[haneen2006]

بسم الله الرحمن الرحيم

السلام عليكم ورحمة الله وبركاته
ابي الفزعه يا حلوات
السنه هذي في العيد حنا مسؤؤلين عن الترفيه والمسابقات للضيوف
علما اننا نجتمع في استراحه مليااااااااااانه بنات وحريم في جميع المقاااااااااسات وبصراحه حيرانه وش اسوي وش احط
ودي باشياء جديده وممتعه وغريبه
ابي يصير العيد غير ما ينسى
فياليت الي عندها فكره تسعدني بها
والله يكتب اجركم ويتقبل صيامكم وطاعتكم

[ـ’اللولو’ـ]

اهلين حنييييييييييين وش لونك كل عااام وأنت بخييييييير
شوفي:
بالنسبة للبنات من عمر 8إال10 جيبي جريدتين صفحااااااتها كثيرة
وخلي صفحاااااتها بدون ترتيب وعطي كل وحدة جريدة ترتبها من الصفحة الأولى للأخييييييرة وطبعا اللي تخلص الأولى هي الفايزة

بالنسبة للكباااااار تتذكرين لعبة حرووووف اللي كان يقدمها ماجد الشبل على القناة الأولى؟؟؟
موجووود زيها تحطين فريقين وكل فريق معه جرس وأنت تسألين
يوووووووه هذي جو ثاااااني حماسبة بشكل موطبيعي

إحنا عائلتنا كبييييييرة أعتمدنا مسايقة سنوية في رمضاااااااان نعطي لكل عاااائلة كتيب وشريط ديني وأسئلة في مطوية أجوبتها من محتوى الكتيب والشريط وكل عائلة يجاوب أفراد أسرتها على الأسئلة ويضعها في ظرف ويسجل عليها اسمه وفي وقت محدد لتسليم الإجابات ويووووووم العيد يبدأ السحب على الجوائز
يوووووووووووه كانت شي خااااالتي فازت بالمركز الأول وهي صغيرة جدا عمرها 5سنوات وأبوي طلع في السحب وأخوي كذلك هالمسابقة عطت لرمضاااان والعيد جووووووووو


بفكر لك بعد وأرجع لك

[Nesma32]

الله يوفقكم ويسعدكم

سوف اضع لك بعض الافكار وانا على عجاله

(( بنت صغيرة تلبسونها اكسسوارات واشياءات تدخلونها تقعد 20 ثانية
ثم تطلعونها ثم تسوون فيها شي مثلاً تشيلون ربطتها او تشيلون شنطتها
وتدخلونها تقولون:وش اللي تغير واللي تعرف تفوز )


تقرأين عدة كلمات متشابهه وبسرعه والفائزة من تكتب اكبر عدد من الكلمات

[سارـه]

اتمنى افادوك العضوات