[7ăŁмђ]

ما ادري من وين ابدا وكيف آنتهي ، ولآ اعرف إذا كان هذا القسم المنآسب آو لآ ، بنآت لآ آحد يحذف موضوعي وربي آول مره اتكلم عن معاناتي

بنآت انا انســآنه (( حســـآسه <~ قد سمعتوآ آحد يبكي لآنه حسآس ؟!! هذآ آنآ قلبي مسبب لي المشاكل والمتاعب طيب انا وش ذنبي إذا ربي خلق لي مثل قلبي )) ، مآ اتكلم لاحد عن الشي اللي مضايقني كتومه

بالحيل نآس كثيــــــر تجرحني وآسكت ، مآ آحد يدري وش اللي في قلبي ، انآ طبعي كذآ ما احب اشكي ما احب احد يشوفني ضعيفه ولما اشكي له يرحمني ما ابي كذآ ، وعلى

العكس تمآمآ كل البشريه اللي تعرفني تجي تشكي لي ، وفي النهايه آسمع من اللي آول مره آجلس معهم ( سآمحيني مدري شلون تكلمت وغثيتك بمشآكلي ) سبحآن الله آسمع لنآس كثير بس

مآ آحد يسمع لي ، يمكن لآني آصلآ مآ آعطيت آحد فرصه آنه يسمع لي مدري ، أقسم بالله يابنات اللي يشوفني في الجامعه يقول هذي آلهم مايطرق قلبه ، وطبعآ على العكس تمآمآ ، مشكلتي آلآسآسيه

تتمركز في آلبيت ، بنآت آنآ آعيش في حرمآن مآيعلم فيه الا اللي فطر السماء والآرض آبوي من العصر الجاهلي تحكمه العادات والتقاليد وفوق كذآ شايل شي آسمه ( حرمه ) من قاموسه ، كل شي ممنوع

طول وقتي في البيت تمر شهور شهر ورى شهر وانا من الجامعه للبيت ومن البيت للجامعه ، تحسبون آحد يجينا نروح لآحد آبدآ ، آبوي مقاطع عماني ومايحب اخوآلي ، جمآعتنآ مآ آعرفهم ، وحتى لو رآحت آمي

لخالآتي مآيخليني آنآ وآختي نروح معها ونفس الحال مع الجيران مايخلينا نروح معها ، هالعطله قالت له امي بروح لآمي قال روحي الطريق قدامك بس البنات مافيه ، وليته يبيني انا واختي لا راحت امي نجلس معه

في البيت لا يقول يرحون يجلسون عند واحد من اخوآنهم طيب ليه !! لآيرحم ولا يخلي رحمة الله تنزل ، آمنيتي آني اسافر مع آمي لجداني اشوف اخواتي واخوالي ، اشوف بناتهم آتمنى آجلس مع بنات مثلي

من اقاربنا ، ليه طيب ذآ الحرمان ..!! مآ يكفي آن عمري وحيآتي مآحسيت بطعم آلآبوه تجاه ، شلون آحس فيهآ وانا من جنس الحريم ، آلمشكله مآفي في البيت آلآ آنآ وآختي وضايق منا ، آنا الوحيده من آخواتي

اللي دآخله آلجآمعه لآني آحب درآستي حيل وكل امالي وطموحآتي معلقتهآ على هآلدرآسه ، وهو اللي يوديني ويجيبني لانه مايبيني اروح مع باص او وحده من صديقاتي

اقسم بالله يابنات ان السمستر اللي رآح آنزل من آلسيآره وعيوني تبورق بالدموع وارجع للبيت ونفس الحآل من كلآمه
آلسم طول الطريق الله يكفينا شر درآستك يابنت الناس ذبحتينا بهالجامعه ،

انتبه من الحريم الحريم شر ، ماتجي مصيبه آلا وورآهآ حرمه ، الله يحرقهم ،ودآيم مايجرحني لمآ يقول : ( متى يجي اليوم اللي مايبقى عندي ولآ شعره ) يقصدني آنآ وآختي !!!

بنات وش شعوركم لمآ تحسين آنك شي غير مرغوب فيه بالبيت وعمود هالبيت يبي فرقاك آليوم قبل بكره ، اترك لكم آلتخيل وعلى هآلحال يجلس يدعي ، وآنآ سآكته ما اقول شي ، كرهت طريق آلجامعه واشاراته ومحلاته

سآعات كنت آفكر افتح بآب السياره وآرمي نفسي من الضغط آلنفسي ( آحسآس قآتل لمآ تحس آن وجودك على هآلآرض عآر ) ونفس آلحآل مع آختي الصغيره اللي خلصت الثانوي ودخلت دار تحفيظ القرآن ،

حفظت آربعة آجزآء ، تحسبون انه حمد ربي على هالنعمه لا ، على نهاية هالترم قالهآ ( ترى السنه الجايه مافيه تحفيظ لو تنطين للسماء وتهوين ) ، لآ تعليق هنآ

آخوآني كل وآحد ملتهي بنفسه وعياله واخر اخر اخر اخر اخر اخر شي يفكرون فيه هو انا واختي ، مآ آعرف من الاخوه آلآ اسمهآ ، مرت علي ستة شهور كآنت آتعس آيآم حيآتي ومازآلت إلى الآن ، مصايب تنصب فوق رآسي

مدري ليش تصير لي ، ودايم آسأل ربي يآرب ليش يصير لي هالشي ، رغم كذا دايم كنت اشجع نفسي والله العظيم اللي يفتح دفتر محاظراتي يلقى كلمات

آشتدي آزمه تنفرجي ، إن مع العسري يسرى ، ماتضيق آلآ وتفرج متكرره كثير ، دآيم آحآول انسى الحرمان آللي آنآ فيه واشوف الحياه بتفاؤال ، دآيم آقول لنفسي ( انا من يحدد إذا بعيش بسعاده آو تعآسه مهما كانت الظروف ) ،

حطيت لنفسي خطه لهالصيفيه اللي راح اقضيها بين جدران الغرفه ، كتبت اهدآفي الدينيه ، الآسريه ، آلآجتمآعيه ، آلجسديه ، وسويت لهآ جدول علشآن آحدد مقيآس آنجآزي لهدف معين ،

وبمآ آني آنسآنه ( آعشـــــق ) القراءه خاصة الكتب اللي تتعلق بتطوير آلذآت والكتب اللي تتكلم عن حياة الرسول والصحابه والخلفاء مره آحبهآ ، طلعت كتب قديمه كانت عندي علشان ارجع اقراها

وكتبت الكتب اللي ودي اشتريها <~ ( بتخلص الاجازه وما شريت شي لآن مافي آحد يشتري لي ) ولآن آمي بتجلس تعقدني آمي لما تشوفني آسرف فلوسي على كتب ، شوفوآ التحطيم وش تقول لي

( الله وآكبر اللي يشوفك يقول بتطلعين عآلمة زمانك ) ولما تسمعني اقول بشتري كتب ولآ يوووه ودي آشتري كتب ، تحلف علي اني مآ آشتري ولآ كتآب وتقول : يالله روحي آشتري

والكتب اللي مآليه آلدرج والله لأروح آحرقهآ ، آفهمها آعلمها بكل هدوء بس ترفض آنه تفهم كلآمي ، وش آسوي في هآلحآله قلت لآ شريت بشتري من دون مآتدري <~ سبحآن الله والله لو آني بهرب مخدرآت ،

كنت في همه عآليه آنو هآلعطله لآزم آستفيد منهآ ، لحد مآجآء آمس ، جآء اخوي اللي مآ آحبه آكره لأنه في شهر 3 مد يده علي (( ظلمآ وبهتآن )) إذا ابوي رغم قساوته ماعمره

مد يده علي ، يجي اهو ويضربني و قدام ابوي وامي واخواتي وعيالهم تدرون وش السبب بس لآ آحد يستغرب : في ذآك اليوم طلعت من غرفتي وانا معصبه لان ابوي عيا نروح لملكة بنت جيرانا ،

كان جالس بصاله اهو وابوي حزة الغدى واروح للمطبخ ويجلس يناقرني ولد اختي الصغير وانا ماني رايقه وتكلمت عليه بصوت علي ، جاء اخوي مسرع من الصاله وضربني يحسب

ان الكلام موجه له ، ولا ضربني وانا مقفيه ويوم شفته انفجعت وش فيه ، بنات فكروا زين امانه انا في المطبخ شلون يكون الكلام موجه له مثل اللي ماصدق ، جلسنا شهور مانكلم بعض أقسم بالله العظيم

اني كنت اتذكر الحديث اللي ماترفع اعمال العبد وبينه وبين احد خصام وانقهر يعني اعمالي ماترفع وفي يوم كان اهو بيوصلني للجامعه قلت في نفسي يابنت خيركم من يبدى السلام رغم انه هو الغلطان

بشهادة امي واخواتي واخواني الكبار وسلمت ورد السلام بدون نفس ولا تكلم بأي شي انقهرت تمنيت اني ماسلمت يعني كاني انا الغلطانه ، وهالحال مستمر إالى اللحين مابيني وبينه اي كلام

المهم جانا امس وكان يتقهوى مع امي واختي وقال هاه سمح لكم ابوي تسافرون لمكه قالت امي والله مدري عنه قآل : ليش ماتكلمونه انتوآ يالثلاث قآلت : وين ماغير انا واختك ( وهذيك تقصدني آنآ )

ماغير جالسه لوحدها وتشكي له مني ، بدون سبب اقسم بجلال الله اقسم برب البيت جعلني الموت ماسويت لها شي ليه يمه انا وش سويت يوم تشكيني عند واحد اكره واحد ظلمني وش تنتظرين منه يقول ،

بيدافع عني بيجي لمي الغرفه بيقول ياختي عسى ماشر وش اللي مضايقك ليه يمه ليه انا وش سويت بدنيتي ياناس علشان يصير فيني كل هذا وش سويت وش سويت وش سويت ،

بعدهآ سكرت علي الباب وجلست ابكي وابكي وابكي ، وما احد بهالكون يدري بحالي غير الله ، ومن امس إلى اللحين وانا بغرفتي مسكره علي ولا اكلت ولا شربت ولا نزل بطني شي ، خلاص ملييييييييييييت

طفشت ماعاد فيني صبر خلاص واللي يصير فيني يصير ، تحسبون ان امي دقت علي الباب او اختي لا ، (( خلاص قررت اعيش علشان نفسي ومالي دخل بأي احد ، ولا لأحد دخل فيني ))

حياتي غرفتي اصلي وانام وبس لين مآيجي ملك الموت ويأخذ روحي ، الحمد لله مافي شي اخاف عليه ولا في احد بشيل همه (( انه بيبكيني ))

[يوسف عبداللطيف الحمادي]

لاحول ولاقوة الا بالله العلي العظيم

اصبري اصبري اصبري اختي الكريمه فان مفتاح الصبر الفرج

وقولي حسبنا الله ونعم الوكيل فهوا القادر وحده ان يجعل لك مخرجا

فلاتنسي اختي صبر ايوب على بلاوه وكم دام صبره

يمكن لاجد كلمات اخفف عنك ولاعندي الاسلوب

ولكن هنا الاخوات ماشاء الله عليهم فهم ملجأ لك بعد الله
الله يحفظهم

,الله يفرج عنك

[زهر النرجس]

لآيرحم ولا يخلي رحمة الله تنزل
ودايم آسأل ربي يآرب ليش يصير لي هالشي ((هذا قضاء وقدر))
يااختي الله يحفظك لاتقولين كذا
والله حاسة فيك بس ترى احيان من كثر القهر نقول كلمات لاينبغي لنا ان نقولها بس لازم نصبر
عليك يااختي بـ((حسبي الله لااله الا هو عليه توكلت وهر رب العرش العظيم))7مرات
واصبري اصبري اصبري وادعيلهم بالهداية والله ماندري بأي وقت يجي الموت
الله يفرج همك ويرزقك الصبر ويفتح لك بقلب والديك واخوانك

[رهف @@]

شوفي ياقلبي احنا في دار زائله وفانية ,, دنيا فيها الحزن والفرح فيها الضحك والبكاء فيها الراحه والتعب ..
فينبغي يااختي ان تتحلي بالصبر وان تتلذذي بمنجاة الله سبحانه وتعالى
فعيشي حياتك لله سبحانه وتعالى اكثري من الطاعات من صدقه وصلاه وصيام وبر واحسان
لاتفكري في الدنيا كثيرا اجعلي همك هم الاخره ورضا الله عزوجل
يقول الرسول صلى الله عليه وسلم ( ( من كانت الآخرة همه جعل الله غناه في قلبه ، وجمع له شمله ، وأتته الدنيا وهي راغمة ، ومن كانت الدنيا همه جعل الله فقره بين عينيه ، وفرق عليه شمله ، ولم يأته من الدنيا إلا ما قدر له )
وياليت يااختي تشغلي نفسك بحفظ القران الكريم صدقيني حياتك راح تتغير للأفضل وراح تكوني سعيده ومبسوطه 00 فتسجلي في حلقات تحفيظ القران عن الطريق النت فهناك مواقع رائعه فيها حلقات تحفيظ مثل موقع دار الهجره النسائية الى القران وموقع شبكة المسك النسائيه
واسأل الله ان يوفقك في حياتك ويسعدك ويفرج همومك ويشرح صدرك

[الارجوان11]

السلام عليكم أختي الكريمة
قرأت ما كتبتي حرفاً حرفاً وتألم لما قرأت أشعر بكِ تماماً فخذي القول يا غالية من أخت لإختها في الله
وأقول مستعيةً بالله في قولكِ

أقسم بالله يابنات اللي يشوفني في الجامعه يقول هذي آلهم مايطرق قلبه ، وطبعآ على العكس تمآمآ ، مشكلتي آلآسآسيه

تتمركز في آلبيت ، بنآت آنآ آعيش في حرمآن مآيعلم فيه الا اللي فطر السماء والآرض آبوي من العصر الجاهلي تحكمه العادات والتقاليد وفوق كذآ شايل شي آسمه ( حرمه ) من قاموسه ، كل شي ممنوع

جيد إذاً هذا يبين أنكِ قوية وإنسانه عظيمة لا تحبين أن تستعطفي أحد وهذه ميزة فليس من الحسن أن يشكو الواحد منا لكل أحد وكما يقال ( الشكوى لغير الله مذله ) أريد منكِ أن تعيشي في المنزل بنفس هذه الروح التي تعيشين بها في الجامعه لا تشعري الوالدة والأخت بحزنكِ وأرسمي البسمة على شفاههم حتى ولو من بين الدموع فما أجمل أن يكون الإنسان سبب للبسمة وما أسواء أن يكون سبب لخروج دمعه
:::::::::::::::::::::::::::::::
أما عن الوالد وتعاملة فاعلمي يا غالية أن هناك من هو أقسى في تعاملة من والدكِ هناك من لا يقبل أن تخرج إبنته من البيت ولا يقبل أن يسمع لها صوتاً فلا يتركها تتعلم ولو حتى أبسط العلوم فتعيش حياتها لا تعرف من البشر إلا والدتها ووالدها وأخواتها فأنتِ والدكِ جعلكِ تكملين التعليم وها أنتِ في الجامعة تدرسين و لبعض من الأباء يحرم أبنته من التحكم حتى في مالها الخاص بها
غاليتي حاولي معي أن تنظري للجانب المشرق في حياتكِ أنتِ الحمدلله جامعية.. إنسانة متعلمة .. تحب القراءة وهذه نعمة يفقدها الكثير ... أعلم ستقولين لا أملك الكتب أو أنه يصعب علي إمتلاكها .. أقول لكِ أنتِ تمتلكين النت والنت الآن يوصل لكِ ليس كتاب أو كتابين بل يوصل لكِ مكتبة تحوي ملايين الكتب المتنوعة في مختلف المجالات يعني هناك بديل مماثل
غاليتي لا تواجهي حياتكِ بالعناد والتتطلع لما عند الناس ... أو النظر لما هم علية من حال ... فلو كل إنسان نظر لمن فوقه من الناس لما رضي أحد بحياته فالفقير يريد أن يكون غني والغني يريد أن يكون ملياردير وهذا يريد ان يكون ملك وإن حصل على الملك على قطعه أرد أن يتوسع ... ومن خرج و سافر لى تلك البلد يريد أن يسافر لى أخرى ... فلو كره الحياة الناس إن لم يصلون إلى ما يتمنون لن نجد حينها أحد على هذه الأرض يحب الحياة فالعاقل يا غالية يتكيف على حاله و لا يقضي حياته حسرةً على أمر يعلم يقيناً أنه لا يستطيعه و ربما لن يصل له في حياه فيقضي الحياة لا هو الذي وصل إلى ما يريد و لا هو الذي إستمتع بما بين يديه
أختي الحبيبة ... جربي أن تبدئي أنتِ بالحب إبدائي بالحب لمن حولكِ وسوف يبادلونكِ ومن المهم أن لا تستعجلي النتيجة ربما لا ترين النتيجة المرغوبه إلا بعد سنوات لكن عليكِ بالإستمرار
همسة أهمس بها في أذني أولاً وأذن الغالية وللجمع المبارك هنا :
إبتسمي للحياة و ستبتسم لكِ ... حاولي جاهده أن تدخلي الجنه من البابين .. أقصد الوالدين وأي تعامل منهما لا يبرر أبداً العقوق لهما فإن الدنيا ساعة والعاقل لا يسعى لساعدة ساعة إذا كانت لن تأتي إلا بشقاء دائم

ربما أنني أطلت الحديث لكنه قلب الإخاء إذا إنفجر ينبوعة ليروي من كان الإسلام سبباً للإخاء بينهما

أسأل الله أن يكتب لكِ أجر الصبر والإحتساب وأن يربط على قلبكِ ويبعد عنكِ وساوس الشيطان

[برايت مون]

السلام عليكم ورحمة الله وبركاته ...................الله يعينك ويصبرك

احمدِ الله انك تدرسين البعض مايخلونها تكمل الدراسة

[لومي اليتيمة]

حبيبتي محد في هالدنيا مرتاح

انا ابوي متوفي ولكني عايشه في معاناه مع اهل ابوي ، رمونا في سكن ايتام 17 سنه
ومحد سأل عننا ، ما يدرون كبار ولآ صغار ، واحنا كنا اطفال ، اختي 6سنين وانا 4 واخوي 3 واختي الصغيره 11 شهر ، بعد ما كبرنا جا عمي وقال ابغى الارض حقتكم وهي حيلتنا الوحيده من الدنيا ، قلنا مانبي نعطيك ، قال طيب اوريكم ، وسوو لنا سحر .. واحنا زي المهابيل رحنا المحكمه وتنازلنا عن ارضنا .. اخذها بسهوله ،،، وشوفينا رمانا في شقة وقال بأدفع لكم سنه واذا محد تزوج منكم يالبنات بكيفكم ، يقول نامو بالشارع احسن ... ولازلنا في مشاكل معاهم مالها نهاية ...

يا قلبي لا اللي عنده اب مرتاح ولا اللي ماعنده مرتاح...

بس انتي عليكي بالصبر

وثقي تماماً انو ربي ابتلاكي لأنو يحبك وبيشوف مدى صبرك وتحملك
، وربي قال جزاء الصابرين الجنه بغير حسااااااااب .... الدنيا فانيه .. يعني قريب بتدخلين الجنه ان شاء الله،
افرحي وابتسمي ولا يهمك احد .. اذا احد غلط عليكي لا تردي عليه .. خليه يخلص كلامه وروحي غرفتك،
صلي آخر الليل وقولي يارب وادعي اللي في قلبك ، صدقيني ربي حيستجيب دعوتك تدرين ليه ؟
ربي اذا أحب صوت عبده يبتليه ، عشان يسمع صوت عبده دايم وهو يقول يارب ويدعي ..

ابداً لا تقولي ليه ياربي كذا ... هذا سخط وما يجوز
ومن صفات الصابرين اللي يدخلون الجنه بغير جساب ، الرضا بالمصيبه وعدم السخط ، والاكثار من شكر الله .. ومن الاستغفار ....


لا تنسي هذا الدعاء خيتو .... جربيه وحتحسي برآحه ..

دعاء فرج الهموم ( ردديه 7 مرات ) كل يوم
"حسبي الله ، لا إله الا هو عليه توكلت وهو رب العرش العظيم "


من توكل على الله فهو حسبه

كوني على تيقن دائماً بأن الله قادر على ان يفرج همك .... صدقيني كل ما ضاقت معناها الفرج قريب..


الله يفرج همك وهمي وهم الجميع ..

تحياتي

[لاتنس ذكر الله]

اختي حالمة ..

وجدت في كلامك القوة والصبر ..ماشاء الله عليك ..

الله يحفظك ..


تذكري غاليتي .. شهر فضييل مقبل علينا ..وفرصة لفتح صفحة جديدة بينك وبين والديك ..

جربي ...ان تستمعي بحياتك .. بأن تفعلي كل ماهو يسعدك .. قبلي راس والديك عندما تستيقظين ..

وادعي في صلاة الليل ان يحنن قلوبهم عليك .. صدقيني والدينك انتي اهم شي بالنسبة لهم .. ولكن

حاولي ازالة السطحية بينكم .. وحاولي ان تتكلمي في اموور يحبونها .. ادخلي معهم في حواار شيق ..

وا هدي لهم ابتساااماتك .. صدقيني ياحالمة .. الدنيا ماتستاهل الضيق هذا كله ..والحياة دقايق وثواني ..


حاولي استغلااال كل فرصة للتداخل اكثر مع عائلتك .. امك وابوك واخيك .. نعم لاتقولين هو الغلطاان وانا ا

المظلوومة ..كل هذا عزيزتي من الشيطاان ..ليبعدكم عن بعض ..وليديم ابتعادك عنه ..حتى لا ترفع اعماالك

الصالحة ..! فما الفائدة من ان تعملين الصاالح ؟؟ < اعجبني قولك وتذكرك ان الاعمال لاترفع بين

المتخاصمين ..

غاليتي .. بدلي حياتك .. فأنت بيدك التغير .. بعد الله ..


وخصووصا في رمضاان الكريم .. الله يجعلك واهلك من صووامه وقوواااامه ..


اعذريني غاليتي ع الاطاالة ..


حالمة / تدرين ان ربي يحبك .. لانك طرحتي مشكلتك .. اولا : لانك وجدتي من يشاركك بها وايجااد الحل المناسب امثاال الاخواات الفاضلات ..ثانيا/ اثبتت دراسة ان الفضفضة بالكتابة هي من اهم اسباااب ازالة الهم بعد الله ...



كوني بخير حبيبتي ... وادري ان هذرتي ماتخلص :)

[لاتنس ذكر الله]

^

اختك تووحة ..

دعواتي لك .. يالغلا ..

[محبة خالقها]

حبيبتي بقولج شي واتمنى انج تسمعيني
انا احس باللي تقولينه وترى ماهو انتي لحالج اللي تعاني من هالمشكله انا والله تمر علي شهور ماشوف الشارع وماعندي لابنات خاله ولا بنات عمه او خال
يعني ماعندي بنات في عايلتنا لانه عايلتنا كله اولاد وقليل البنات تخيلي حتى اذا شافوني اقرباء امي يقولون تونا ندري انه فلانه عندها بنت كانه مالي وجود وسالفة ابوج يقسو عليج احتسبي الصبر فهذا ابوج ولا عقيتيه باجر بعد عمر طويل راح يروح وش راح تستفيدين لا راح وهو غضبان عليج واخوج ماعليج منه خليه باجر يحس بغلطته وعلى قولة المثل نام مظلوم ولا تنام ظالم
وانا ادري انج راح تقولين اللي يتكلم غير اللي عايش الوضع وهذا الشي صحيح
انا بقولج شغله ثانيه انا عمري 23 ولحد الحين ماتزوجت ورب الكعبه انه خالي يقول لي يالعانس تخيلي حتى جدتي ماتحبني ما جني بنت بنتها تعامل اخواني غير وانا غير
ترى مو بس انتي حبيبتي اللي تعانين في غيرج حالتهم اردى من حالج
وتدرين نصيحه مني اسمعي سورة يوسف وتدبري في معاني السورة واستشفي منها كيف الله سبحانه وتعالى غير حال النبي يوسف عليه السلام من منبوذ من اخوته الى عزيز مصر هذا غير انه انسجن ظلما سبع سنوات وشوفي بعدين كيف امسى حاله
وماتدرين ربج وش كاتب لج بعدين تفائلي ولاتجعلي الشيطان يخليج يأسه من رحمة ربج
وقولي الحمدالله على كل حال
وعسى ربي يفرجها ويفتحها عليج عاجلا غير اجل
وصبر جميل والله المستعان