويتفاهم معاه ..المهم السالفه قديمه.. ونسيت اني مسويه تحويل .. المهم مره كنت في الجامعه جالسه مع صديقتي وكان تقول لي اني اتصل فيك يرد علي رجال .. واننه رجع اتصل علي ومارديت .. انا قلت وريني الرقم إلا يطلع رقم زوجي ..كان اقول يوه نسيت اني مسويه تحويل وانا عطيتها مشغول بالغلط ... المهم قلت لعا عادي حصل خير بس امسحي الرقم تكفين .. قالت اكيد بمسحه يعني بخزنه ...واعطتني الجوال وقال امسحيه بنفسك وفعلن مسحته .. وقلت لها لاتزعلين بس انصدمت بوحده من صدبقاتي لاقيتها تكلم زوجي .. وقعدت اسولف لها وش صار .. وعادي جلسنا مع بعض وقعدنا نسولف .. مافيه شي كلش طبيعي والسالفه صارت السبت الماضي ... المهم وافتح إيميلي الحي وإلا انصدم برساله مرسلتها لي صديقتي ابيكم تحكمون هل انا غلاطانه وكيف اصلح الموقف ...وتعطوني حل بس ارجوكم تفاعلو معي هذا اروع واعز صديقه عرفته ماودي اخسره ابد .. اتركم مع الرساله..

السلام عليكم ..

مساءك رضى من رب العالمين ..

يمكن تستغربين من رسالتي او تقولين وش جابها هذي
ماهان علي اشطب اسمك كذا بدون سبب ..
بس أقلها أسير وافيه معاه لاخر شيء واعلمه وش السبب ..
مو بلووك كذا .. بعد ماكنت اسهر عشانها ..!

ولا توقعت يجي يوم وتشكين فيني ..
مانرمي اغلاطنا على الناس ..
اذا بينك وبينه مشاكل لاتظلمين احد .. والله والله ليجييك يوم بتحسين بحراره اللي بجوفي ..
ماكتبت لجل نرجع مثل قبل .. ولا لجل تقدميني لي اعتذار .. ولايهمني ابدا انك تحذفيني ماطاح من صدري اخف لضلوعي ..
جيت اوضحك السبب وان الله على كل ظالم ودعوته مابينها وبين ربي حجاب ..
انا لو نيتي خبيثه
ليه اجي انصحك تبقين معه !
انا لو نيتي خبيثه ..
مارحت اسأل امي واقولها عنك
حسيت انفسنا اغبيااء اننا نساعد احد ونهتم منه ..
هذا اخر الزمان خيرا تعمل شرا تلقى ..
انا لو نيتي خبيثه
ليه أجي اوريك الرقم وأسألك اذا تعرفينه او لا !
انا لو نيتي خبيثه
كان سكتت وخزنت الرقم ..
أنا لو نيتي خبيثه
كان ماعطيتك اياه تمسحينه بنفسك ..
انا لو نيتي خبيثه
ليه اناديك واقولك تعالي اول يوم مو ضارني شيء انا كلها طبع جدول واتوكل ..
مابي اتحسف على كل خير سويته بس الظلم ظلماات يوم القيامه ..
لو نيتي خبيثه
ماجلست ادعيلك في الحرم ..
كنت اقدر اتكلم حزتها واعصب وازعل ..
يمكن الصدمه شلت لساني آخر شيء اتوقعه يجي منك انتي بالذات !


لو انك تصلحين بيتك وحياتك ما اضطريتي تشكيّن بخلق الله ..
الشك سببه انتي لو انك عارفه انه راضي عنك مستحيل يشوف غيرك ..
لو انك تهتمين باغراضك ما اضطرت صديقتك تسرق الرقم من جوالك ..
لو انك تخافين الله ما قعدتي تحكين في الرجال عند الكل ..
لو انك تخافين الله صدق ماقعدتي ترمين اخطائك على الناس .. اصلحي نفسك قبل ماتصلحين الناس ..
لاتخلين الناس تروح وتموت وهي باقي ماحللتك ..

ما اقول الا حسبي الله ونعم الوكييل ..
حسبي الله ونعم الوكييل ..
حسبي الله ونعم الوكيل ~

[كيف احزن وانت ربي؟]

حبيبتي
انتي اعتذري منها شخصيا مو بأيميل.. صديقتك حساسه ومبين عليها بنت حلال وتخاف الله
ونصيحه اخويه
اللي بينك وبين زوجك لايطلع لاحد ابد
واستري عليه وعلى غلطاته وانتبهي لبيتك وزوجك
والله يوفقكم.

[تانا]

اختي قبل ماتقولين اي كلمه مع صديقتك او اي احد شوفي كلمتك مناسبه لائيقه
لان مرات الواحد يتكلم من غير مايفهم وش يقول ويجرح من غير مايحس
بهذه الطريقه ممكن يخسر ناس تحبه وتعزه وتتمنى له الخير

كوني حريصه على كل كلمة تطلع لازم تعرفين وش بتقولي
انا شخصيا تاذيت من هذا النوع صديقه مدري صديقه او عدوه تصرفاتها متناقضه
والسبب كلامها الجارح وهذا السبب خلاني اتمنى تبعد عني وفرحت بفراقها وهى تظن العكس
لان لم اناقشها ابدا ولا اريد مناقشتها ابي فرقها والحمد لله حصل وبعدت عنا

[ام عبودولمو]

انا من رأيي ماورى الصديقات الاعماة العين

الصديقه والزوج مثل النار اذا قربتي عنده بنزين

والله انها نصيحه لك من كل قلبي اكتبها

ولاتقولون فيه صديقات يخافون ربهم بس الشيطان شاطر

يعلب على عقلها وعقله انا اقوول اخسري صديقتك

ولاتخسرين زوجك اللي هو حاظرك ومستقبلك

ومهما كان الصداقه يجيها يوم وتنتهي حتى لو دامت عشرين

سنه مصير تنتهي اما الزوج اذا راح راح ما عاد يجيبه شي

واذا جاء صار زي الكسر في قلبك منه ماله جبر ابد ابد ابد

الله يستر عليك وعلى بنات المسلمين ويخليك زوجك

[بلاتين]

الله يهديك بصراحة الموقف مايترقع ,, حبيبتي المشكلة مو أنك شاكه فيها وهي أعز صديقاتك المشكله وصلتي لها عدة مسجات وأنا متاكدة أنك ماتقصدين ...منها شككتي بأخلاقها وأنها ممكن تكلم رجال ومنها أنها ممكن تتزوج زوجك (( خطافة رجالة وأنها ماتزوجت)) ,, وردة فعلها يدل على طيب قلبها لو وحدة مكانها كان أرسلت لك كلام سيء ولا عصبت عليك في لحظتها ,, إذا قدرتي ترجعين المياه لمجاريها (( مع إني ما اعتقد )) يكون أفضل حرام تخسري صداقتها (( مثل معدنها ماتلاقي في هالزمن)),,

[ام فهودي]

ابشركم الحمدلله حليت المشكله امس في الجامعه ...لما شفتها سلمت عليها وضميتها بقوه واخذت تبكي ..وحاولت احل الموضوع صحيح عندت شوي ...بس لينت راسه باالكلام الطيب ,,, والله يبعد عنا المشاكل اجميعين ويجزاكم خير على التفاعل معي ماقصرتوا..