[نهى3]

بنات احس انكم مثل اخوتي ودي اشكي لكم يمكن القى احد يجبر بخاطري ويهون علي دائم امي تقولي وراى ماتنمين افكارك وتقرين كثرين قلت يمكن تبيني استفيد وسمعتها مره بلملحق تقول لبوي بنتك تفشلني باسلوبها عند الناس كنها تصرفات وحده عمرها عشر تصور و تقول عني كذا وحسيت بغصه بحلقي وكرهت امي ذاك اليوم واحس بعد كلامها اني استحي من الناس ومعاد اسولف زي قبل احس عقدتني ومره وانا اسولف قالت خالتي خلاص اسكتي اشغلتي المره وزعلت جارتنا قالت ليه تسكتينها قالت خالتي وش اسوي اخاف تبدع عليكم والله كرهت كل شي و صرت بس بغرفتي على النت لان المنتديات هي الي القى فيها ناس يحترموني ويقدرون كلامي خصوصا ها المنتدى ؟ وش الحل مع اهلي الي يسفهون بي ؟واعتذر كاني طفشتكم بمشاكلي .

[شوق وكلي ذوق 59]

يابعدي انتي الله يهديهن

معليك من كلامهن طنشي لاتاخذين ع خاطرك مهما كان هاذي امك

[محبة خالقها]

حبيبتي ماعليه طولي بالج بس لا تخلين الشي يأثر عليج
لانج مثل حالتي لما كنت صغيره كنت اجتماعيه واحب اسولف بس امي كانت تقول لي عيب وحتى جدتي ولما كبرت الحين صرت انطوائيه خاصة لما اكون مع اهلي والحين امي تعاتبني انتي اشحقه ماتسولفين مع الناس وتصيرين اجتماعيه
بس انا مع صديقاتي وفي الجامعه الحمدالله لي شعبيه واجتماعيه حيل
اتوقع انه كلامهم قبل اثر علي نفسيا
بس انتي خليج زي مانتي لاتتغيرين بعدين تصيرين انطوائيه ويلومونج بعد رضا الناس غاية لاتدرك

[الزاهرة]

أختي الحبيبة
أي أم تتمنى أن ترى ابنتها أفضل البنات خصوصا الأدب والاحترام ليس شرطا أن يكون هناك قصورا لديك لكنها تحب إفادتك أكثر وتأخذين خبرة أكثر في كيفية التعامل مع الناس بدون أن يؤثر ذلك على شخصيتك الاجتماعية
مثلا في بعض المجتمعات غير محبب من الفتاة أن تأخذ وتعطي مع النساء اللاتي يكبرنها كثيرا مهما كان قرب المرأة منك ...
ومثلا بعض الفتيات تستخدم ألفاظ غير مناسبة في الحديث مع الناس مثلا تتحدث عن نفسها أو عن أهلها وتخبرهم بتفاصيل حياتها أو تأتي بنكت وطرائف وتكثر منها بين الناس وتتبعها بضحكات عالية أو لاتستطيع ضبط لسانها في الصغيرة والكبيرة .. وتعلق على أي شيء ..
فقد يكون لوالدتك أمر تريدك أن تنتبهي له فما المانع من أن تسأليها عن التصرفات التي لاترغبها ..
فهذا الأمر مهم بالنسبة لك لأنك ستستفيدين منها إن شاء الله في حياتك المستقبلية
وماسمعتيه من والدتك أفضل من أن تسمعيه من الناس لذلك حاولي أن تتعرفي على الأمور التي دفعت والدتك لنصيحتك ..

[Nesma32]

ماشاء الله كلامك جميل اختي الزاهرة

بالفعل تحدثي مع امك بهدوء واعرفي السبب

كذلك ممكن ان تسألي اشخاص تثقين بهم واطلبي ان لايجاملوك واساليهم عن سلبياتك بشرط ان لاتزعلي منهم و عدليها

كذلك اساليهم عن ايجابياتك وطوريها

[نهى3]

كل خواتي الي داخلاوني شوق وكلي ذوق,ومحبة خالقها وانمار كلامكم على راسي بس كلام اختي الزاهرة بكاني يمكن اكون فهمت امي غلط بس صديقيني يالزاهرة انا ماتلقف مع الحريم ولا اعلق بس اشاركهم بسواليف الي احس اني أقدر اخذ وتجاوب معهم فيها ولا تراني استحي. بس هي قاسية وتوجهني باستهزاء وتقول انتي عوبا ولسانك طويل وانا والله موب كذا ودائم انا الي ارحمها واساعدها من بدت خواتي ولا تقدر حتى والله ايديني صاير فيها اكزيما من الشغل ولاني مرضيتها تقول انتي لازم تتعلمين الاصول والاتكيت والتعامل مع الناس والله لوي بهيمة عاد موب لها الدرجه بس الله ينصرني واشكر كم من كل قلبي وخصوصا الزاهرة ياليتك اختي كان انا بخير.

[شوق وكلي ذوق 59]

يابعدي انتي مقصرتي سويتي اللي عليك

وربي راح يعوووضك

[اقحوان]

السلام عليكم ورحمة الله وبركاته

حبيبتي نهى .. لان مشكلتك تتركز على طريقة كلامك وشكلك بين الناس وخصوصا بين اللي هم اكبر منك بتمين تلاحظين أدق التفاصيل وبتحسين ان أي كلمه جارحه او نصيحه قاسيه موجهه لك انتي ..
اول شي حطي فبالك ان مافي ام ما تحب الزين لبنتها .. والله رزقك بأم اسلوبها ما يجي على هواك .. بس ابيك تلاحظين نفسك وتجاوبين بصراحه .. انتي شلون تصرفاتك مع امك ؟؟ .. يعني شلون تعابير وجهك وانتي تكلمينها او تردين عليها ؟؟ .. أكيد شكلك وانتي واقفه او قاعده معاها هو اللي مأثر على اسلوبها معاك وهو اللي خلاك تسمعين اللي سمعتيه منها وهي تكلم ابوك ...
انتي تحاولين تبتسمين لها وانتي ماره جنبها او لما تقبلين عليها وهي قاعده بين خواتك ؟؟
حتى لو كنتي تعبانه من شغل البيت ما يمنع انك تخففين عنها وعن نفسك بابتسامه ..
ياربي والله ان الابتسامه تهد جبال وتمحي اي غضب او حزن في القلب ..
حبيبتي نهى انتي غيري اسلوبك مع امك وحتى مع خواتك وان شاء الله على ضمانتي بتشوفين اللي يسرك
و اما سالفة قعدتك وسوالفك مع الناس هذي بتنحل لما تتغير نفسيتك وتتحسن علاقتك مع امك ..
ابتسمي لها متى ما تلاقت عينك بعينها .. واذا قدرتي اشتري لها أي شي تحبه للمطبخ مو الا هديه خاصه فيها
وربي اني متفاءله خير ... طمنيني على تطوراتك

[نهى3]

طيب اقحوان انا بشرب ابتسم في وجه امي وعاملها زين لاني اعصب عليها من كود الشغل عي وخواتي مايساعدوني ولا عمرها قالت ساعدو اختك معتبريني حمار مكده وانتم الكرامه صدقيني اقحوان انا احب امي ودي ترضى علي بس شغل البيت والطفش من الحياة خلاني عصبية شوي والله ودي اعرس وارتاح يارررررب حققلي ها الامنية ابغى افتك من ها التعب .

[isra86]

السلام عليكم ورحمة الله وبركاته
شوفي اختي نهى امي نفس الحالة تقريبا بس مكان كرب العمل علي كان على اختي الكبيرة وكانت دائما تحكي عليها وكل ماسوي شي ميعجبها وكانت تشتغل كثير ولو رات امي شي بسيط مو مرتب او مش مكانه صيحت عليها حتى مرة رادت اختي تنتحر من كثر مو امي اصيح عليها...هذا الكلام قبل اكثر من 8 سنين وكبرنا وازوجت اختي وازوجت وصارت هاي الاخت اكثر الاخوات الي امي تشتاقلها وتهتم بيها وتخابر عليها وتروح عليها وتشتريها ملابس وحاجات الها ولاطفالها واكثر وحدة اتفكر فيها امي وتشغل بالها عليها.......صدقي هاي قلب الام اتحب بنتها وتريدها اتكون احسن وحدة وتفتخر بيها ...بس بعض الاحيان امهاتنا ميعرفون ايعبرون علي ابداخلهم تجاهنا بالحب بس لان البيت وامور البيت ومشاغل الحياة وصعوبتها اتخليهم ميصرفون صح ويانا وكلها بالصايح و ياثر ضغط الحياة واعباءها على نفسيتهم ويريدون من ايشيل عنهم الهم ....صدقي هسة من تزوجين ويصير عندك اطفال حتسين ابامك وليش كانت تصرف بهذه الطريقة وترة بدون قصد هيه اشوف انو تصرفاتها عادية كلش....بس نصيحتي الج انك انتي تتقربين منها ودائما تبتسمن بوجها وسولفين معاها واطلبي النصيحة منها....واهديلها هدية ترة قيمة الهدية كبيرة جدا عند الوالدة ...يعني لو اشتريتيلها هديه وانطيتيها لوالدتك واتقوليلها يا ماما يا حبيبتي اني احبك حيل وانتي احلى ام ابحياتي ..صدقي حشوفين الدمعة ابعينها من الفرح وتتغير الامور....ومع الدعاء لها ولك وكوني على يقين ماكو قلب احن عليكي من امك لا منتدى ولا اصدقاء مثل الام....والايام راح تقولك هذا الكلام....وكلامي من تجربتي